Vinsamlegast athugið að þetta efni er eldra en 8 ára.
Renault Captur er bíll sem tekið er eftir
Mynd / HJL
Á faglegum nótum 17. ágúst 2015

Renault Captur er bíll sem tekið er eftir

Höfundur: Hjörtur L. Jónsson
Á sumrin eru ekki mörg bíla­umboð sem eru með opið á laug­ardögum. Þar sem ég prófa bíla, vélar og tæki í aukavinnu um helg­ar þá er ekki úr mörgum um­boðum að velja þegar kemur að helgarprófunum. Þessir pistlar mínir eru svolítið farnir að litast af Heklu og BL! Að þessu sinni varð fyrir valinu Renault Captur frá BL, bíll sem ég ætlaði að vera búinn að prófa fyrir löngu síðan. 
 
Litasamsetning flott og litaúrval mikið
 
Frá því að ég sá þennan bíl fyrst hefur mér alltaf fundist hann flottur og þá sérstaklega litasamsetningin. Hægt er að fá Renault Captur í a.m.k. níu mismunandi litasamsetningum sem eru að mínu mati allar flottar (mundi örugglega vera mikið hugarstríð fyrir mig að velja). Þó svo að bíllinn sé bara með drif á einum öxli er hann svolítið jepplingslegur í útliti þar sem hátt er undir hann. Þrátt fyrir að hann virki hár eru ekki nema 17 cm undir lægsta punkt, en aftari hluti bílsins er samt töluvert hærri. Það getur verið varhugavert á niðurgröfnum vegslóðum. 
 
Prufuaksturinn
 
Bíllinn sem ég prófaði er með 1500 cc díselvél sem á að skila 90 hestöflum og var sjálfskiptur. Ég ók bílnum tæpa 170 km og byrjaði á rúmum 100 km í langkeyrslu. Sæti eru mjög góð og fara vel með bæði ökumann og farþega í aftursætum. Sem dæmi settist fullorðinn einstak­lingur í aftursætið hægra megin og var þá framsætið í öftustu stöðu. Þessi vinur minn er um 185 cm hár og var nóg pláss fyrir framan hnén á honum, en það hefði örugglega verið þröngt til hliðanna ef þrír jafningjar hans hefðu setið með. 
 
Seinni hluti prufuakstursins var innanbæjarakstur og á hraða­hindrun­um fannst mér bíllinn höggva leiðinlega á fjöðrunina, en aftur á móti fannst mér mjög gott að keyra hann á malarvegi þar sem hann var stöðugur og fjöðrunin virkaði mjög vel. Krafturinn var allt í lagi (sjálfur á ég bíl með nánast sömu vél, en beinskiptan). Sjálfskiptingin er góð og finnur maður nánast ekkert fyrir því þegar bíllinn skiptir sér upp eða niður.
 
Kostir mun fleiri en ókostir
 
Kostir  Renault Captur eru ótvírætt útlit, verð og lítil eldsneytiseyðsla. Uppgefin eyðsla í blönduðum akstri er 3,9 lítrar af dísel á hundraðið (þar sem ég byrjaði á langkeyrslu sá ég eftir um 70 km akstur að mín eyðsla var 4,1 lítrar á hundraðið). Eftir 160 km akstur skoðaði ég eyðsluna á ný og reyndist hún vera 4,7 lítrar á hundraðið. Það finnst mér mjög gott miðað við sjálfskiptan bíl (best er ég að ná mínum beinskipta bíl í 4,6 lítra á hundraðið með nánast sömu vél). Mjög mikið af aukabúnaði er í bílnum svo sem leiðsögukerfi á 7 tommu skjá, Bluetooth, USB og AUX tengi, bakkskynjari, sjálfvirk brekkuhemlun og margt fleira. Ókostur er að ekkert vara­dekk er í bílnum sem ég er alltaf ósáttur við. Bíllinn var á 17 tommu vetrardekkjum (ég vil vera á sumardekkjum á sumrin). Að mínu mati hefði mátt minnka felgustærðina niður í 16 tommur og fá þannig betri fjöðrun út úr dekkjunum, sérstaklega á hraða­hindrunum. Renault Captur má ekki draga nema 1200 kg kerru eða vagn með bremsum. 
 
Gott verð og lánakjör
 
Ódýrasti Captur bíllinn er beinskiptur og kostar frá 3.490.000 kr. Bíllinn sem ég prófaði er sjálfskiptur með sex þrepa sjálfskiptingu og kostar 3.790.000. Hægt er að fá 90% lán hjá BL við kaup á nýjum bílum og miðað við svoleiðis lán væri mánaðargreiðsla 55.858 kr. á mánuði ef keyptur væri sjálfskipti bíllinn.
 
Hæð 2.031 mm
Breidd 1.778 mm
Lengd 4.122 mm
Þyngd 1.245 kg

 

7 myndir:

Fyrsti umplöntunarróbóti landsins
Fréttir 19. apríl 2024

Fyrsti umplöntunarróbóti landsins

Í maí í fyrra var settur upp umplöntunarróbóti á gróðrarstöðinni Sólskógum í Kja...

Ólöglegur frágangur á dýrahræjum
Fréttir 19. apríl 2024

Ólöglegur frágangur á dýrahræjum

Opinn gámur, yfirfullur af dýrahræjum, stóð á dögunum á steyptu bílastæði við in...

Verslunarrekstur í dreifbýli er samfélagsverkefni
Fréttir 18. apríl 2024

Verslunarrekstur í dreifbýli er samfélagsverkefni

Vegamót á Bíldudal er matvöruverslun og veitingastaður. Gísli Ægir Ágústsson, ve...

„Allt of fáar messur“
Fréttir 18. apríl 2024

„Allt of fáar messur“

Tryggvi Sveinn Eyjólfsson, sem er á sautjánda aldursári, hefur vakið athygli fyr...

Íslenskar sængur um allan heim
Fréttir 18. apríl 2024

Íslenskar sængur um allan heim

Íslenskur dúnn ehf. selur æðardúnsængur beint til viðskiptavina um heim allan. Þ...

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...