Vinsamlegast athugið að þetta efni er eldra en 9 ára.
Smala vegna hættu á flóðum
Fréttir 20. ágúst 2014

Smala vegna hættu á flóðum

Höfundur: Freyr Rögnvaldsson

Bændur í Öxarfirði smöluðu í gær og í fyrradag fé af Austur-Sandi í Öxarfirði en fari að gjósa í Bárðarbungu er talin hætta á að hlaup fari niður farveg Jökulsár á Fjöllum. Ef svo yrði væri hætta á að fé á svæðinu lokaðist inni vegna vatns. Um 200 lambær eru voru á svæðinu, einkum af bæjunum Ærlæk og Ærlækjarseli.

Jón Halldór Guðmundsson bóndi á Ærlæk í Öxarfirði segir að ekki hafi verið um neitt annað að ræða en að smala svæðið. „Um hádegi í fyrradag hækkuðu Almannavarnir viðbúnaðarstig og þá fórum við í að smala á því svæði sem mest er hætta á að fari undir vatn. Það þarf í raun ekki mikið gos til að það verði ógjörningur að ná fénu. Jökulsá á Fjöllum breytti um farveg í nálægt aldamótunum þar síðustu en áður hafði hún runnið austar í þremur kvíslum. Féð gat því lokast af ef kæmi hlaup og áin færi að renna í gömlu kvíslunum líka. Ef það kemur mikið flóð gæti fé orðið undir vatni en jafnvel þó að að flóðið yrði ekki stórt þá væri féð innilokað.“

Ef byrjar að gjósa í Bárðarbungu er gert ráð fyrir að það taki um tíu tíma fyrir vatn að berast til byggða í Öxarfirði svo úr verði flóð. „Ef það byrjar að gjósa að kvöldlagi yrði hreinlega of seint að bregðast við þannig að það kom ekki annað til greina en að smala núna. Það er líka orðið það áliðið árs að það er ekkert stórmál að taka féð heim.“

Bændur í Ærlækjarseli voru nú í morgun að smala fé í heimalandi og hyggjast flytja það upp í sveit en Ærlækjarsel er á svæði þar sem ætla má að vatn flæði komi til goss.

Í morgun funduðu fulltrúar Bændasamtaka Íslands, Almannavarna og landbúnaðarráðuneytisins þar sem farið var yfir stöðu mála. Á fundinum voru ekki teknar ákvarðanir um neinar aðgerðir en áfram verður fylgst grannt með gangi mála.

 

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...

Verulegur samdráttur í innflutningi á áburði
Fréttir 16. apríl 2024

Verulegur samdráttur í innflutningi á áburði

Matvælastofnun hefur birt leiðrétta skýrslu yfir áburðareftirlit síðasta árs.

Ísteka í yfirburðastöðu
Fréttir 15. apríl 2024

Ísteka í yfirburðastöðu

Í nýrri ályktun Samkeppniseftirlitsins kemur fram að Ísteka beiti sterkri stöðu ...

Hverfandi líkur á riðusmiti árið 2032
Fréttir 15. apríl 2024

Hverfandi líkur á riðusmiti árið 2032

Í nýrri landsáætlun verður stefnt að því að hverfandi líkur verði að upp komi ri...

Hrútaverðlaun fyrir Gullmola og Blossa
Fréttir 15. apríl 2024

Hrútaverðlaun fyrir Gullmola og Blossa

Á fagfundi sauðfjárræktarinnar sem haldinn var í Ásgarði Landbúnaðarháskóla Ísla...

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.

Ekki farið að lögum um útivist nautgripa
Fréttir 12. apríl 2024

Ekki farið að lögum um útivist nautgripa

Matvælastofnun lagði stjórnvaldssektir á þrjú kúabú á Vesturlandi á dögunum vegn...