Vinsamlegast athugið að þetta efni er eldra en 2 ára.
Útbreiðsla á inflúensu (FC1) innan Evrópu í lok febrúar 2019.
Útbreiðsla á inflúensu (FC1) innan Evrópu í lok febrúar 2019.
Fréttir 28. febrúar 2019

Óvenju mikið um smitsjúkdóma í hrossum erlendis

Höfundur: Vilmundur Hansen

Óvenju mikið er um að smitdómar hafi greinist undanfarið í hrossum í Skandinavíu, á Bretlandseyjum og á meginlandi Evrópu. Sýkingar geta valdið fósturláti, lömun og dauða.

Á heimasíðu Mast segir að fyrst beri að nefna hesta-herpes týpu 1 (EHV-1) sem hefur nú mikil áhrif á stórum svæðum í Svíþjóð auk þess sem grunur er um tilfelli í Noregi. Bæði er um að ræða fósturlát af völdum sýkingarinnar en einnig hafa verið tilfelli þar sem sýkingin leggst á miðtaugakerfið og veldur alvarlegum einkennum, í versta falli lömun og dauða.

Þá hefur tiltekinn stofn hestainflúensu (Florida Clade 1 H3N8) valdið miklum usla á Bretlandseyjum og á meginlandi Evrópu. Sá stofn virðist nú einnig vera að breiðast út um Skandinavíu.

Nýgengi kverkeitlabólgu (Streptococcus equi) er nokkuð hátt um þessar mundir í mörgum nágranna- og viðskiptalöndum okkar. Faraldur smitandi hósta (Streptococcus zooepidemicusST209) árið 2010 var alvarleg áminning um að sérhæfðir sjúkdómsvaldandi streptókokkar geta borist í hrossastofninn hér á landi með smygli á notuðum búnaði, óhreinum fatnaði eða með öðrum óbeinum hætti.

Framangreindir sjúkdómar hafa það sammerkt að hafa aldrei borist til Íslands og gætu hver um sig skapað alvarlega ógn við hestahaldið og hestatengda starfsemi hér á landi.

Megin varnir Íslands liggja í banni við innflutningi á hrossum, sæði og fósturvísum. Einnig er bannað að flytja inn hvers konar búnað sem notaður hefur verið í umhverfi hrossa erlendis. Í þriðja lagi ber að þvo og eftir atvikum sótthreinsa fatnað og skófatnað sem notaður hefur verið í umhverfi hrossa erlendis.

Þeir sem hafa atvinnu af hestatengdri starfsemi og hafa mestra hagsmuna að gæta, þurfa að vera forgöngumenn í nauðsynlegum smitvörnum og sýna gott fordæmi. Þeim ber auk þess uppfræða erlenda viðskiptavini sem koma til landsins og hvetja þá til að fylgja reglum um smitvarnir í hvívetna. Mikilvægt er að reglur um smitvarnir berist erlendum hestaferðamönnum áður en lagt er í ferð til Íslands.

Reglurnar má nálgast á rafrænu formi hér.

Reglur um smitvarnir á ensku


Útbreiðsla á inflúensu (FC1) innan Evrópu í lok febrúar 2019
 

Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...

Byggðasaga Skagafjarðar tók 26 ár í vinnslu og í verkið fóru um 50 starfsár
Fréttir 19. janúar 2022

Byggðasaga Skagafjarðar tók 26 ár í vinnslu og í verkið fóru um 50 starfsár

Hjalti Pálsson frá Hofi, ritstjóri og aðalhöfundur Byggðasögu Skagafjarðar, skil...

Vinna hefst við gerð reglna um raforkuöryggi
Fréttir 19. janúar 2022

Vinna hefst við gerð reglna um raforkuöryggi

Umhverfis-, orku- og loftslagsráðherra, hefur skipað starfshóp um raforkuöryggi....

Ný reglugerð um velferð alifugla
Fréttir 19. janúar 2022

Ný reglugerð um velferð alifugla

Sjávarútvegs- og landbúnaðarráðherra hefur undirritað reglugerð um velferð alifu...