Vinsamlegast athugið að þetta efni er eldra en 6 ára.
Mitsubishi – japanska kastaníutréð
Á faglegum nótum 1. ágúst 2017

Mitsubishi – japanska kastaníutréð

Höfundur: Hörður Kristjánsson
Mitsubishi Agricultural Machinery Co., Ltd. (MAM) var stofnað sem deild í Mitsubishi Group árið 1980. Það er með höfuðstöðvar í Higashiizumo, Shimane í Japan.
 
Grunnurinn að fyrirtækinu var Mitsubishi zaibatsu  sem stofnað var 1870 og starfaði til 1947 þegar því var lokað við hernám Japans. Upphaflega var fyrirtækið stofnað sem skipafélag af stofnandanum Yatarō Iwasaki.  
 
Kastaníutréð
 
Nafn fyrir­tækisins er samsett úr tveim orðum „mitsu“, sem merkir tré og „hishi“ sem seinna breyttist í „bishi“ og merkir vatna-­kastanía. Þannig mætti alveg útleggja nafnið á íslensku sem kastaníutré. 
 Fyrirtækið komst aftur á skrið með sitt fræga merki eftir seinna stríð og framleiðir dótturfélagið Mitsubishi Agricultural Machinery Co. dráttarvélar og ýmiss konar uppskerutæki og tól til jarðvinnslu. 
Mitsubishi Agricultural Machinery Co. varð til við samruna Mitsubishi Machinery Co., Ltd. og japanska landbúnaðarvélafyrirtækisins Satoh (Agricultural Machinery Mfg. Co., Ltd.) sem stofnað var  í júní árið 1914.
 
Kemur víða við
 
Mitsubishi Group kemur hins vegar víðar við í sinni iðnaðarframleiðslu og eru margar aflvélar raforkuvera á Íslandi t.d. smíðaðar þar. Má þar t.d. nefna vélar í Reykjanesvirkjun. Þá framleiðir þessi iðnaðarrisi líka bíla eins og Íslendingar þekkja vel, einnig þotur og rekur stærsta bankann í Japan (The Bank of Tokyo-Mitsubishi UFJ), svo eitthvað sé nefnt. 
 
Seldar í Bandaríkjunum og Bretlandi
 
Hið sameinaða fyrirtæki framleiddi m.a. dráttarvélar fyrir Ameríkumarkað og hafa þær verið seldar í gegnum indverska stórfyrirtækið Mahindra Group. Þá hafa dráttarvélar fyrirtækisins einnig verið seldar í Bretlandi undir Mitsubishi-nafninu. Í Japan hafa vélar fyrirtækisins líka verið seldar undir nöfnunum Kumiai, Suzue og Zen-Noh, sem eru allt nöfn í eigu samvinnufélaga bænda.  
 
Framleiddar víða með og án leyfis
 
Mitsubishi er með samstarfs­samning um framleiðslu á sínum dráttarvélum við LS Tractors í Suður-Kóreu sem er deild í LS Cable. Einnig er samningur við VST Tillers í Indlandi, en Mitsubishi Heavy Industries á jafnframt 3% í því félagi. Nákvæmlega eins vélar hafa verið framleiddar undir nafninu Shenniu í Kína, en eitthvað er óljóst með hvort það fyrirtæki er með framleiðsluleyfi eða hefur einfaldlega smíðað nákvæmar eftirlíkingar af Mitsubishi-traktorum.
 
Að 33% hluta í eigu Mahindra & Mahindra
 
Þegar mikið endurskipu­lagningar­ferli hófst hjá Mitsubishi 2013 var nafnið ASUMA (Agri SUpport Machinery) yfirtekið. Árið 2015 var svo 33,33% hlutur seldur indverska stórfyrirtækinu Mahindra & Mahindra. Mitsubishi Agricultural Machinery Co. er því nú að stærstum hluta í eigu Mitsubishi Group og Mahindra & Mahindra.
Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...