Vinsamlegast athugið að þetta efni er eldra en 10 ára.
Samvinna um matarhátíð í Hörpu
Fréttir 11. febrúar 2014

Samvinna um matarhátíð í Hörpu

Það verður líf og fjör í Hörpu laugardaginn 1. mars næstkomandi, en þá verður haldin sannkölluð matarhátíð í þessu stærsta félagsheimili Íslendinga.
Bændasamtök Íslands munu setja Búnaðarþing með formlegum hætti í hádeginu í salnum Silfurbergi við hátíðlega athöfn. Landbúnaðarverðlaunin verða afhent og gestum boðið upp á ferska hádegishressingu. Allir eru velkomnir á setningarathöfnina, en að þessu sinni verður lögð sérstök áhersla á að bjóða starfsfólki í fyrirtækjum sem tengjast landbúnaði að samgleðjast með bændum þennan dag.
Á sunnudaginn hefjast hefð­bundin þingstörf Búnaðarþings á Hótel Sögu, en áætlað er að þingið standi fram til þriðjudagsins 4. mars.

Kokkakeppni Food & Fun

Eftir setningarathöfn Búnaðarþings verður kokkakeppni Food & Fun í Norðurljósasalnum, þar sem fólk getur fylgst með matreiðslumönnum etja kappi í sínu fagi. Jón Haukur Baldvinsson, verkefnisstjóri Food & Fun, lofar góðri stemningu á kokkakeppninni. „Á sama tíma verða sextán veitingahús, sem taka þátt í Food & Fun, með matarkynningar og bjóða gestum að bragða á fjölbreyttum réttum. Það verða tónlistaratriði og við munum svo sannarlega endurspegla þá jákvæðu heildarupplifun sem fylgir Food & Fun.“
Unnið er að því að fá afurðafyrirtæki bænda og vélasala til þess að leggja hátíðinni lið og sýna hvað þau hafa upp á að bjóða. Grillvagn sauðfjárbænda verður fyrir utan Hörpuna ásamt hamborgarabílnum Tuddanum úr Kjósinni.

Vonast eftir þúsundum gesta á matarmarkað

Ljúfmetisverslunin Búrið heldur víðfrægan matarmarkað í Hörpunni á sama tíma og Búnaðarþing og Food & Fun. Jólamarkaður Búrsins sló eftirminnilega í gegn í desember þegar 16 þúsund gestir streymdu í húsið til að kaupa sér mat beint frá frumframleiðendum. Eirný Sigurðardóttir, sem stýrir markaðnum ásamt Hlédísi Sveinsdóttur, á von á mörgum viðskiptavinum, en markaðurinn verður haldinn bæði á laugardag og sunnudag. „Það er mikil eftirspurn hjá neytendum að koma á matarmarkaði þar sem framleiðendum og vörunum þeirra er hampað með þessum hætti. Það sem mig langar að sýna er rjóminn í íslenskri matvælaframleiðslu og þarna geta neytendur hitt framleiðendur milliliðalaust.“ Eirný segir að stór hópur komi að markaðnum og fjölbreyttur matur verði í boði, til dæmis súkkulaði, mjólkurvörur frá Örnu, nautakjöt, karamellur, sultur, svínakjöt og ótalmargt fleira./TB

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...