Vinsamlegast athugið að þetta efni er eldra en 7 ára.
Prestbakki
Bóndinn 22. mars 2016

Prestbakki

Áramótin 2014–2015 komu Marvin og Þorbjörg inn í búskap foreldra hennar, Jóns og Sigrúnar, og var stofnað ehf. um búreksturinn. Fjósið var þá stækkað lítillega og fénu fjölgað. Jón og Sigrún tóku við búinu af foreldrum Jóns árið 1996 en höfðu áður verið með sauðfé frá 1980. 
 
Býli:  Prestsbakki á Síðu.
 
Staðsett í sveit:  Skaftárhreppi, Vestur-Skaftafellssýslu.
 
Ábúendur: Tvær fjölskyldur sjá um búskapinn, Jón Jónsson og Sigrún Böðvarsdóttir, ásamt Berglindi, dóttur þeirra, í fríum. Svo eru það Marvin Einarsson og Þorbjörg Ása Jónsdóttir.
 
Fjölskyldustærð (og gæludýra): 
Jón og Sigrún eiga þrjár dætur. Dóttir þeirra, Þorbjörg, ásamt kærasta hennar, Marvin, og eiga þau von á sínu fyrsta barni.
 
Stærð jarðar?  Einhvers staðar á bilinu 3–4.000 hektarar. Ræktað land er um 65 ha í augnablikinu.
 
Gerð bús? Blandað bú, kýr, kindur og nokkur hross.
 
Fjöldi búfjár og tegundir? 24 kýr og viðeigandi geldneyti, rétt um 350 fjár, nokkrir hestar og hundarnir Tryggur og Skotta.
 
Hvernig gengur hefðbundinn vinnudagur fyrir sig á bænum? Byrjar á mjöltum og gegningum í fjósi og gegningum í fjárhúsi. Ýmis árstíðabundin störf yfir daginn. Seinni partinn er svo gefið aftur, mjólkað, og dagurinn endar svo á því að líta á kýrnar fyrir nóttina. 
 
Skemmtilegustu/leiðinlegustu bústörfin? Skemmtilegast þykir okkur heyskapur, smalamennskur í góðu veðri, flagvinna og svo er skítkeyrsla alltaf skemmtileg. Leiðinlegast hlýtur að vera að gera við ónýtar girðingar. Annars er allt skemmtilegt svo lengi sem vel gengur.
 
Hvernig sjáið þið búskapinn fyrir ykkur á jörðinni eftir fimm ár? Stærri, betri og meiri vinnuhagræðing.
 
Hvaða skoðun hafið þið á félagsmálum bænda? Við teljum að þau séu í ágætis standi.
 
Hvernig mun íslenskum landbúnaði vegna í framtíðinni? Honum mun vegna vel ef okkur bændum tekst að halda hreinleika og heilnæmi íslenskra afurða á lofti.
 
Hvar teljið þið að helstu tækifærin séu í útflutningi íslenskra búvara? Íslenska lambakjötið, þar eigum við hágæðavöru sem þarf að markaðssetja enn betur sem slíka.
 
Hvað er alltaf til í ísskápnum? Mjólk, ostur og smjör.
 
Hver er vinsælasti maturinn á heimilinu? Lambakjöt með kartöflum og tilheyrandi sósu.
 
Eftirminnilegasta atvikið við bústörfin? Þorbjörgu og Marvin þykir sennilega eftirminnilegast þegar við komum inn í búskapinn, þegar við keyptum okkur lífgimbrar og fjölguðum fénu lítillega.

4 myndir:

Eðlilegur blóðhagur þrátt fyrir blóðtöku
Fréttir 23. febrúar 2024

Eðlilegur blóðhagur þrátt fyrir blóðtöku

Íslenskar blóðmerar áttu auðvelt með að halda uppi eðlilegum blóðhag þrátt fyrir...

Áhersla á greiðslumarkið
Fréttir 22. febrúar 2024

Áhersla á greiðslumarkið

Á deildarfundi sauðfjárbænda hjá Bændasamtökum Íslands var samþykkt nær samhljóð...

Nú þarf að láta verkin tala
Fréttir 22. febrúar 2024

Nú þarf að láta verkin tala

Halldóra Hauksdóttir verður áfram formaður búgreinadeildar eggjabænda. Meðstjórn...

Misræmi milli framleiðslu og greiðslumarkseignar
Fréttir 22. febrúar 2024

Misræmi milli framleiðslu og greiðslumarkseignar

Tveir mjólkurframleiðendur uppfylltu ekki yfir 200.000 lítra af greiðslumarki í ...

Formannsslagur í vændum
Fréttir 22. febrúar 2024

Formannsslagur í vændum

Gunnar Þorgeirsson og Trausti Hjálmarsson hafa gefið kost á sér í embætti forman...

Betri afkoma í garðyrkju
Fréttir 22. febrúar 2024

Betri afkoma í garðyrkju

Afkoma ylræktenda fer batnandi en útiræktenda versnandi.

Seljavellir fyrirmyndarbú ársins 2024
Fréttir 22. febrúar 2024

Seljavellir fyrirmyndarbú ársins 2024

Seljavellir í Nesjum í Hornafirði var útnefnt fyrirmyndarbú nautgripabænda Bænda...

Opið fyrir umsóknir
Fréttir 21. febrúar 2024

Opið fyrir umsóknir

Opnað var fyrir umsóknir í Matvælasjóð þann 1. febrúar síðastliðinn.