Vinsamlegast athugið að þetta efni er eldra en 8 ára.
Nautaveisla og reyktur lax á kartöfluköku
Mynd / BGK
Matarkrókurinn 5. desember 2014

Nautaveisla og reyktur lax á kartöfluköku

Höfundur: Bjarni Gunnar Kristinsson
Það er auðvelt að gera bragðgóða nautasteik og um að gera að elda ríflega því nautakjöt er fullkomið á kalda borðið til hátíðabrigða eða bara á samlokur daginn eftir. 
 
Kartöflur eru herramannsmatur og er hægt að gera meira en að borða þær soðnar. Hér á eftir er uppskrift að jólalegu kartöflusalati og kartöflukökum þar sem lax kemur við sögu. Verði ykkur að góðu!
 
Nautahryggur
Fyrir 4–6
 
Hráefni:
  • 1 stk. nautahryggur 
  • 20 g einiber
  • 20 g pipar
  • 20 g salt
  • 2 rif hvítlaukur
  • 1 chili
  • 100 g smjör eða olía 
  • mangó chutney (eftir smekk)
 
Aðferð
Nuddið kjötið með kryddblöndunni og brúnið á háum hita í nokkrar mínútur. Bætið í skornum hvítlauk og gróft söxuðum chili og setjið á álpappír eða í álbakka ásamt smjörklípu eða ögn af olíu. Látið kjötið malla við vægan hita í um 30 mín. eða eftir stærð steikarinnar og smekk. Gott er að nota kjöthitamæli en þegar kjötið er miðlungssteikt er það um 60° C í kjarna. Smyrjið með mangó chutney og ausið hvítlauknum yfir sem er búinn að eldast með í pönnu eða ofnföstu fati. Framreitt með meðlæti að eigin vali eða fersku kartöflusalati.
 
Kartöflusalat með mandarínum og sellerí
Hráefni:
  • 300 g litlar kartöflur
  • 3 msk. Dijon-sinnep
  • 100 ml majónes
  • 2 stk. mandarínur
  • 2 stönglar blaðsellerí
  • 3 sneiðar beikon 
  • 2 stk. vorlaukur 
  • Salt og ferskur malaður svartur pipar 
Aðferð
 
Sjóðið kartöflur, látið malla í 10 til 15 mínútur, þar til soðnar að fullu. Setjið kartöflur í skál og látið þær kólna.
 
Blandið saman dijon-sinnepi, majónesi, beikoni og vorlauk. Kryddið til með salti og pipar eftir smekk, skreytið með mandarínum og blaðsellerí (sem gott er að skera með grænmetisflysjara).

Kartöfluröstí með reyktum laxi.
 
 
 
 
 
 
 
 
 
 
 
 
Kartöfluröstí með reyktum laxi
Hráefni:
 
  • 3 miðlungs skrældar kartöflur, rifnar fínt með rifjárni
  • 1 létt þeytt egg
  • 2 matskeiðar hveiti
  • 20 g brætt smjör
  • 1 msk ólífuolía
  • Salt og pipar  
  • Sýrður rjómi
  • Sneiddur reyktur lax 
  • Ferskt dill 
  • Lárpera til skrauts
 
Aðferð
Setjið  kartöflur í sigti og kreistið út alla safa. Sett í skál, bætið í eggi, hveiti og bræddu smjöri. Kryddið með salti og pipar. Hitið olíu á pönnu yfir miðlungsháum hita. Setjið svo kartöflublöndu og fletjið örlítið með spaða, hér kemur teflon-panna sterk inn svo festist ekki við pönnuna. Eldið í 1–2 mínútur á hvorri hlið eða þar til gullinn brúnn litur er kominn á kökuna. Endurtakið með restina af kartöflublöndunni og látið kólna örlítið. Toppið hverja kartöflu röstí með doppu af sýrðum rjóma, sneiddum reyktum laxi. Ferskt dill og lárpera til skrauts. Kryddið með svörtum pipar.

2 myndir:

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...

Arabískt fyrirtæki fjárfestir í Atmonia
Fréttir 30. janúar 2023

Arabískt fyrirtæki fjárfestir í Atmonia

Efnafyrirtækið Sabic Agri-Nutrients hefur keypt einkarétt á notkun tækni Atmonia...

35 kindur drápust í bruna
Fréttir 30. janúar 2023

35 kindur drápust í bruna

„Aðkoman var óhugnanleg og þetta er mikið áfall,“ segir Guðjón Björnsson, bóndi ...

Innflutningur erfðaefnis skilar góðum árangri
Fréttir 27. janúar 2023

Innflutningur erfðaefnis skilar góðum árangri

Samkvæmt niðurstöðum Ráðgjafarmiðstöðvar landbúnaðarins (RML) úr skýrsluhaldi na...

Verðskrá Skeljungs og Fóðurblöndunnar
Fréttir 27. janúar 2023

Verðskrá Skeljungs og Fóðurblöndunnar

Skeljungur og Fóðurblandan hafa birt verðskrá fyrir þær tegundir af áburði sem f...

Ekkert veiðibann á döfinni
Fréttir 26. janúar 2023

Ekkert veiðibann á döfinni

Veiðibann á grágæs hefur ekki tekið gildi á Íslandi og ekki stendur til að banna...