Vinsamlegast athugið að þetta efni er eldra en 8 ára.
Mjólkursamsalan vísar til áfrýjunarnefndar samkeppnismála
Fréttir 22. september 2014

Mjólkursamsalan vísar til áfrýjunarnefndar samkeppnismála

Höfundur: Vilmundur Hansen

Í yfirlýsingu frá MS vegna útskurðar Samkeppnisyfirlitsins segir að mjólkin hafi verið verðlögð í samræmi við opinbera verðskrá og öll framkvæmd á viðskiptum með mjólk í lausu máli var í samræmi við búvörulög og samkeppnislög

Niðurstaða Samkeppniseftirlitsins, sem birt var í dag um að verðlagning á mjólk í lausu máli til fyrirtækjanna Mjólku og Kú standist ekki samkeppnislög, kemur Mjólkursamsölunni mjög á óvart. 

Fyrirtækið telur sig í einu og öllu hafa farið að búvörulögum og samkeppnislögum í starfsemi sinni og telur að ekkert í gögnum málsins bendi til annars.  Hér er um að ræða ólíka túlkun fyrirtækisins og Samkeppniseftirlitsins á skilmálum búvörulaga og samkeppnislaga. Niðurstöðu Samkeppniseftirlitsins verður þegar í stað áfrýjað til áfrýjunarnefndar samkeppnismála.


Mjólkursamsalan, sem er félag í beinni og óbeinni eigu kúabænda á Íslandi, bendir á að í úrskurðinum eru lögð að jöfnu tvenns konar ólík viðskipti.  Annars vegar er um að ræða sölu á mjólk í lausu máli til óskylds aðila, fyrirtækisins Kú, í samræmi við verðskrá sem ákveðin er af verðlagsnefnd búvöru.  Hins vegar miðlun á mjólk í framleiðslusamstarfi milli Mjólkursamsölunnar, Kaupfélags Skagfirðinga og Mjólku sem er dótturfélag kaupfélagsins. Samkeppniseftirlitið hafði þegar skilgreint þessi þrjú síðarnefndu fyrirtæki sem einn viðskiptaaðila við samruna Kaupfélags Skagfirðinga og Mjólku 2009. 

Mjólkursamsalan hefur talið að sá úrskurður skilgreini réttarstöðu félagsins í þessu máli.

Svo virðist að með þessum stjórnsýsluúrskurði hafi Samkeppniseftirlitið ákveðið að láta reyna á lagagrein í búvörulögum sem heimilar samvinnu og samstarf fyrirtækja í atvinnugreininni með það markmið að ná fram hagræðingu neytendum til hagsbóta. Þetta er í raun undanþáguheimild frá afmörkuðum ákvæðum samkeppnislaga.

Hagur neytenda hefur síðan verið tryggður með því að fyrirtækin, sem þannig mega starfa saman, hafa ekki sjálf vald yfir verðlagningu eigin framleiðslu.  Samkeppniseftirlitið hefur ítrekað og opinberlega lýst andstöðu sinni við þessa lagagrein og þannig að mati fyrirtækjanna, sem hlut eiga að máli, reynt að hafa áhrif á löggjafann.  Fyrirtækin telja sig hins vegar í einu og öllu hafa starfað í samræmi við þann lagaramma sem fyrirtækjunum er settur í búvörulögum og samkeppnislögum.   


Niðurstöðu Samkeppniseftirlitsins, sem kynnt var í dag, verður vísað til áfrýjunarnefndar samkeppnismála eins og að framan segir. Mjólkursamsalan mun ekki tjá sig efnislega um málið að öðru leyti en því sem fram kemur í áfrýjunarferlinu.
 

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...

Arabískt fyrirtæki fjárfestir í Atmonia
Fréttir 30. janúar 2023

Arabískt fyrirtæki fjárfestir í Atmonia

Efnafyrirtækið Sabic Agri-Nutrients hefur keypt einkarétt á notkun tækni Atmonia...

35 kindur drápust í bruna
Fréttir 30. janúar 2023

35 kindur drápust í bruna

„Aðkoman var óhugnanleg og þetta er mikið áfall,“ segir Guðjón Björnsson, bóndi ...

Innflutningur erfðaefnis skilar góðum árangri
Fréttir 27. janúar 2023

Innflutningur erfðaefnis skilar góðum árangri

Samkvæmt niðurstöðum Ráðgjafarmiðstöðvar landbúnaðarins (RML) úr skýrsluhaldi na...

Verðskrá Skeljungs og Fóðurblöndunnar
Fréttir 27. janúar 2023

Verðskrá Skeljungs og Fóðurblöndunnar

Skeljungur og Fóðurblandan hafa birt verðskrá fyrir þær tegundir af áburði sem f...

Ekkert veiðibann á döfinni
Fréttir 26. janúar 2023

Ekkert veiðibann á döfinni

Veiðibann á grágæs hefur ekki tekið gildi á Íslandi og ekki stendur til að banna...