Vinsamlegast athugið að þetta efni er eldra en 8 ára.
Ný reglugerð um velferð hrossa gefin út
Fréttir 20. október 2014

Ný reglugerð um velferð hrossa gefin út

Atvinnu- og nýsköpunarráðuneytið hefur gefið út nýja reglugerð um velferð hrossa - sem byggð er á nýjum lögum um velferð dýra, auk laga um dýrasjúkdóma og varnir gegn þeim. Eldri reglugerð um aðbúnað, umhirðu og heilbrigðiseftirlit hrossa fellur þar með úr gildi.

Í tilkynningu frá Matvælastofnun kemur fram að tilgangur reglugerðarinnar sé að tryggja velferð og heilbrigði hrossa með góðri meðferð, umsjá og aðbúnaði. Í anda hinna nýju laga um dýravelferð sé þannig sérstaklega tekið fram að leitast skuli við að hross geti lifað í samræmi við sitt eðlilega atferli eins og framast er kostur. Þá er undirstrikað að reglugerðin tilgreini lágmarkskröfur um einstök atriði.

Í tilkynningunni frá MAST segir ennfremur: „Meðal nýmæla má nefna að tiltekin atvinnustarfsemi sem og stórmót eru nú tilkynningaskyld til Matvælastofnunar þó enn gildi sú meginregla að sömu kröfur eru gerðar til allra hrossa um meðferð, umsjá og aðbúnað.

Bannað er að beita hross harðýðgi eða annarri illri meðferð. Harðýðgi er skilgreint sem gróf valdbeiting, svo sem barsmíðar en einnig fellur undir það að þrengja að blóðrás til heila (hengja), snúa hross niður á eyrum, uppgefa hross eða gefa þeim rafstuð. Þá er kveðið á um að ekki megi nota búnað eða aðferðir við tamningu, þjálfun, keppni eða sýningar sem valda hrossum skaða eða óþarfa ótta. Þannig er óheimilt að þvinga hross í höfuðburð með búnaði sem gefur ekki eftir eða  uppgefa hross með þvingunum. Notkun á mélum með tunguboga og vogarafli er bönnuð í hvers kyns keppni og sýningum. Eins og áður er skýrt kveðið á um að aðeins megi nota heilbrigð hross í góðri þjálfun til keppni eða sýninga.

Í reglugerðinni eru ákvæði um aðgerðir á hrossum sem aðeins má framkvæma af læknisfræðilegum ástæðum og á það m.a. við um tannraspanir. Sársaukafullar aðgerðir má aðeins framkvæma með tilhlýðilegri deyfingu eða svæfingu. Einnig er kveðið á um hvernig megi aflífa hross.
Við mat á fóðrun hrossa er áfram byggt á holdastigun. Eigendur eða umsjónarmenn hrossa bera ábyrgð á að þau séu í hæfilegum holdum miðað við notkun og árstíma. Skýrt er kveðið á um að holdastig undir 2 (horaður), teljist til illrar meðferðar. Einnig skal koma í veg fyrir að hross verði of feit vegna aukinnar sjúkdómahættu. Ekki er heimilt að svelta hross til að ná því markmiði.

Kröfur um aðbúnað hrossa taka mið af félagslegum og líkamlegum þörfum þeirra, slysavörnum og smitvörnum. Ekki er um miklar breytingar að ræða frá fyrri reglugerð en helst má nefna að hesthús framtíðarinnar verða alla jafna með stærri útigerði. Eins og áður verður bannað að halda hross á básum. Þá er aukin áhersla á smitvarnir í hesthúsum, þjálfunarstöðvum og á stórmótum.“

Tíu ára starfsafmæli
Fréttir 3. febrúar 2023

Tíu ára starfsafmæli

Tíu ár eru síðan Ráðgjafarmiðstöð landbúnaðarins (RML) var sett á laggirnar. Af ...

Innlend fóðurframleiðsla gæti nýtt jarðhita sem fer til spillis
Fréttir 3. febrúar 2023

Innlend fóðurframleiðsla gæti nýtt jarðhita sem fer til spillis

Fjárfestingafélag Þingeyinga hf. hefur unnið að skýrslu í samstarfi við verkfræð...

Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...

Arabískt fyrirtæki fjárfestir í Atmonia
Fréttir 30. janúar 2023

Arabískt fyrirtæki fjárfestir í Atmonia

Efnafyrirtækið Sabic Agri-Nutrients hefur keypt einkarétt á notkun tækni Atmonia...

35 kindur drápust í bruna
Fréttir 30. janúar 2023

35 kindur drápust í bruna

„Aðkoman var óhugnanleg og þetta er mikið áfall,“ segir Guðjón Björnsson, bóndi ...