Vinsamlegast athugið að þetta efni er eldra en 6 ára.
Acenta+ 4wd CV.
Acenta+ 4wd CV.
Mynd / HLJ
Á faglegum nótum 2. maí 2016

Nýr mikið breyttur og kraftmikill Nissan Navara

Höfundur: Hjörtur L. Jónsson
Laugardaginn 16. apríl frumsýndi BL nýjan mikið breyttan Nissan Navara. Bíllinn er með 2300 cc. dísilvél sem á að skila 190 hestöflum eða 160 hestöflum.
 
Helgina fyrir frumsýningu gafst mér kostur á að prófa bílinn sem er með 190 hestafla vélinni og varð ekki fyrir vonbrigðum. 
 
Óvenjulegt að pallbíll sé á gormafjöðrun að aftan
 
Flestir sambærilegir pallbílar eru á fjöðrum að aftan og frekar stífir þegar ekkert er á pallinum, en Navara er með gormafjöðrun að aftan sem gerir hann mjúkan í fjöðrun og þægilegan í akstri. Þrátt fyrir að vera með gormafjöðrun er burðargetan 1.062 kg. Stór og kraftmikil vélin gefur góða snerpu og gott tog og má Navara draga kerru með hemlabúnaði sem er allt að 3.500 kg. (sem er hámark sem má draga á 50 mm dráttarkúlu). Pallurinn er 157 cm langur og 153 á breidd. Á pallinum eru færanlegar festingar í sleðum sem gefur meira öryggi fyrir farangur sem festa þarf vel.
 
Fjórar mismunandi tegundir af Navara
 
Bíllinn sem ég prófaði var Navara Acenta+ og er næstdýrasti bíllinn í flotanum. Ódýrasti bíllinn er beinskiptur 160 hestöfl og á 16 tommu stálfelgum sem kostar 5.790.000, en Acenta+ kemur á 18 tommu álfelgum á dekkjastærðinni 255/60-18, en ber vel að dekkin séu stækkuð um þrjú númer upp í 275/65-18. Í Acenta+ er mikið af aukabúnaði s.s. dráttarkrókur, upphitaðir hliðarspeglar, þakbogar og fleira. 
 
Í prufuakstrinum kom fjöðrunin vel út á malarvegum
 
Ég byrjaði á að aka bílnum um 30 km innanbæjar, en eftir að ég fór yfir fyrstu hraðahindrunina þar sem mér fannst bíllinn óvenju þíður af pallbíl að vera, þræddi ég allar gerðir af hraðahindrunum borgarinnar og minnist ég þess ekki að hafa ekið mýkri bíl yfir þær. 
 
Á þessum innanbæjarakstri sagði aksturstölvan mér að eldsneytiseyðsla mín væri 9,2 lítrar af dísilolíu miðað við 100 km akstur. Næst var það langkeyrsla og prófun á malarvegi. Malarvegurinn sem ég nota oft í prufukeyrslum er holóttur og grófur, en þar sem ég fann nánast ekkert fyrir holunum valdi ég mér enn grófari malarslóða til að prófa á. 
 
Veghljóð var sáralítið inn í bílinn og fjöðrunin hreinlega át allt grjótið og holurnar í vondum slóðanum. Eftir aksturinn sagði aksturstölvan mér að ég hefði verið að eyða 8,5 lítrum í blönduðum akstri, en meðalhraðinn var 43 km á klukkustund. Miðað við stærð vélarinnar finnst mér þetta ekki mikil eyðsla.
 
Lokaorðin – að mestu lof
 
Ég hef sett út á ef bílar eru ekki með réttan ljósaútbúnað. Miðað við íslensk lög þá er Navara þannig útbúinn að smá tírur kvikna þegar bíllinn er settur í gang, en ef maður kveikir ljósin og hefur þau þannig er bíllinn alltaf löglegur í umferð. 
 
Varadekk er í fullri stærð undir pallinum. 
Utan á krómuðum hliðar­speglunum eru flott stefnuljós sem hæfa bílnum vel. Eins og áður sagði er ódýrasti Nissan Navara bíllinn á verði frá 5.790.000 kr. en sá dýrasti á 7.690.000 kr. Bíllinn sem ég prófaði og myndirnar eru af kostar 7.190.000. Nánar er hægt að fræðast um Nissan Navara á vefsíðunni www.bl.is.
 
Helstu mál og upplýsingar:
 
Þyngd: 1.948 kg
 
Hæð: 1.840 mm
 
Breidd: 1.850 mm
 
Lengd: 5.330mm

 

5 myndir:

Langflestir íbúar á höfuðborgarsvæðinu
Fréttir 8. febrúar 2023

Langflestir íbúar á höfuðborgarsvæðinu

Samkvæmt tölum Byggðastofnunar fyrir árið 2022 var íbúafjöldi landsins 376.248. ...

Samband neysluverðs og framleiðsluverðs í matvælum
Fréttir 8. febrúar 2023

Samband neysluverðs og framleiðsluverðs í matvælum

Bændur og hinn almenni neytandi hafa lengið staðið bökum saman við að tryggja sa...

Rannsakar skyggnar konur
Fréttir 7. febrúar 2023

Rannsakar skyggnar konur

Dr. Dalrún Kaldakvísl Eygerðardóttir sagnfræðingur rannsakar sögu skyggnra kvenn...

Of algengt að hestunum sé gefinn óþverri
Fréttir 6. febrúar 2023

Of algengt að hestunum sé gefinn óþverri

Margeir Ingólfsson og Sigríður Jóhanna Guðmundsdóttir, bændur á bænum Brú í Blás...

Tíu ára starfsafmæli
Fréttir 3. febrúar 2023

Tíu ára starfsafmæli

Tíu ár eru síðan Ráðgjafarmiðstöð landbúnaðarins (RML) var sett á laggirnar. Af ...

Innlend fóðurframleiðsla gæti nýtt jarðhita sem fer til spillis
Fréttir 3. febrúar 2023

Innlend fóðurframleiðsla gæti nýtt jarðhita sem fer til spillis

Fjárfestingafélag Þingeyinga hf. hefur unnið að skýrslu í samstarfi við verkfræð...

Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...