Vinsamlegast athugið að þetta efni er eldra en 10 ára.
Lárus Á. Hannesson, formaður Landssambands hestamanna.
Lárus Á. Hannesson, formaður Landssambands hestamanna.
Fréttir 2. desember 2014

Sáttarhugur í mönnum að sögn nýs formanns

Höfundur: Vilmundur Hansen

Talsverðar deilur hafa verið innan Landssambands hestamanna vegna staðarvals fyrir næsta landsmót. Deilurnar enduðu með því að Haraldur Þórarinsson sagði af sér formennsku í landsambandinu á stormasömu landsþingi þess. Ekki hefur enn verið tekin ákvörðun um staðsetningu næsta landsmóts.

Lárus Á. Hannesson, sem var kostinn formaður Landssambands hestamanna á framhaldsaðalfundi sambandsins fyrir skömmu, sagði í samtali við Bændablaðið að hann teldi vera sáttarhug í mönnum. „Ég á ekki von á öðru en að landssambandið eigi eftir að vinna sig út úr þessum erfiðleikum enda ekki farsælt fyrir nokkurn mann eða félag innan sambandsins að standa í deilum.“

Deilur um staðsetningu

Forsaga málsins er að Stjórn LH hafði ákveðið að hefja samningaviðræður við Gullhyl ehf., félag hestamannafélaga í Skagafirði, um að halda landsmótið árið 2016. Í byrjun október var samþykkt að draga þá ákvörðun til baka og ganga til samninga við hestamannafélagið Sprett í Kópavogi og Garðabæ um að halda mótið. Einnig hafði stjórn ákveðið að ganga til viðræðna við Fák í Reykjavík um að halda Landsmót árið 2018.

Skagfirðingum var tilkynnt um breytingar fáum dögum fyrir landsþing. Þeir lögðu á þinginu fram tillögu þess efnis að stjórn LH myndi draga til baka þá ákvörðun sína að halda ekki landsmót á Vindheimamelum árið 2016. Tillagan var samþykkt.

Í kjölfar þess sagði formaður stjórnar Landssambands hestamanna af sér og ný stjórn var kosin í kjölfarið.

Ákvörðun um staðsetningu óviss

Lárus segir að ekki sé enn búið að taka ákvörðun um hvar næsta landsmót verði haldið. „Við munum funda um málið á næstunni og í framhaldi af því hefst vinna við að finna landsmótinu staðsetningu. Nýja stjórnin er að skoða stöðuna og hvaða hugmyndir eru á lofti.“

Aðspurður segist Lárus ekki vilja gefa upp hvar hann persónulega vill halda næsta Landsmót hestamanna.

„Landsmót hestamanna er stórviðburður og endalausar hugmyndir um hvernig fyrirkomulag þess á að vera. Mótin eru þess vegna í stanslausri þróun og svo verður áfram um ókomna tíð,“ segir Lárus Á. Hannesson, formaður Landssambands hestamanna.

Tíunda íslenska kýrin til að ná 100 þús. kg æviafurðum
Fréttir 8. júlí 2025

Tíunda íslenska kýrin til að ná 100 þús. kg æviafurðum

Þann 18. júní sl. rauf afrekskýrin Snotra 273 í Villingadal í Eyjafirði 100 þús....

Tíu birkiskógar skuli njóta verndar
Fréttir 4. júlí 2025

Tíu birkiskógar skuli njóta verndar

Land og skógur hefur gefið út fyrstu skrána um sérstæða eða vistfræðilega mikilv...

Súlur 2025 komnar út
Fréttir 4. júlí 2025

Súlur 2025 komnar út

Tímaritið Súlur kom út á dögunum. Súlur er ársrit Sögufélags Eyfirðinga og hefur...

Metfjöldi gesta á Skógardeginum mikla
Fréttir 4. júlí 2025

Metfjöldi gesta á Skógardeginum mikla

Nýr Íslandsmeistari í skógarhöggi og fleiri keppnisgreinum var krýndur í Hallorm...

Útvarp Bændablaðið: Samruni Arla og DMK gefur möguleika á gríðarlegri hagræðingu
Fréttir 4. júlí 2025

Útvarp Bændablaðið: Samruni Arla og DMK gefur möguleika á gríðarlegri hagræðingu

„Kannski sýnir þessi samruni hversu gríðarlega stærðarhagkvæmni er í söfnun og v...

40 þúsund notendur í 24 löndum
Fréttir 4. júlí 2025

40 þúsund notendur í 24 löndum

Smáforritið HorseDay fagnaði þriggja ára afmæli í síðasta mánuði en forritið hef...

Búgreinar misháðar loftslagsbreytingum
Fréttir 4. júlí 2025

Búgreinar misháðar loftslagsbreytingum

Hitabylgjan hér á landi í maí hefði ekki orðið jafnmikil og raun bar vitni nema ...

Ný stefna um líffræðilega fjölbreytni
Fréttir 3. júlí 2025

Ný stefna um líffræðilega fjölbreytni

Í Samráðsgátt stjórnvalda eru nú til umsagnar drög að stefnu um líffræðilega fjö...