Vinsamlegast athugið að þetta efni er eldra en 4 ára.
Skrifstofa matvæla og landbúnaðar sameinuð alþjóðasviði atvinnuvegaráðuneytis
Mynd / TB
Fréttir 27. september 2018

Skrifstofa matvæla og landbúnaðar sameinuð alþjóðasviði atvinnuvegaráðuneytis

Atvinnuvega- og nýsköpunarráðuneytið hefur hætt við ráðningu skrifstofustjóra á skrifstofu matvæla og landbúnaðar. Sameina á skrifstofuna, sem er ein þriggja fagskrifstofa sem heyra undir sjávarútvegs- og landbúnaðarráðherra, undir skrifstofu alþjóðamála. Á þriðja tug manns sótti um starfið í sumar en matsnefnd hefur verið að störfum síðustu vikur. Samkvæmt heimildum Bændablaðsins var búið að taka nokkra umsækjendur í viðtal og sérstök hæfnisnefnd búin að skila ráðherra greinargerð.

Í bréfi til umsækjenda, sem dagsett er í dag 27. september, segir að eftir að ráðningarferlið hófst hafi skipulagsbreytingar verið til umfjöllunar í ráðuneytinu. Markmiðið sé að „efla stjórnun og samhæfingu, jafna álag og bæta nýtingu starfsfólks,“ eins og segir í bréfinu.

Þar kemur einnig fram: „Ákveðið hefur verið að sameina skrifstofu matvæla og landbúnaðar og skrifstofu alþjóðamála undir skrifstofustjóra þeirrar síðarnefndu. Jafnframt hefur verið ákveðið að ráðast í vinnu við frekari skipulagsbreytingar á næstunni.“

Verður landbúnaðinum komið fyrir í skúffu á alþjóðasviði ráðuneytisins?

Sindri Sigurgeirsson, formaður Bændasamtakanna, segir að þetta séu veruleg vonbrigði og hann hafi miklar áhyggjur af stöðu mála í ráðuneytinu. „Nú nýlega hættu tveir reynslumiklir starfsmenn ráðuneytisins á sviði landbúnaðar og það er alveg ljóst að stjórnsýsla landbúnaðarmála stendur veikari á eftir. Við finnum það sem erum í reglulegum samskiptum við ráðuneytið að þar eru alltof fáir starfsmenn. Það er slæmt fyrir hagsmuni landbúnaðarins.“ Aðspurður um sameiningu skrifstofu matvæla og landbúnaðar við skrifstofu alþjóðamála segir Sindri það hljóma undarlega og að ráðherra verði að tala skýrar um framtíðarhlutverk og fyrirkomulag í ráðuneytinu. „Það sýnir kannski forgangsröðun ríkisstjórnarinnar að hún vill koma landbúnaðinum fyrir í skúffu á alþjóðasviði sjálfs atvinnuvegaráðuneytisins.“

Alls sóttu 26 manns um starfið en sérstök hæfnisnefnd mat hæfni umsækjenda og skilaði greinargerð til ráðherra nú nýlega. Eft­ir­far­andi ein­stak­ling­ar sendu inn um­sókn á sínum tíma:

  • Aðalsteinn Þorsteinsson, forstjóri
  • Arnljótur Bjarki Bergsson, sviðsstjóri
  • Arnór Snæbjörnsson, sérfræðingur
  • Auður Finnbogadóttir, viðskiptafræðingur
  • Benedikt S. Benediktsson, sérfræðingur
  • Bjarni Ragnar Brynjólfsson, skrifstofustjóri
  • Elvar Árni Lund, framkvæmdastjóri
  • Erna Bjarnadóttir, sérfræðingur
  • Gísli Rúnar Gíslason, deildarstjóri
  • Gunnar Rúnar Kristjánsson, verkefnastjóri
  • Gústaf Adolf Skúlason, ráðgjafi
  • Jón Baldur Lorange, framkvæmdastjóri
  • Jón Óskar Pétursson, sérfræðingur
  • Jóna Sólveig Elínardóttir, rannsóknamaður og verkefnisstjóri
  • Kjartan Hreinsson, sérfræðingur
  • Margrét Katrín Guðnadóttir, verslunarstjóri
  • Maríanna H. Helgadóttir, formaður
  • Ragnar Egilsson, framkvæmdastjóri
  • Rebekka Hilmarsdóttir, sérfræðingur
  • Sigríður Hjaltadóttir, rekstrarstjóri
  • Sigurður Torfi Sigurðsson, ráðgjafi
  • Skúli Þórðarson, MPA opinber stjórnsýsla
  • Steinunn Grétarsdóttir, deildarstjóri
  • Unnar Hermannsson, sérfræðingur
  • Zita Rézné Zádori, íþróttakennari
  • Þórdís Anna Gylfadóttir, verkefna- og viðburðastjóri

Bændablaðið leitaði nánari upplýsinga hjá ráðuneytinu en hvorki náðist í ráðherra né ráðuneytisstjóra vegna málsins.

Sólarorkuver á fjósþaki
Fréttir 25. nóvember 2022

Sólarorkuver á fjósþaki

Á Eystri-Leirárgörðum var nýlega sett upp raforkuver á útihús. Þetta er hluti af...

Ísland skuldbundið til að vakta lífríkið
Fréttir 25. nóvember 2022

Ísland skuldbundið til að vakta lífríkið

Grænbók stjórnvalda um líffræðilega fjölbreytni íslenskra vistkerfa var birt í S...

Nytjaréttur viðurkenndur
Fréttir 24. nóvember 2022

Nytjaréttur viðurkenndur

Í nýrri skýrslu um stöðu og áskoranir þjóðgarða og annarra friðlýstra svæða segi...

Átak í sálrænni líðan
Fréttir 24. nóvember 2022

Átak í sálrænni líðan

Í Skotlandi hefur verkefni verið hleypt af stokkunum sem á að gæta að geðrænni h...

Varmadælur skjótvirkasta orkan og alvöru orkuöflun
Fréttir 24. nóvember 2022

Varmadælur skjótvirkasta orkan og alvöru orkuöflun

Sigurður Ingi Friðleifsson, sviðsstjóri loftslagsbreytinga, orkuskipta og nýsköp...

Alls verða 23 nýir hrútar kynntir inn á sæðingastöðvarnar
Fréttir 23. nóvember 2022

Alls verða 23 nýir hrútar kynntir inn á sæðingastöðvarnar

Hinir árlegu hrútafundir, þar sem hrútaskráin er kynnt og ræktunarmálin rædd, er...

Greiddu 465 milljónir kr.
Fréttir 23. nóvember 2022

Greiddu 465 milljónir kr.

Í lok október greiddi matvælaráðuneytið 465 milljónir króna til bænda sem álag á...

Mikil fjölgun íbúa
Fréttir 22. nóvember 2022

Mikil fjölgun íbúa

Íbúar Hvalfjarðarsveitar eru nú orðnir 750 og hefur þeim fjölgað um 63 íbúa frá ...