Vinsamlegast athugið að þetta efni er eldra en 7 ára.
Nuffield –  svar Breta við Fordson
Fræðsluhornið 24. nóvember 2014

Nuffield – svar Breta við Fordson

Höfundur: Vilmundur Hansen

Breski iðnjöfurinn William Morris og framleiðandi Nuffield-bifreiða hóf fram­leiðslu á dráttarvélum með sama nafni árið 1946. Morris var aðlaður árið 1938 og tók þá upp nafnið Nuffield lávarður sem traktorarnir eru kenndir við.

Fram undir seinni heimsstyrjöld­ina voru Fordson-traktorar með yfirgnæfandi markaðshlutdeild á Bret­landseyjum. Í lok styrjald­arinnar var kominn tími á endurnýjun traktoranna og mun breska stjórnin hafa hvatt Morris til að hefja framleiðslu á nýrri og breskri dráttarvél. Landið var nánast gjaldþrota eftir stríðið og hafði því ekki ráð á því að flytja inn vélar.

Tók verkefninu fagnandi

Sagan segir að Morris hafi tekið verkefninu fagnandi enda séð í því tækifæri til að skáka hinum bandaríska keppinaut sínum, Henry Ford, á Bretlandsmarkaði.

Frumgerð Nuffield-dráttarvél­anna var tilbúin árið 1946 en vegna skorts á stáli hófst fram­leiðsla þeirra ekki fyrr en tveimur árum seinna. Fyrsti Nuffield-traktorinn var sýndur á land­búnaðarsýningunni í Smithfield árið 1948.

Hönnun traktoranna var einföld og þeir voru ódýrir í framleiðslu en um leið nýtískulegir fyrir sinn tíma. Vélin var tveggja strokka og gekk fyrir ódýrri blöndu af bensíni og parafínolíu. Reynslan af þeim var góð og þóttu þær vinnuþjarkar sem biluðu sjaldan. Árið 1950 var farið að framleiða Nuffield-traktora með Perkins dísilvél.

Sala á Nuffeild-dráttarvélum gekk vel og fyrstu árin var um 80% framleiðslunnar flutt út og jók á gjaldeyrisforða þjóðarinnar.

Samrunar og eigendaskipti

Árið 1952 sameinuðust Nuffield og Austin Motor undir heitinu  British Motor Corporation sem árið 1968 varð hluti af British Leyland Motor Corporation. Ári síðar fluttist framleiðsla vélanna frá Birmingham í Bretlandi til Bathgate í Skotlandi. Á sama tíma var lit þeirra breytt úr rauðum í bláan og skipt um nafn. Leyland-nafnið tók við að Nuffield.

Marshall Traker, sem framleiddi beltatraktora og jarðýtur, keypti framleiðsluréttinn á Leyland-dráttarvélunum árið 1982. Framleiðslan var þá flutt til Gainsborough í Lincolnshire í Englandi. Salan á Marshall-dráttarvélunum náði aldrei almennilegu flugi og var framleiðslu þeirra hætt 1995.

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...

Landselastofninn við sögulegt lágmark
Fréttir 3. desember 2021

Landselastofninn við sögulegt lágmark

Hafrannsóknastofnun leggur til að beinar veiðar á landsel verði áfram takmarkaða...

Innflutningur á dönskum jólatrjám dregst saman en sala íslenskra eykst
Fréttir 2. desember 2021

Innflutningur á dönskum jólatrjám dregst saman en sala íslenskra eykst

Fyrsta helgin í sölu íslenskra jólatrjáa er nú fram undan í íslenskum jólaskógum...

Fjármálaráðherra vill skoða kaup á Hótel Sögu
Fréttir 2. desember 2021

Fjármálaráðherra vill skoða kaup á Hótel Sögu

Í frumvarpi fjármálaráðherra til fjárlaga fyrir árið 2020 er lagt til að skoða m...

Sauðfjárbændum hefur fækkað um ríflega þriðjung á 40 árum
Fréttir 2. desember 2021

Sauðfjárbændum hefur fækkað um ríflega þriðjung á 40 árum

Á síðasta ári voru sauðfjárbændur í landinu 2.078 samkvæmt haustskýrslum og höfð...

Sóknarmöguleikar sem verðskulda athygli og uppbyggingu
Fréttir 2. desember 2021

Sóknarmöguleikar sem verðskulda athygli og uppbyggingu

„Mér finnst ég standa inni í málaflokki sem er bæði tengdur sterkt inn í fortíð ...