Spilar á úkúlelei
Bríet Bjarnadóttir er hálfur Fljótshlíðingur og hálfur Kjósverji sem býr í Mosfellsbæ. Henni finnst skemmtilegast að læra ensku í skólanum. Fyrsta minning hennar er frá því hún fór í Húsdýragarðinn og hún spilar á úkúlelei í frístundum.
Nafn: Bríet Bjarnadóttir.
Aldur: 9 ára, alveg að verða 10.
Stjörnumerki: Vatnsberi.
Búseta: Mosfellsbær, en fer oft í sveitina í Kjósinni.
Skóli: Varmárskóli.
Hvað finnst þér skemmtilegast í skólanum? Enska.
Hvert er uppáhaldsdýrið þitt? Ljón.
Uppáhaldsmatur: Lifrarpylsa og grjónagrautur.
Uppáhaldshljómsveit: Jessie J.
Uppáhaldskvikmynd: Robinson-fjölskyldan.
Fyrsta minning þín? Þegar ég fór í fyrsta sinn í Húsdýragarðinn.
Æfir þú íþróttir eða spilarðu á hljóðfæri? Var að æfa fimleika en fer í frjálsar eftir áramót og á úkúlelei sem ég spila stundum á.
Hvað ætlar þú að verða þegar þú verður stór? Hárgreiðslukona.
Hvað er það klikkaðasta sem þú hefur gert? Dýpt brauðstöng í mjólk.
Hvað er það leiðinlegasta sem þú hefur gert? Bíða eftir að fá gips á höndina þegar ég handleggsbrotnaði. Biðum alveg ótrúlega lengi.
Gerðir þú eitthvað skemmtilegt í sumar? Fór í heimsókn til Sollu frænku á Akureyri í heila viku.