Vinsamlegast athugið að þetta efni er eldra en 6 ára.
Rofar til með dýralækna- þjón­ustu á Norðausturlandi
Fréttir 26. október 2015

Rofar til með dýralækna- þjón­ustu á Norðausturlandi

Höfundur: smh
Erfiðlega hefur gengið að manna stöður fyrir dýralæknaþjónustu á Austur- og Norðausturlandi á síðustu misserum. Í nýju fjárlagafrumvarpi er hins vegar gert ráð fyrir auknu fjármagni fyrir bætta þjónustu á Norðausturlandi, eins og Matvælastofnun hefur áður lagt til. 
 
Jón Gíslason, forstjóri Matvælastofnunar.
Að sögn Jóns Gíslasonar, forstjóra Matvælastofnunar, er nú ætlunin að auka stuðning til dýralæknaþjónustu á norðausturhluta landsins. „Fyrirkomulagið er í dag þannig að við erum með samning við tvo dýralækna á þjónustusvæðum fimm og sex; á Austurlandi og Norðausturlandi. Þetta eru dýralæknarnir Silvia Windmann og Eyrún Arnardóttir. Samningur Eyrúnar, sem er búsett á Egilsstöðum gildir til áramóta, en samningur við Silviu er til lengri tíma. Hún starfar að hluta til á svæði fimm og að hluta á svæði sex. 
 
Síðan er búið að ganga frá samningi við Vigni Sigurólason á Húsavík um þjónustu fram til áramóta á Norðausturlandi. Þar með verður stofnunin með samning við þrjá dýralækna sem sinna dýralæknaþjónustu á svæðum fimm og sex það sem eftir er ársins. Samkvæmt núgildandi reglugerð er gert ráð fyrir stuðningi fyrir einum dýralækni á hvoru svæði, en við erum hins vegar að greiða sem nemur tveimur og hálfu stöðugildi á þessum svæðum það sem eftir er af árinu,“ segir Jón.
 
Að sögn Jóns er gert ráð fyrir auknu fjármagni til dýralæknaþjónustu í nýju fjárlagafrumvarpi. „Við eigum því von á að reglugerðinni verði breytt ef þetta gengur eftir þannig að þjónustusvæðum fimm og sex verði breytt í þrjú svæði. Þar með getum við auglýst fullan stuðning til dýralæknaþjónustu á þremur svæðum í stað tveggja eins og nú er. Við vonum svo að reglugerðabreyting taki gildi eins fljótt og kostur er þannig að unnt verði að auglýsa ný svæði laus frá og með næstu áramótum. Þar með ættu þessi mál að vera komin í betra horf,“ segir Jón.
 
Í byrjun september auglýsti Matvælastofnun einnig lausa stöðu héraðsdýralæknis í Austurumdæmi, með aðsetur á Egilsstöðum, en héraðsdýralæknir sinnir eingöngu opinberum eftirlitsstörfum. Enn hefur ekki tekist að manna þá stöðu, sem hefur verið laus til umsóknar frá því snemma á þessu ári. Að sögn Jóns leitar stofnunin allra leiða til að finna lausn á þeim vanda, en héraðsdýralæknar í nærliggjandi umdæmum og sjálfstætt starfandi dýralæknar á Austurlandi hafa í millitíðinni sinnt tilteknum verk­efnum fyrir Matvælastofnun á þessu landsvæði. 
Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...