Vinsamlegast athugið að þetta efni er eldra en 7 ára.
Skrifað undir samning um Dýrafjarðargöng
Fréttir 8. maí 2017

Skrifað undir samning um Dýrafjarðargöng

Höfundur: Hörður Kristjánsson
Jón Gunnarsson, samgöngu- og sveitarstjórnarráðherra, vegamálastjóri og forráðamenn verktakafyrirtækjanna Suður­verks og Metrostav frá Tékklandi skrifuðu undir samning um gerð Dýrafjarðarganga 20. apríl, en fyrirtækin áttu lægsta tilboð af fimm í verkið. 
 
Áætlað var að skrifa undir samninginn á Hrafnseyri við Arnarfjörð að viðstöddum gestum,  en vegna veðurs og ófærðar á Hrafnseyrar- og Dynjandisheiðum var það ekki hægt. Ekki var heldur hægt að fresta undirskriftinni lengi þar sem fulltrúar Metrostav voru komnir frá Prag til að skrifa undir og ekki heldur gott vegna verksins sjálfs að fresta undirskrift. Því var skrifað undir í Reykjavík. 
 
Unnið fyrir 1.500 milljónir í ár
 
Í ár er ráðgert að vinna fyrir 1.500 milljónir króna samkvæmt fjárlögum og fyrir um 3 milljarða á því næsta. Tilboð Metrostav a.s. og Suðurverks hf. í gerð Dýrafjarðarganga nam tæpum 8,7 milljörðum króna, eða rúmum 93 prósentum af kostnaðaráætlun, og var um 630 milljónum króna lægra en næstu boð sem bæði voru nánast það sama og kostnaðaráætlunin. 
 
Tilboðin voru opnuð hjá Vegagerðinni 24. janúar síðastliðinn. Áður hafði farið fram forval þar sem sjö fyrirtæki sýndu verkinu áhuga. Fimm skiluðu  tilboði, allt verktakar sem reynslu hafa af jarðgangagerð á Íslandi nema ítalski verktakinn C.M.C. di Ravenna.
 
Fyrsta skóflustunga verður tekin um miðjan maí
 
Um miðjan maí verður athöfn í Arnarfirði þar sem fyrsta skóflustunga ganganna verður tekin að viðstöddum samgöngu- og sveitarstjórnarráðherra, vega­málastjóra, sveitarstjórnar­mönnum og alþingismönnum og verður hún jafnframt opin almenningi. Fyrsta skóflustungan fer fram við gangamunnann í Arnarfirði og jafnframt verður dagskrá á Hrafnseyri þar sem flutt verða stutt erindi um vegagerð á Vestfjörðum og fleira auk þess sem boðnar verða kaffiveitingar. Þessi samkoma verður auglýst nánar síðar.
 
Samgönguráðherra fagnar áfanganum
 
Við undirritunina sagði Jón Gunnars­son, samgöngu- og sveitarstjórnarráðherra, að nú gætu hafist framkvæmdir við langþráðar samgöngubætur á Vestfjörðum. Fagnaði hann þessum stóra áfanga sem og áframhaldandi samstarfi við Suðurverk og Metrostav sem hefðu áður unnið saman að jarðgangagerð hér á landi.
 
Dynjandisheiði í biðstöðu
 
Ekki er sopið kálið þótt í ausuna sé komið. Enn  á eftir að taka formlegar ákvarðanir og gera verksamninga um framhald vegagerðar frá Borgarfirði þar sem syðri gangamunninn verður og yfir Dynjandisheiði í Trostansfjörð og Pennudal. Það er þó bráðnauðsynlegt ef jarðgöngin eiga að nýtast fyrir heilsárssamgöngur. Samgönguráðherra hefur þó gefið Vestfirðingum vonir um að farið verði í það mál. 
 
Vegamálastjóri fagnar samstarfi við verktakana
 
Hreinn Haraldsson vegamálastjóri sagðist einnig fagna samstarfinu við verktakana, þeir hefðu sýnt getu sína í fyrri jarðgangaverkum hér á landi og væri reynslan af samstarfi við þá góð. Tiltók hann að sérstaklega væri ánægjulegt hversu mikil áhersla væri lögð á öryggismál hjá verktökunum.
 
Vaclav Soukup, forstjóri Metrostav, og Dofri Eysteinsson, forstjóri Suðurverks, kváðust fullir eftirvæntingar að geta nú hafið verkið en fyrsti áfangi er að koma upp aðstöðu fyrir starfsmenn og flytja tæki og búnað á staðinn. 
 
Ljóst er að Dýrafjarðargöng ein og sér leysa ekki vandann varðandi vetrarfærar samgöngur á milli norður- og suðurhluta Vestfjarðakjálkans. Nauðsynlegt verður því að ráðast samhliða í umtalsverðar endurbætur eða nýjan veg um Dynjandisheiði. 
 
Stöðugur samdráttur í hrossaútflutningi
Fréttir 17. febrúar 2025

Stöðugur samdráttur í hrossaútflutningi

Frá árinu 2022 hefur samdráttur verið stöðugur í útflutningi íslenskra hrossa.

Samráð um úrgangsforvarnir
Fréttir 14. febrúar 2025

Samráð um úrgangsforvarnir

Í Samráðsgátt stjórnvalda liggja nú drög Umhverfisstofnunar að stefnu um úrgangs...

Sóknarhugur er í Dalamönnum
Fréttir 14. febrúar 2025

Sóknarhugur er í Dalamönnum

Í Búðardal er fyrirhugað að reisa atvinnuhúsnæði með allt að 150 milljóna króna ...

Náttúrulegir birkiskógar hafa mikilvægt hlutverk
Fréttir 13. febrúar 2025

Náttúrulegir birkiskógar hafa mikilvægt hlutverk

Vísbendingar eru um að náttúrulegir birkiskógar hafi mikil áhrif á uppsöfnun kol...

Sjö verkefni um aukið virði sauðfjárafurða
Fréttir 13. febrúar 2025

Sjö verkefni um aukið virði sauðfjárafurða

Kennslutól fyrir skólabörn, vöruþróun ærkjöts og sauðaosta og markaðssetning á s...

Kjötafurðastöðvar aftur undir samkeppnislög
Fréttir 12. febrúar 2025

Kjötafurðastöðvar aftur undir samkeppnislög

Þingmálaskrá ríkisstjórnarinnar hefur verið kynnt fyrir vorþingið. Landbúnaðarmá...

Sýktur refur í Skagafirði
Fréttir 12. febrúar 2025

Sýktur refur í Skagafirði

Íbúi í Skagafirði varð var við veikan ref og reyndist dýrið með fuglaflensu.

Deilt um gjaldtöku vegna meðhöndlunar á dýrahræjum
Fréttir 11. febrúar 2025

Deilt um gjaldtöku vegna meðhöndlunar á dýrahræjum

Fyrir áramót bárust tvö mál inn á borð lögfræðinga Bændasamtaka Íslands þar sem ...

https://bestun.airserve.net/banner_bundles/de3e87e0d8dde67f98882b3ac12f8b2f