Vinsamlegast athugið að þetta efni er eldra en 4 ára.
Naan-brauð og gómsætar samlokur
Mynd / BGK
Matarkrókurinn 28. apríl 2017

Naan-brauð og gómsætar samlokur

Höfundur: Bjarni Gunnar Kristinsson
Naan-brauð
Þetta naan-brauð er mjög auðvelt að gera og með því betra sem ég hef smakkað. Það er allt annað og betra en tilbúið naan-brauð sem hægt er að kaupa úti í búð. 
 
Hráefni:
  • 150 ml af stofuheitri mjólk
  • 2 tsk. sykur
  • 2 tsk. þurrger
  • 450 g hveiti
  • 1/2 tsk. salt
  • 1 tsk. lyftiduft
  • 2 matskeiðar olía
  • 150 ml jógúrt
  • 1 egg, létt þeytt
 
Aðferð:
Setjið mjólk í skál. Bætið við einni teskeið af sykri og gerinu. Hrærið í blöndunni. Þetta er sett til hliðar í 15–20 mínútur – eða þar til gerið er leyst upp og smá froða hefur myndast.
 
Sigtið hveitið, saltið og lyftiduftið í skál. Bætið einni teskeið af sykri saman við og blandið saman við gerblönduna, ásamt  matarolíu, jógúrt og eggi. Blandið saman og mótið kúlur úr deiginu.
 
Hnoðið í 10 mínútur þar til deigið er slétt og fínt (má hræra í hrærivélinni með krók). Hnoðið í kúlu.
 
Penslið með olíu, setjið það í stóra skál og plastfilmu yfir. Geymið þannig í klukkustund eða þar til kúlan hefur tvöfaldast að stærð.
 
Stillið ofninn á mesta hita. Setjið bökunarplötuna inn í ofninn. 
 
Kýlið niður deigið og hnoðið aftur. Skiptið  í sex jafnar kúlur. Rúllið niður með kökukefli í þær stærðir sem þið óskið, litlar eða stórar.
 
Takið plötuna úr ofninum og setjið deigið á heita plötuna í þrjár mínútur, brauðið mun blása upp. Brúnið undir grilli, eða setjið á útigrill, í um 30 sekúndur.
 
Það má hita naan-brauðin upp í örbylgjuofni í 40 sekúndur eða svo og því er hægt að gera þau töluvert áður en á að borða þau.
 
Kjúklingur „Caesar“ naan eða tacos
 
Hráefni:
  • 6 lítil naan-brauð
  • Tvær eldaðar kjúklingabringur
  • 8 salatblöð, helst stökkt Romaine- salat 
  • 1/3 dl parmesan-ostur, ferskur og rifinn
  • ¼ dl Caesar-dressing (hægt að kaupa eða hræra saman majónes, sýrðan rjóma, limesafa og ferskan parm­e­san-­ost)
  • Ferskur malaður svartur pipar
 
Aðferð:
  • Hitið grill á háum hita.
  • Kryddið kjúklinginn með salti og pipar.
  • Grillið kjúklinginn.
  • Setjið kjúklinginn til hliðar til að hvíla.
  • Grillið naan-brauðið á báðum hliðum.
  • Skerið brauðið þannig að það opnist og setjið salat og kjúkling inn í það.
  • Toppað með Caesar-dressingu og rifnum parmesan-osti.
  • Smá svartan pipar í lokin.
 
Lambalundir tostada með pico de gallo
 
Hráefni:
  • Lambakjöt (til dæmis lambalundir)
  • Pico de gallo: (ferskt salsa)
  • ½ laukur, fínt hakkaður
  • 1 stór tómatur, fínt hakkaður
  • ¼  búnt saxað kóríander
  • ½ jalapeño chili ( eða venjulegt), fínt hakkað
  • 1 lime, safinn
  • Salt, eftir smekk
  • Ostur, rifinn
  • 1 bolli rifið Romaine-salat eða annað gott salat
 
Aðferð:
Hitið ofninn í 200 gráður.
Fyrir pico de gallo: Blandið saman í skál lauk, tómat, kóríander og jalapeño chili pipar. Bætið við limesafa og kryddið til með salti. Setjið til hliðar.
 
Eldið lambasteik þar til hún er fallega brún og elduð í gegn eftir smekk (til dæmis lambalundir sem er mjög fljótlegt). Kryddið með salti og pipar.
 
Hitið naan-brauð  í örbylgjuofni eða á eldavélinni.
 
Til að setja saman:
Brauðið er opnað og inn í það settur rifinn ostur, lambasteik, pico de gallo-salsa og rifið salat.
Njótið strax.
 
Kalkúnasamlokur „caprese“ á  focaccia-brauði
 
Það er auðvelt að kaupa pestó en ef þú vilt gera þitt eigið – sem er alltaf best – blandar þú saman ferskri basiliku, ólífuolíu, furuhnetum, parmesan, hvítlauk og salti. Það er gert annaðhvort í mortéli eða matvinnsluvél þar til blandan er slétt og fín. Það er gott að frysta afganga af pestói í ísmolabökkum. Þá þarf bara að skjóta út teningi af og til þegar gera þarf fljótlega rétti með pestói í – til dæmis pastarétt.
 
Hráefni:
  • 2 stór stykki focaccia-brauð (hægt að gera stórt naan-brauð samkvæmt uppskrift hér til hliðar og pensla með hvítlauksolíu)
  • 1 kjúklingabringa (elduð)
  • 4 sneiðar ferskur mozzarella-ostur, eða litlar kúlur sem fást í flestum búðum
  • 1-2 stórir tómatar, skornir í sneiðar
  • 6 basil lauf
  • 2 msk. pestó (ferskt eða úr dós)
  • salt og pipar, eftir smekk
 
Aðferð:
Skerið hvort stykki af focacciabrauðinu í tvennt og setjið  til hliðar.
 
Forhitið grill á miðlungshita (eða í ofni). Sneiðið kjúklingabringur í tvennt. Grillið kjúklinginn á hvorri hlið í um 4–5 mínútur, þar til eldað í gegn og safinn er glær. Fjarlægið af hita og setjið til hliðar.
 
Penslið focaccia-brauðið og grillaðan kjúklinginn með ½ matskeið af pestói. Raðið svo lagskipt ásamt mozzarella-osti í sneiðum, tómatsneiðum, þremur basilikulaufum, ½ matskeið pestó og loks hinni focaccia-sneiðinni. Endurtakið með restina af  hráefninu.
 
Gott að hita stutt á grilli eða smá inni í ofngrill á miðlungs hita. Eldið þar til brauðið er gullið og osturinn hefur bráðnað. Berið fram strax.
 

3 myndir:

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...

Rúlluplast í plastgrindur í göngu­stígum og bílaplönum slær í gegn
Fréttir 24. nóvember 2021

Rúlluplast í plastgrindur í göngu­stígum og bílaplönum slær í gegn

Fyrirtækið Ver lausnir í Garðabæ hefur verið að vinna að athyglisverðu verkefni ...

Leiðbeiningar um hvernig hámarka megi gæði nautakjöts
Fréttir 24. nóvember 2021

Leiðbeiningar um hvernig hámarka megi gæði nautakjöts

Nýr upplýsingabæklingur hefur verið gefinn út undir merkjum Íslensks gæðanauts. ...