Vinsamlegast athugið að þetta efni er eldra en 7 ára.
Samkomulag um dýralæknaþjónustu
Fréttir 11. mars 2015

Samkomulag um dýralæknaþjónustu

Höfundur: smh

Matvælastofnun hefur gert samkomulag við tvo dýralækna um að sinna tímabundið almennri dýralæknaþjónustu á Austur- og Norðausturlandi á meðan leitað er varanlegra lausna á skipan þjónustusvæða og fjármögnun opinbers stuðnings til dýralæknaþjónustu í dreifðum byggðum. 

Í tilkynningu frá Matvælastofnun kemur fram að dýraeigendum á þessum landssvæðum sé þar með tryggt aðgengi að dýralækni allan sólarhringinn. Stofnunin gerir ráð fyrir að tímabundnir samningar verði framlengdir fram á sumar ef engin breyting verður á komandi mánuðum á reglum um þjónustusvæði og þar með þóknun til dýralækna. Málið verði áfram til skoðunar því tryggja þarf fjármögnun til lengri tíma.

Vignir Sigurólason hjá Dýralæknaþjónustunni á Húsavík mun sinna Þingeyjarsýslum og Hjörtur Magnason hjá Dýralæknastofunni Egilsstöðum mun sinna Austurlandi, báðir gegn sömu þóknun og aðrir dýralæknar sem taka að sér þjónustu á öðrum þjónustusvæðum sem hið opinbera styrkir.

„Frá Ljósavatnsskarði í vestri að Fárskrúðsfirði í suðri er í reglugerð aðeins gert ráð fyrir stuðningi við tvo dýralækna, en á þessu landssvæði störfuðu til margra ára fleiri dýralæknar og þá í þjónustu hjá hinu opinbera. Reynslan sýnir að það er of lítið að styðja aðeins tvo dýralækna á landsvæði sem nær til fimmtungs landsins. Því óskaði Matvælastofnun á liðnu ári eftir því við Atvinnuvega- og nýsköpunarráðuneytið að það breytti reglugerðinni, þannig að styrkurinn næði til þriggja þjónustusvæða í stað tveggja og þar með væri stöðugildum dýralækna fjölgað um eitt. Auk þeirra tveggja dýralækna sem nýgert samkomulag nær til þá hafði stofnunin áður gert samning við dýralækni búsettan í Vopnafirði, sem sinnir svæðinu frá Hófaskarði í vestri að Hellisheiði eystri í suðri.

Matvælastofnunar telur nauðsynlegt að bregðast við því ástandi sem verið hefur undanfarið og ákvað því að grípa inn í með þessum hætti, þar sem dýraeigendur hafa ekki getið komið  dýrum sínum til hjálpar. Dýr hafa ekki komist undir læknishendur og það eru þau sem líða fyrir ástandið, sem er andstætt nýjum og metnaðarfullum lögum um velferð dýra. Með samkomulagi við fleiri dýralækna á þessum þjónustusvæðum er málum bjargað tímabundið, en áfram verður að leita viðunandi og varanlegra lausna,“ segir í tilkynningu Matvælastofnunar.

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...

Arabískt fyrirtæki fjárfestir í Atmonia
Fréttir 30. janúar 2023

Arabískt fyrirtæki fjárfestir í Atmonia

Efnafyrirtækið Sabic Agri-Nutrients hefur keypt einkarétt á notkun tækni Atmonia...

35 kindur drápust í bruna
Fréttir 30. janúar 2023

35 kindur drápust í bruna

„Aðkoman var óhugnanleg og þetta er mikið áfall,“ segir Guðjón Björnsson, bóndi ...

Innflutningur erfðaefnis skilar góðum árangri
Fréttir 27. janúar 2023

Innflutningur erfðaefnis skilar góðum árangri

Samkvæmt niðurstöðum Ráðgjafarmiðstöðvar landbúnaðarins (RML) úr skýrsluhaldi na...

Verðskrá Skeljungs og Fóðurblöndunnar
Fréttir 27. janúar 2023

Verðskrá Skeljungs og Fóðurblöndunnar

Skeljungur og Fóðurblandan hafa birt verðskrá fyrir þær tegundir af áburði sem f...

Ekkert veiðibann á döfinni
Fréttir 26. janúar 2023

Ekkert veiðibann á döfinni

Veiðibann á grágæs hefur ekki tekið gildi á Íslandi og ekki stendur til að banna...