Vinsamlegast athugið að þetta efni er eldra en 9 ára.
Pönnusteiktur lax og sykursætur eftirréttur
Matarkrókurinn 27. febrúar 2015

Pönnusteiktur lax og sykursætur eftirréttur

Það bætir samviskuna að borða næringargóðan lax með öllum helstu vítamínum og hollri fitu. En það er allt í lagi að syndga af og til. Hér á eftir er uppskrift að fylltum súkkulaðieggjum með sykurpúðum og ferskum ávöxtum.   
 
Með þessu tvennu næst fullkomið jafnvægi milli hollustu og óhollustu! Ef maður vill minni sykur er hægt að nota dökkt súkkulaði. Það er þá brætt og formað til með því að blása upp vatnsblöðru og dýfa í súkkulaðið, sett í kæli eða frost, blaðran sprengd og þá er falleg súkkulaðskál komin sem hægt er að fylla með ávöxtum. Það er smá áskorun að útbúa þetta sælgæti og nauðsynlegt að hafa góðan hitamæli við hendina. 
 
Pönnusteiktur lax með brokkolí, blómkáli og hummus
  • 4 stk. roðlaus laxaflök
  • 50 g  púðursykur 
  • 2 matskeiðar sojasósa 
  • 1 höfuð brokkolí 
  • 1 höfuð blómkál 
  • 1 msk ólífuolía 
  • salt og svartur pipar
 
Aðferð
Hitið pönnu. Í skál sameinið sykur og sojasósu. Setjið til hliðar.
Léttsjóðið brokkolí og blómkál í um 3 mínútur.
 
Setjið lax á heita pönnu, úðið með olíu og kryddið með ½ tsk. salt og ¼ tsk. pipar.
Eldið fiskinn í um 8 til 10 mínútur, setjið helming af sojasósunni yfir fiskinn á síðustu 2 mínútum matreiðslunnar og restina eftir steikingu. Lax er bestur bleikur en hver eldar eftir sínum smekk. Berið laxinn fram með hummus.
 
Hummus
1 dós kjúklingabaunir 
2 hvítlauksgeirar, smátt saxaðir
1 1/2 tsk salt
5 msk ferskur sítrónusafi
1/4 bolli vatn
1/3 bolli Sesam-tahini (sesamfræ mauk), hrært vel 
1/4 bolli Extra Virgin ólífuolía
 
Aðferð
Setjið kjúklingabaunir, hvítlauk og salt í matvinnsluvél. Vinnið í mauk í 15 til 20 sekúndur. Bætið við sítrónusafa og vatni. Bætið við tahini og ólífuolíu.
 
Fyllt páskaegg með sykurpúðum, súkkulaðikremi og ávöxtum
Súkkulaðiskeljar, til dæmis páskaegg eða skálar úr dökku súkkulaði
Ber eða ávextir
Ganache – súkkulaðikrem
Sykurpúðar
 
GANACHE-súkkulaðikrem
  • 50 g mjólk
  • 70 ml rjómi
  • 50 g eggjarauður
  • 40 g sykur
  • 165 g  32% súkkulaði
  • 10 g Kakóduft
 
Aðferð
Látið rjómann og mjólkina sjóða. Blandið sykri og eggjarauðu. Hitið að 85 °C (nær suðu).
Hellið yfir 32% súkkulaði til að gera ganache (súkkulaðikrem). Bætið í kakódufti. Setjið í sprautupoka og fyllið tómar súkkulaðiskeljar eða jafnvel glös.
 
  • Sykurpúðar
  • 40 g eggjahvítur
  • 120 g sykur
  • 24 g glúkósi (má nota hunang eða Maple-sýróp)
  • 35 g vatn
  • 5 g matarlím
  • 25 g  33% súkkulaði
 
Aðferð
Setjið matarlím í ísvatn í um það bil 20 mínútur.
Elda sykur og vatn þar til það nær að 143 °C (aðeins byrjað að þykkna en ekki brúnast), og þá er matarlíminu bætt í sykurblönduna.
 
Þeytið  eggjahvítu og hellið sykurblöndunni yfir svo úr verður marens.
Látið kólna þar til sykurpúðinn fer að þykkna.
 
Þegar blandan er farin að þykkna er bræddu 33% súkkulaði bætt í.
 
Takið páskaegg og skerið toppinn af með heitum hníf sem búið er að hita yfir pönnu eða kerti,  fyllið með sykurpúðanum og súkkulaðikreminu. Líka er hægt að nota glerglös. Skreytið með berjum.

2 myndir:

Sama sláturhús sektað þrisvar
Fréttir 17. maí 2024

Sama sláturhús sektað þrisvar

Matvælastofnun (MAST) hefur þrisvar sinnum á þessu ári lagt stjórnvaldssekt á sv...

KS hagnaðist um 5,5 milljarða króna
Fréttir 17. maí 2024

KS hagnaðist um 5,5 milljarða króna

Hagnaður Kaupfélags Skagfirðinga af rekstri félagsins á árinu 2023 reyndist rúml...

Vorverkum bænda seinkar
Fréttir 16. maí 2024

Vorverkum bænda seinkar

Veturinn sem leið var sá kaldasti frá vetrinum 1998 til 1999, samkvæmt tíðindum ...

Riðuveiki útrýmt innan 20 ára
Fréttir 16. maí 2024

Riðuveiki útrýmt innan 20 ára

Landsáætlun um riðuveikilaust Ísland hefur verið sett í samráðsgátt stjórnvalda.

Kornþurrkstöð reist í Eyjafirði
Fréttir 16. maí 2024

Kornþurrkstöð reist í Eyjafirði

Grunnur undir kornþurrkstöð í Eyjafirði er nú að taka á sig mynd í landi Laugala...

Mjólkurframleiðendur fá arðgreiðslu
Fréttir 16. maí 2024

Mjólkurframleiðendur fá arðgreiðslu

Kúabændur á starfssvæði Auðhumlu mega gera ráð fyrir arðgreiðslu frá samstæðunni...

Vetnisknúin skip í smíðum
Fréttir 15. maí 2024

Vetnisknúin skip í smíðum

Smíði er hafin á tveimur vetnis­ skipum á vegum Samskipa. Áætlað er að þeim verð...

Drómasýki í hrossum
Fréttir 13. maí 2024

Drómasýki í hrossum

Drómasýki er vaxandi vandamál í íslenskri hrossarækt. Til stendur að stofna star...