Vinsamlegast athugið að þetta efni er eldra en 7 ára.
Mikill skortur á nautakjöti fyrir tíu árum
Gamalt og gott 8. september 2016

Mikill skortur á nautakjöti fyrir tíu árum

Í Bændablaðinu 12. september fyrir tíu árum er fjallað um alvarlegan nautakjötsskort. Rætt er við Hermann Árnason, stöðvarstjóra hjá Sláturfélagi Suðurlands á Selfossi, sem segir að allt árið hafi verið erfitt að fá nautgripi til slátrunar - ekki síst kýr.

„Nú mega bændur framleiða eins og þeir geta af mjólk og þá er hver kýr látin mjólka lengur en áður, meðan kvótinn réð ríkjum,“ segir hann. 

Í fréttinni segir hann ennfremur að nautgriparækt sé aðeins að taka við sér aftur eftir að hún hafi nánast lagst af þegar verð nautakjöts var hvað lægst. Á þessu ári hafi töluvert af nautakjöti verið flutt inn því íslenska framleiðslan anni ekki eftirspurn á markaðnum enda hafi nautakjötsframleiðsla stórminnkað. Það hafi verið gengið alltof langt í að fækka nautum til slátrunar og ekki síst nú þegar kýr fáist ekki heldur.

Hermann bendir á að búsháttabreytingar hafi líka sitt að segja. Kúabúunum er að fækka en þau sem eftir eru stækka. Þá eru bændur ekki með nautaeldi meðfram mjólkurframleiðslunni eins og áður. Vegna þessa skorts á nautakjöti hefur verð til bænda hækkað umtalsvert. 

Einnig er rætt við Reyni Eiríksson, framleiðslustjóra Norðlenska, í umfjölluninni. Hann tekur undir með Hermanni með að mikill skortur hafi verið allt árið vegna þess að framleiðslan hafi dregist saman. ,,Ef við horfum á tölur frá fyrstu sjö mánuðum þessa árs hefur nautakjötsframleiðslan dregist saman um 16% frá sama tíma 2005 og í tonnum talið eru það um 300 tonn. Framleiðslan fór niður fyrir tveimur árum þegar verðið var hvað lægst og framleiðslan hefur ekki farið upp aftur nema hvað minna var drepið af kálfum í fyrra þegar verðið fór upp aftur. Þeir eru þó ekki komnir inn í framleiðsluna og hversu mikið menn settu á skal ég ekki segja um,“ sagði Reynir. Hann segist hafa heyrt að það nautakjöt sem verið sé að flytja inn sé afar misjafnt að gæðum og að frosnar nautalundir hafi jafnvel verið orðnar tveggja ára.“

Á vefnum timarit.is má nálgast gömul tölublað Bændablaðsins á stafrænu formi.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...