Vinsamlegast athugið að þetta efni er eldra en 8 ára.
Sigurður Ingi Jóhannsson landbúnaðarráðherra var vígalegur með klippurnar þegar hann klippti á borðann og vígði þar með formlega nýju réttirnar að viðstöddu fjölmenni.
Sigurður Ingi Jóhannsson landbúnaðarráðherra var vígalegur með klippurnar þegar hann klippti á borðann og vígði þar með formlega nýju réttirnar að viðstöddu fjölmenni.
Mynd / MHH
Líf og starf 3. júlí 2014

Nýjar Tungnaréttir vígðar

Höfundur: Magnús Hlynur Hreiðarsson

Í febrúar 2012 stofnuðu heima­menn í Biskupstungum félagið Vini Tungnarétta gagngert til að endurbyggja réttirnar í uppruna­legri mynd. Stofnfélagar voru um 100 talsins. Á stofnfundinum kom strax í ljós að mikill áhuga var fyrir verkefninu og fjöldi stofnfélaga fór fram úr björtustu vonum. Rúmlega tveimur árum síðar, eða laugardaginn 21. júní 2014 fór fram vígsla á nýjum og glæsilegum réttum með borðaklippingu Sigurðar Inga Jóhannssonar landbúnaðarráðherra.

Fyrsta embættisverk nýs oddvita

„Það var mér afskaplega mikil ánægja að vera í Tungnaréttum þennan laugardag og taka formlega við réttunum frá Vinum Tungnarétta en þetta var fyrsta embættisverk mitt, sem nýkjörinn oddviti Bláskógabyggðar,“ segir Helgi Kjartansson, oddviti Bláskógabyggðar, þegar hann var spurður út í vígsluna. Frá gamalli tíð stóðu Tungnaréttir á bakka Tungufljóts í landi Holtakota, rétt ofan við Koðralæk. Þær voru hlaðnar úr hraungrjóti eins og algengast var á þeim tíma. Árið 1955 var ráðist í að endurnýja réttirnar og þá voru þær færðar niður með fljótinu og reistar við fossinn Faxa eða á þeim stað þar sem þær eru núna. Á næsta ári verður haldið upp á 60 ára afmæli réttanna.

Vinir Tungnarétta og sjálfboðavinnan

Vinir Tungnarétta er hópur fólks úr Biskupstungum og víðar, sem hefur endurgert réttirnar á síðustu tveimur árum, allt unnið í sjálfboðavinnu. Stjórn félagsskaparins hélt vel utan um allar þær vinnustundir sem unnar hafa verið í sjálfboðavinnu en þær eru samtals 2.750 klst. Þá hefur mikil vélavinna verið gefin og samkvæmt bókhaldi félagsins voru þær samtals 627 klst. Efni hefur verið gefið af einstaklingum og fyrirtækjum fyrir tæpar þrjár milljónir. Einnig hafa einstaklingar gefið fjármuni beint til félagsins. „Ég er mjög ánægður með enduruppbyggingu réttanna og þá miklu vinnu, sem fólk hefur lagt á sig, það er stórkostlega að finna samtakamáttinn í sveitinni og langt fyrir utan hana, nú á Bláskógabyggð réttirnar og mun sjá um þær um ókomna tíð,“ segir Brynjar Sigurðsson, formaður Vina Tungnarétta og bóndi á Heiði.

5 myndir:

Stefnir í takmarkanir á veiðum grágæsa
Fréttir 2. desember 2022

Stefnir í takmarkanir á veiðum grágæsa

Þar sem fjöldi skráðra grágæsa á talningastöðum á Bretlandseyjum er 30% færri en...

Minkur til Danmerkur
Fréttir 1. desember 2022

Minkur til Danmerkur

Hópur danskra minkabænda, sem kallast Dansk mink, vinnur nú að því að endurvekja...

Frummenn vildu vel steiktan fisk
Fréttir 30. nóvember 2022

Frummenn vildu vel steiktan fisk

Rannsóknir á beinaleifum vatnakarfa sem fundust þar sem í dag er Ísrael benda ti...

Fyrsti rafmagnssteypubíllinn á leiðinni til landsins
Fréttir 30. nóvember 2022

Fyrsti rafmagnssteypubíllinn á leiðinni til landsins

Steypustöðin gekk nýlega frá samningi við steypudælu og -bílaframleiðandann Putz...

Ný sálmabók tekin í notkun
Fréttir 29. nóvember 2022

Ný sálmabók tekin í notkun

Þann 13. nóvember sl. var ný útgáfa sálmabókarinnar tekin í notkun í kirkjum lan...

Fljúgandi bolabítur
Fréttir 28. nóvember 2022

Fljúgandi bolabítur

Skömmu eftir miðja nítjándu öld lýsti Alfred Russel Wallace, sem var samtímamaðu...

Hjólreiða- og göngustígur milli Hellu og Hvolsvallar?
Fréttir 28. nóvember 2022

Hjólreiða- og göngustígur milli Hellu og Hvolsvallar?

Nú eru uppi hugmyndir um að leggja hjólreiða- og göngustíg á milli Hellu og Hvol...

Sólarorkuver á fjósþaki
Fréttir 25. nóvember 2022

Sólarorkuver á fjósþaki

Á Eystri-Leirárgörðum var nýlega sett upp raforkuver á útihús. Þetta er hluti af...