Vinsamlegast athugið að þetta efni er eldra en 8 ára.
Súru hrútspungarnir eru afar vinsælir.
Súru hrútspungarnir eru afar vinsælir.
Fréttir 11. febrúar 2014

Sala á þorramat jókst eftir hrun

„Við erum léttir, ljúfir og kátir,“ segir Ólafur M. Þórisson, markaðsstjóri hjá Kjarnafæði. „Þorrinn er alltaf skemmtilegur, við byrjum að leggja línurnar í lok sumars, þannig að tíminn sem fer í undirbúning er langur og því mjög gaman þegar Þorrinn gengur í garð!“
Ólafur segir áætlað að Kjarnafæði selji af alls kyns þorramat um 50 tonn þegar allt er talið. Þar af er súrmatur um 15 til 20 tonn. Hann segir að sala á þorramat hafi tekið kipp strax eftir hrun, en árin á undan hafði heldur dregið úr sölunni. „Það er eins og fólk hafi í ríkari mæli leitað í íslenskan mat og íslenskar hefðir eftir hrunið, í það minnsta jókst sala á þorramat sem heldur hafði verið að dala á góðærisárunum,“ segir hann.

Hollur matur

Hann segir eldra fólk vant því að borða súrmat, en síður það yngra. Þó hafi sú hefð skapast að bjóða upp á þorramat í leikskólum og hafi mælst vel fyrir. Einnig segir Ólafur að víða á þorrablótum sé boðið upp á t.d. saltkjöt og bjúgu auk hinna hefðbundnu þorramatvæla. „Það má líta á það sem nokkurs konar inngönguleið fyrir yngra fólkið, þetta er gamaldags íslenskur heimilismatur og vel við hæfi að bjóða upp á slíkan mat svo þeir sem ekki eru gefnir fyrir þetta súra fái eitthvað í gogginn líka,“ segir hann. 
 „Við höfum bent á að súrmaturinn er hollur, en sýran í mysunni dregur í sig allt salt. Súrmaturinn er því saltlaus og að auki fullur af vítamínum. Það gerir mönnum því bara gott að gæða sér á honum eftir allt reykta og saltaða kjötið yfir hátíðarnar,“ segir Ólafur.
 
Pungarnir vinsælir 
 
Sala á þorramat hefst yfirleitt þó nokkuð fyrir bóndadag, viku til tíu dögum fyrr, en Ólafur segir að langmest sé salan tvær fyrstu helgar þorrans. „Það er gríðarlegt magn sem fer út fyrir og um þessar tvær fyrstu helgar, en svo fer að draga úr þó að auðvitað kaupi fólk bita og bita allan þorrann. 
Hrútspungar og sviðasulta eru vinsælustu matvælin í þorrabökkum landsmanna, svo hefur alltaf verið segir Ólafur og gerir ekki ráð fyrir mikill breytingu þar á.
Tíu ára starfsafmæli
Fréttir 3. febrúar 2023

Tíu ára starfsafmæli

Tíu ár eru síðan Ráðgjafarmiðstöð landbúnaðarins (RML) var sett á laggirnar. Af ...

Innlend fóðurframleiðsla gæti nýtt jarðhita sem fer til spillis
Fréttir 3. febrúar 2023

Innlend fóðurframleiðsla gæti nýtt jarðhita sem fer til spillis

Fjárfestingafélag Þingeyinga hf. hefur unnið að skýrslu í samstarfi við verkfræð...

Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...

Arabískt fyrirtæki fjárfestir í Atmonia
Fréttir 30. janúar 2023

Arabískt fyrirtæki fjárfestir í Atmonia

Efnafyrirtækið Sabic Agri-Nutrients hefur keypt einkarétt á notkun tækni Atmonia...

35 kindur drápust í bruna
Fréttir 30. janúar 2023

35 kindur drápust í bruna

„Aðkoman var óhugnanleg og þetta er mikið áfall,“ segir Guðjón Björnsson, bóndi ...