Vinsamlegast athugið að þetta efni er eldra en 9 ára.
Munir úr hauskúpum og beini
Líf&Starf 6. maí 2015

Munir úr hauskúpum og beini

Höfundur: Vilmundur Hansen

Hauskúpur og bein vekja áhuga hjá flestum og varla til sá einstaklingur sem ekki stoppar við slíkt rekist hann á það í náttúrunni. Natural Bones Design hefur hafið framleiðslu á list- og nytjahlutum úr hauskúpum og beinum.

Óskar Sigurbjörnsson á Þorgríms­stöðum hefur haft áhuga á beinum og hauskúpum frá því hann var barn og átti gamaldags bú með leggjum og kjálkum þegar hann var krakki. Í dag rekur hann lítið en vaxandi fyrirtæki sem kallast Natural Bones Design og framleiðir list- og nytjamuni úr beinum og hauskúpum íslenskra hús- og villidýra.

Soðið og sótthreinsað

„Vinnslan felst í því að sjóða allt hold utan og innan úr beinunum, sótthreinsa og búa síðan til alls kyns muni úr þeim. Bein og hauskúpur voru í eina tíð vinsælir skrautmunir en hafa horfið í skuggann síðustu áratugina fyrir plasti og alls kyns glingri að mínu mati.

Persónulega finnst mér bein falleg og ég veit að það finnst fleirum. Ég fór því að prófa mig áfram og vinna með beinin og hauskúpurnar og búa til hluti og skreyta.“

Hefur alltaf safnað hausum

Að sögn Óskars skiptir hreinlæti gríðarlega miklu þegar beinin og kúpurnar eru hreinsaðar. „Ég fæ hausa og bein í sláturhúsi og vinnslan er háð ströngum leyfum. Mest eru þetta hausar af sauðfé og bein úr stórgripum eins og nautgripum og hestum en þar sem ég hef stundað refa- og fuglaveiðar í mörg ár hef ég einnig unnið með bein úr þeim og á talsvert safn.

Síðastliðið sumar leituðu tveir einstaklingar til mín og óskuðu eftir að ég hreinsaði fyrir þá hauskúpur. Viðskiptavinunum hefur fjölgað jafnt og þétt síðan og starfsemin verið að vinda upp á sig.“

Auk þess að vinna muni sjálfur er Óskar í samstarfi við Ljósberann í Reykjanesbæ um framleiðslu á lömpum úr beinum og hann hefur fengið ýmsa listamenn til liðs við sig til að skreyta hauskúpur. Þrír hausar hafa endað í leikhúsi sem leikmunir. „Ég hélt í fyrstu að mínar hugmyndir um hvernig nota má þetta hráefni væru fjölbreytilegar en það er hellingur af fólki með mun frumlegri og ævintýralegri útfærslur en ég.“

Þeir sem hafa áhuga á að skoða myndir af mununum er bent á síðu Natural Bones Design á Facebook.

Skylt efni: Sauðfé | listmunir

Stækka ræktarland og fjölga vörutegundum
Fréttir 20. júní 2024

Stækka ræktarland og fjölga vörutegundum

Hvítlauksbændurnir í Neðri-Brekku í Dölum fengu nýlega tvo styrki úr Matvælasjóð...

Verðlaunuðu góðan árangur
Fréttir 20. júní 2024

Verðlaunuðu góðan árangur

Tabea Elisabeth Schneider hlaut verðlaun fyrir besta árangur á B.S. prófi þegar ...

Fuglum fækkar vegna óveðurs
Fréttir 20. júní 2024

Fuglum fækkar vegna óveðurs

Samkvæmt fuglatalningu varð algjört hrun í fjölda fugla á Norðausturlandi þegar ...

Óhrædd að takast á við áskoranir
Fréttir 19. júní 2024

Óhrædd að takast á við áskoranir

Tilkynnt var um ráðningu Margrétar Ágústu Sigurðardóttur í starf framkvæmdastjór...

Halla færir út kvíarnar
Fréttir 19. júní 2024

Halla færir út kvíarnar

Halla Sif Svansdóttir Hölludóttir, garðyrkjuframleiðandi og eigandi garðyrkjustö...

Sala Búvís stöðvuð
Fréttir 19. júní 2024

Sala Búvís stöðvuð

Samkeppniseftirlitið hefur komið í veg fyrir að Skeljungur kaupi Búvís ehf. þar ...

Heitt vatn óskast
Fréttir 19. júní 2024

Heitt vatn óskast

Bláskógaveita, sem er í eigu sveitarfélagsins Bláskógabyggð, hefur óskað eftir t...

Minni innflutningur og meiri framleiðsla
Fréttir 19. júní 2024

Minni innflutningur og meiri framleiðsla

Um 300 tonn af nautakjöti voru flutt inn á fyrstu fjórum mánuðum ársins 2024.