Vinsamlegast athugið að þetta efni er eldra en 7 ára.
Segir SS hafa lækkað verð til bænda á íslensku svínakjöti um 9% frá áramótum
Fréttir 25. nóvember 2014

Segir SS hafa lækkað verð til bænda á íslensku svínakjöti um 9% frá áramótum

Höfundur: Vilmundur Hansen

Sláturfélag Suðurlands hefur, frá því um síðustu áramót, þrýst innkaupsverði á svínakjöti niður um 9%, segir Hörður Harðarson, framkvæmdastjóri Svínaræktarfélags Íslands.
Samkvæmt upplýsingum á vef Hagstofunnar hefur verð á unnu kjöti, reyktu og söltuðu, hækkað til neytenda um 2% frá áramótum.

Hörður segir að þrátt fyrir lækkun á verði til bænda sjáist engin merki um að neytendur séu að njóta hennar í lækkun á verði á unninni vöru, reyktri eða saltaðri, frá SS.

„Reykt og saltað kjöt í unninni kjötvöru er að langstærstum hluta svínakjöt. Það er mikið af svínakjöti í pylsum. Skinka er uppistaða í áleggi sem framleitt er hér á landi og gæti numið um 70% en skinka er eingöngu unnin úr svínakjöti. Auk þess sem verð á beikoni hefur ekki lækkað þrátt fyrir að bændur séu að fá minna fyrir kílóið frá Sláturfélaginu.“

Gríðarleg aukning á innflutningi á kjöti

„Heildarinnflutningur á kjöti hefur aukist gríðarlega frá því á síðasta ári eða um tæp 77%.
Aukningin í innflutningi á svínakjöti fyrstu níu mánuði ársins er 18,4% eða úr 445 tonnum og í 527 frá sama tíma í fyrra. Hvað nautakjöt varðar hefur hreinlega orðið sprenging í innflutningi og hann farið úr 124 tonnum í 847 tonn frá sama tíma í fyrra.“

Segir Sláturfélagið leiðandi

Hörður segir að Sláturfélag Suðurlands hafi verið leiðandi í verðlækkununum til svínabænda en að aðrir sláturleyfishafar eins og Norðlenska hafi ekki lækkað verð til bænda. „Enda ábyrgir aðilar þar sem vita að búin verða ekki rekin ef verð til bænda er of lágt.“


Mikill þrýstingur á innflutning

„Vegna viðskiptabanns Rússa á vörur frá Evrópusambandinu er mikill þrýstingur á innflutning á kjöti hingað frá ESB. Vegna þessa hefur innflutningsverð á svínakjöti lækkað verulega frá löndum eins og Danmörku, Þýskalandi, Belgíu og Póllandi, þar sem notkun á sýklalyfjum við kjötframleiðslu er mjög víðtæk.

Á sama tíma eru svínabændur hér á landi bundnir í báða skó og hafa takmarkaða möguleika á að flytja út kjöt,“ segir Hörður Harðarson, framkvæmdastjóri Svínaræktarfélags Íslands.

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...

Nýtt 450 íbúða hverfi byggt í Þorlákshöfn
Fréttir 6. desember 2021

Nýtt 450 íbúða hverfi byggt í Þorlákshöfn

Framkvæmdir eru hafnar við uppbyggingu fyrsta áfanga Móabyggðar, nýs 450 íbúða h...

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...