Vinsamlegast athugið að þetta efni er eldra en mánaðar gamalt.
Kolbrún Pálsdóttir, Jón Atli Benediktsson og Bryndís Fiona Ford við undirritun samstarfssamningsins í Háskóla Íslands.
Kolbrún Pálsdóttir, Jón Atli Benediktsson og Bryndís Fiona Ford við undirritun samstarfssamningsins í Háskóla Íslands.
Mynd / HÍ - Kristinn Ingvarsson
Fréttir 12. júní 2024

Sjálfbærninám á háskólastigi

Höfundur: Steinunn Ásmundsdóttir

Fulltrúar Háskóla Íslands (HÍ) og Hallormsstaðaskóla hafa staðfest samstarfssamning um að flytja nám í skapandi sjálfbærni, sem hefur verið í boði við síðarnefnda skólann, á háskólastig.

Umsjón með verkefninu verður í höndum Menntavísindasviðs HÍ. Gert er ráð fyrir að kennsla í skapandi sjálfbærni á háskólastigi geti hafist við Hallormsstaðaskóla haustið 2025 í samstarfi við HÍ.

Með þessu opnast tækifæri fyrir nemendur HÍ að sækja sérhæft og verklegt staðbundið nám á sviði sjálfbærni, hönnunar, umhverfis- og loftslagsbreytinga, matvælagerðar og fleiri greina.

Gæðaviðmið tryggð

Í tilkynningu segir að samkvæmt hinum nýja samningi verði það hlutverk verkefnisstjóra í sköpun og sjálfbærni, sem ráðinn verður við Menntavísindasvið HÍ en með starfsstöð í Hallormsstaðaskóla, að fylgja eftir flutningi námsins á háskólastig og tryggja frekari þróun þess. Sú vinna mun fara fram skólaárið 2024–2025 í nánu samstarfi við Bryndísi Fionu Ford, skólameistara Hallormsstaðaskóla.

Sérstök námsstjórn, skipuð fimm fulltrúum Menntavísindasviðs HÍ og Hallormsstaðaskóla, mun hafa yfirumsjón með framkvæmd samningsins og tryggja m.a. að námið uppfylli gæðaviðmið háskóla.

Byggt á sterkum grunni

„Sérstaða þess náms sem hefur verið þróað síðustu ár í Hallormsstaðaskóla byggist á sterkum grunni stofnenda skólans. Við fögnum því að HÍ sjái tækifæri í að fullgilda námið á háskólastig,“ sagði Bryndís Fiona Ford, skólameistari Hallorms- staðaskóla, við undirritun samningsins.

„Hér er um að ræða fyrsta staðbundna háskólanámið á Austurlandi sem brýtur sannarlega blað,“ sagði Jón Atli Benediktsson, rektor HÍ. Hallormsstaðaskóli hefði sterkar rætur í austfirsku samfélagi og væri saga skólans mjög merkileg. Hann fagnaði því þessum áfanga.

Kolbrún Þ. Pálsdóttir, forseti Menntavísindasviðs, sagði um að ræða spennandi tækifæri fyrir ungt fólk til að taka eins árs þverfræðilegt grunnnám í stórkostlegu umhverfi Hallormsstaðaskógar og læra til fræða og faglegs handverks.

Hugsa mætti sér að námið gæti orðið hluti af frekara háskólanámi, s.s. sem aukafag í kennaranámi eða öðru námi við HÍ.

Óska eftir sýnum úr dauðum kálfum
Fréttir 23. júlí 2024

Óska eftir sýnum úr dauðum kálfum

Rannsóknamiðstöð landbúnaðarins, RML, rannsakar nú erfðaorsakir kálfadauða.

Upphreinsun skurða
Fréttir 23. júlí 2024

Upphreinsun skurða

Búnaðarfélag Austur-Landeyja hefur sent sveitarstjórn Rangárþings eystra erindi ...

Sólarsellustyrkir
Fréttir 22. júlí 2024

Sólarsellustyrkir

Orkusetur Orkustofnunar hefur auglýst eftir umsóknum um sólarsellustyrki.

Gæðingafeður og mæður
Fréttir 19. júlí 2024

Gæðingafeður og mæður

Skýr frá Skálakoti átti flest afkvæmi á Landsmóti hestamanna í ár, 31 talsins.

Kúakaup fyrir dómi
Fréttir 19. júlí 2024

Kúakaup fyrir dómi

Kúakaup milli tveggja bænda rötuðu til héraðsdóms á dögunum.

Úthlutun aflamarks
Fréttir 18. júlí 2024

Úthlutun aflamarks

Nýverið fundaði stjórn Byggðastofnunar vegna fyrirhugaðrar úthlutunar sértæks by...

Lóga þarf hrúti
Fréttir 18. júlí 2024

Lóga þarf hrúti

Bóndi þarf að afhenda Matvælastofnun ákveðinn hrút til að kanna útbreiðslu á rið...

Árangurinn kom á óvart
Fréttir 18. júlí 2024

Árangurinn kom á óvart

Fjölskyldan í Strandarhjáleigu í Rangárþingi eystra átti góðu gengi að fagna á n...