Vinsamlegast athugið að þetta efni er eldra en 8 ára.
Sportlegur, kraftmikill og lipur
Á faglegum nótum 22. júlí 2014

Sportlegur, kraftmikill og lipur

Höfundur: Hjörtur

Í undanförnum bílapistlum hef ég verið að prófa ódýra og sparneytna bíla til viðhalds og reksturs. Benz-bílar hafa hingað til ekki verið taldir fyrir hvern sem er en á seinni árum hafa framleiðendur Benz komið með bíla sem eru bæði ódýrir og hagstæðir í rekstri. Benz-bílar hafa ávallt verið taldir bílar sem hafa mikla endingu og fremur lága bilanatíðni. Á dögunum prófaði ég Benz GLA Class 200, sportlegan fjórhjóladrifin bíl sem kostar ekki mikið.

Hættulega þægilegur

Ég hafði hugsað mér stuttan rúnt austur fyrir fjall, en ég gat bara ekkert að því gert að stutti rúnturinn endaði á að vera á Flúðir og til baka af því að það var svo skemmtilegt að keyra bílinn.

Fljótlega skynjaði ég það að maður varð að keyra GLA Class í langkeyrslu með hraðastillinn á (cruise control), án þess er ökuskírteinið í hættu á góðum vegi þar sem maður finnur lítið fyrir hraðanum á þessum bíl (stóð sjálfan mig nokkrum sinnum að því að vera komin vel hægra megin við hundrað haldandi mig vera á löglegum hraða). Hins vegar er fjöðrunin svo góð að eftir því sem hraðinn eykst liggur bíllinn alltaf betur og betur á veginum, hættulegt gagnvart ökuskírteininu.

Margar útfærslur á vélum í GLA Class

Bíllinn sem ég prófaði var með smæstu vélinni (GLA 200, 136 hp.), en val er um margar stærðir véla með hestöfl frá 136 hestöflum upp í 360 hestöfl. Fyrir mína parta var þessi vélarstærð nægileg fyrir mig, en ef maður er oft með aftanívagn og fullhlaðin bíl mundi ég velja GLA 220 sem er með 170 hestafla vél. Hins vegar sá ég að samkvæmt aksturstölvunni var ég að eyða 5,4 lítrum á hundraðið í langkeyrslu og um 7,5 í innanbæjarakstri sem er töluvert minna en ég hafði haldið að svona þungur bíll ætti að eyða á mínu aksturslagi.

Mjög vel hljóðeinangraður gagnvart utanaðkomandi hljóðum

Eins og alla aðra bíla prófaði ég bílinn á möl og kom það mér á óvart hversu lítill hávaði af mölinni sem kom undir bílinn heyrðist inn í bílinn. Einnig í eitt skipti var ég staddur á rauðu ljósi og við hliðina á mér var Porsche sem gaf vel í til að sýna mér kraftinn, en halda hefði mátt að sá bíll hefði verið rafmagnsbíll því að ekkert heyrðist í honum fyrr en ég skrúfaði niður rúðuna.


Varðandi malarvegaaksturinn fannst mér fjöðrunin taka vel þessar dæmigerðu pollaholur og veggrip almennt mjög gott.

Verð og búnaður kemur á óvart

Eftir að hafa keyrt Benz GLA Class rúma tvöhundruð kílómetra verð ég að taka undir orð vinar míns sem sagði:
„Eftir að þú hefur keyrt Benz er allt annað eftirlíkingar.“

Ég get ekki neitað því að þessi prufuakstur var einhver sá þægilegasti sem ég hef tekið, þvílíkur unaður að keyra þennan bíl.

Þrátt fyrir að bíllinn hafi verið góður fannst mér hann ekki óaðfinnanlegur því að ég hefði viljað sitja hærra í bílnum, hliðarspeglarnir mættu vera stærri og farangursrýmið mætti vera það stórt að koma mætti fyrir tveim golfsettum, en ekki bara smæstu golfsettum. Einnig hefði ég viljað hafa varadekk í stað loftdælunnar og viðgerðarvökvans.

Verð er frá 6.750.000

Svo margar útfærslur á Benz GLA er hægt að fá að ekki er pláss fyrir að fara yfir það hér lið fyrir lið (mismunandi vélar, innrétting, öryggisbúnaður og fl. s.s. aukahluti), en þess í stað vil ég benda á sölumenn Öskju eða vefsíðuna hjá Benz-umboðinu sem er Askja á slóðinni www.askja.is.

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...

Arabískt fyrirtæki fjárfestir í Atmonia
Fréttir 30. janúar 2023

Arabískt fyrirtæki fjárfestir í Atmonia

Efnafyrirtækið Sabic Agri-Nutrients hefur keypt einkarétt á notkun tækni Atmonia...

35 kindur drápust í bruna
Fréttir 30. janúar 2023

35 kindur drápust í bruna

„Aðkoman var óhugnanleg og þetta er mikið áfall,“ segir Guðjón Björnsson, bóndi ...

Innflutningur erfðaefnis skilar góðum árangri
Fréttir 27. janúar 2023

Innflutningur erfðaefnis skilar góðum árangri

Samkvæmt niðurstöðum Ráðgjafarmiðstöðvar landbúnaðarins (RML) úr skýrsluhaldi na...

Verðskrá Skeljungs og Fóðurblöndunnar
Fréttir 27. janúar 2023

Verðskrá Skeljungs og Fóðurblöndunnar

Skeljungur og Fóðurblandan hafa birt verðskrá fyrir þær tegundir af áburði sem f...

Ekkert veiðibann á döfinni
Fréttir 26. janúar 2023

Ekkert veiðibann á döfinni

Veiðibann á grágæs hefur ekki tekið gildi á Íslandi og ekki stendur til að banna...