Vinsamlegast athugið að þetta efni er eldra en 6 ára.
Sænski bloggarinn og frumkvöðullinn Hanna Olvenmark heldur úti síðunni Portionen Under Tian þar sem hún deilir uppskriftum þar sem hráefnið kostar undir 10 krónum sænskum á mann eða rúmlega 100 krónur íslenskar.
Sænski bloggarinn og frumkvöðullinn Hanna Olvenmark heldur úti síðunni Portionen Under Tian þar sem hún deilir uppskriftum þar sem hráefnið kostar undir 10 krónum sænskum á mann eða rúmlega 100 krónur íslenskar.
Mynd / Úr einkasafni
Líf&Starf 22. ágúst 2017

Ódýr og hollur matur vinnur til verðlauna

Höfundur: Erla Hjördís Gunnarsdóttir
Sænskur frumkvöðull sem kynnir heilsusamlegan, sjálfbæran og ódýran mat vann nýverið til verðlauna upp á rúma milljón íslenskra króna á ráðstefnu eatforum-samtakanna. Bloggarinn og sigurvegarinn Hanna Olvenmark heldur úti síðunni Portionen Under Tian þar sem hún leggur fram uppskriftir sem kosta undir tíu krónum sænskum á mann eða rétt rúmlega 100 krónur íslenskar.
 
Hanna er 29 ára gamall næringarfræðingur sem langaði að deila ráðum og veita fólki innblástur að heilsusamlegum mat sem kostar lítið. Því gerði hún heimasíðuna þar sem hún deilir með fólki sjálfbærum og góðum máltíðum. Nú fara þúsundir netverja inn á síðuna daglega og með myllumerkinu #staycheap langar henni að ögra þeim misskilningi að fólk þurfi að fara inn á dýra veitingastaði til að verða sér úti um góðan og hollan mat. Ástríða Hönnu er að koma inn heilsusamlegri lífsstíl hjá fólki um allan heim og sýna því að það geti bæði bragðast vel og að allir hafi tækifæri til þess að njóta, óháð efnahag. Vegna vinsælda síðunnar langar Hönnu nú að ná til enn fleiri og stefnir á markaði utan Svíþjóðar ásamt því að þróa fræðslumyndbönd inni á síðunni. Hanna hefur deilt þremur góðum ráðum til notenda síðunnar til að eyða minna og borða betur:
  1. Borðið meira úr plönturíkinu, belgjurtir eru ódýrar og heilsusamlegar.
  2. Skipuleggið matarinnkaupin, það mun spara þér tíma og peninga.
  3. Taktu með þér nesti.

Uppskrift af undertian.com

Kostnaður um 400 kr. íslenskar. Kostnaður fyrir hvern skammt um 100 kr. íslenskar.
 
 
Maís- og kókossúpa fyrir fjóra 
 
Hráefni:
1 pakki frystur maís (450 g)
1 rauð paprika
1 chilialdin
1 gulur laukur
2 hvítlauksrif
2 tsk. broddkúmen
1 grænmetisteningur
5 dl vatn
2 dl kókosmjólk
5 dl soðnar svartar baunir, um 350 g
Olía til steikingar
 
Aðferð:
Deilið chili-aldinum í tvennt, takið fræin úr og skerið smátt ásamt lauk og hvítlauk. Takið fræin innan úr paprikunni og skerið í smáa bita. Hitið olíu í potti og setjið broddkúmen út í, bætið chili-aldinum, lauk, hvítlauk og papriku út í ásamt frosnum maísnum. Látið steikjast í 5 mínútur, bætið því næst vatninu við og grænmetisteningnum, látið malla í 15 mínútur. Setjið síðan í blandara og maukið vel saman. Hellið síðan blöndunni aftur í pottinn og bætið kókosmjólk út í ásamt svörtu baununum. 
 
Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...

Verulegur samdráttur í innflutningi á áburði
Fréttir 16. apríl 2024

Verulegur samdráttur í innflutningi á áburði

Matvælastofnun hefur birt leiðrétta skýrslu yfir áburðareftirlit síðasta árs.

Ísteka í yfirburðastöðu
Fréttir 15. apríl 2024

Ísteka í yfirburðastöðu

Í nýrri ályktun Samkeppniseftirlitsins kemur fram að Ísteka beiti sterkri stöðu ...

Hverfandi líkur á riðusmiti árið 2032
Fréttir 15. apríl 2024

Hverfandi líkur á riðusmiti árið 2032

Í nýrri landsáætlun verður stefnt að því að hverfandi líkur verði að upp komi ri...

Hrútaverðlaun fyrir Gullmola og Blossa
Fréttir 15. apríl 2024

Hrútaverðlaun fyrir Gullmola og Blossa

Á fagfundi sauðfjárræktarinnar sem haldinn var í Ásgarði Landbúnaðarháskóla Ísla...

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.