Vinsamlegast athugið að þetta efni er eldra en 9 ára.
Nýsköpun í hinu norræna lífhagkerfi
Líf og starf 20. júní 2014

Nýsköpun í hinu norræna lífhagkerfi

Höfundur: Sigurður Már Harðarson

Hinn 25. júní verður ráðstefnan Nordtic haldin á Hótel Selfossi þar sem fjallað verður um Norræna lífhagkerfið (e. Nordic Bioeconomy) og lífhagkerfi norðurslóða (e. Arctic Bioeconomy). Ráðstefnan er haldin í tengslum við fund norrænna ráðherra hér á landi, en Ísland fer með formennsku í Norræna ráðherraráðinu á þessu ári og leggur áherslu á nýsköpun í hinu norrænna lífhagkerfi til þess að styrkja svæðisbundinn hagvöxt.

Sigrún Elsa Smáradóttir.Að sögn Sigrúnar Elsu Smáradóttur, sem er fagstjóri hjá Matís og heldur erindi á ráðstefnunni, hefur hugtakið lífhagkerfi (e. Bioeconomy) verið notað til að ná yfir allar lífauðlindir, samspil þeirra og samhengi og áhrif á efnahagslega, umhverfislega og félagslega þætti. „Rannsóknir á sviði lífhagkerfis ganga þannig þvert á atvinnugreinar og leitast við að hámarka ávinning auðlinda án þess að ganga á þær. Ráðstefnan á Selfossi snertir á mörgum af þeim þáttum sem nauðsynlegir eru öflugu lífhagkerfi og samfélagi. Má þar nefna markaðsaðgengi, matvælaöryggi, viðnámsþrótt vistkerfa, nýtingu á úrgangi og nýsköpun,“ segir Sigrún Elsa.

Nýsköpun í matvælaframleiðslu

Matís leiðir norræn nýsköpunar- og vöruþróunarverkefni sem unnin verða á þessu sviði næstu þrjú árin. Um er að ræða verkefni sem snúa að nýsköpun í matvælaframleiðslu, aukinni sjálfbærni í matvælaframleiðslu og aukinni framleiðslu lífmassa.  Um fjörutíu vöruþróunarverkefni hafa þegar verið sett í gang á Íslandi, Grænlandi og í Færeyjum og verður afrakstur fyrsta hluta þeirra kynntur á ráðstefnunni.  Stefnt er að því að á þriðja tug vara frá löndunum þremur verði þar til sýnis og jafnvel smökkunar.

Vöruþróun í lífhagkerfi norðurslóða

Erindi Sigrúnar á ráðstefnunni fjallar um vöruþróun í lífhagkerfi norðurslóða, en ásamt því að leiða nýsköpunarverkefni formennskuáætlunarinnar hefur hún leitt norræna verkefnið um lífhagkerfi norðurslóða. Verkefnið felur í sér kortlagningu á lífauðlindum á norðurslóðum og mat á afrakstri þeirra auk samanburðar og greiningar milli svæða. „Í verkefninu er sérstaklega horft til matvælaframleiðslu með tilliti til fæðuöryggis auk þess sem nýsköpunarhæfni svæðanna og einstakra greina er metin. Þetta er gert til þess að hægt sé að meta tækifæri og ógnanir og ráðast í kjölfarið í verkefni sem styrkja svæðin á þessu sviði,“ segir Sigrún Elsa.

„Miklar lífauðlindir er að finna á norðurslóðum og eru þær mikilvægar fyrir efnahagslíf landanna.  Það er mikilvægt að ná saman yfirliti yfir auðlindir og afrakstur þeirra svo unnt sé að meta árangur og greina hvernig efla megi svæðin. Með því að auka verðmæti afurða, örva og styrkja lífhagkerfið og afkastagetu þess aukum við efnahagslegan árangur.“

Fjölmörg tækifæri til nýsköpunar fyrir hrávöruþjóðir

„Ísland, Grænland og Færeyjar eiga það sammerkt eins og staðan er núna að lífhagkerfi þeirra byggja í meira mæli á hrávöruútflutningi heldur en hagkerfi hinna Norðurlandaríkjanna og má því halda því fram að hagkerfi hinna landanna séu þróaðri en okkar. Í þessu felast fjölmörg tækifæri fyrir þessi lönd til að efla nýsköpun á þessu sviði og þróa fjölbreyttari matvæla- og líftækniiðnað.“

Dagskrá ráðstefnunnar má nálgast vefslóðinni á http://www.matis.is/nordtic.
 

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...

Verulegur samdráttur í innflutningi á áburði
Fréttir 16. apríl 2024

Verulegur samdráttur í innflutningi á áburði

Matvælastofnun hefur birt leiðrétta skýrslu yfir áburðareftirlit síðasta árs.

Ísteka í yfirburðastöðu
Fréttir 15. apríl 2024

Ísteka í yfirburðastöðu

Í nýrri ályktun Samkeppniseftirlitsins kemur fram að Ísteka beiti sterkri stöðu ...

Hverfandi líkur á riðusmiti árið 2032
Fréttir 15. apríl 2024

Hverfandi líkur á riðusmiti árið 2032

Í nýrri landsáætlun verður stefnt að því að hverfandi líkur verði að upp komi ri...

Hrútaverðlaun fyrir Gullmola og Blossa
Fréttir 15. apríl 2024

Hrútaverðlaun fyrir Gullmola og Blossa

Á fagfundi sauðfjárræktarinnar sem haldinn var í Ásgarði Landbúnaðarháskóla Ísla...

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.