Vinsamlegast athugið að þetta efni er eldra en 5 ára.
Mikill ótti við blóðsjúkdóm í dönskum mink
Fréttir 25. febrúar 2016

Mikill ótti við blóðsjúkdóm í dönskum mink

Björn Halldórsson, formaður Sambands íslenskra loðdýrabænda, segir að niðurstöður á skinnauppboði hjá Kobenhagen Fur, sem lauk á þriðjudag, séu svipaðar og búist var við. Verð sé enn lágt og muni haldast lágt allt þetta ár. 
 
Íslenskir minkabændur seldu um 40 þúsund skinn á uppboðinu og þar seldist allt sem í boði var, eða á sjöundu milljón skinna. Björn segir að Íslendingar geti verið sáttir við að vera með næstbestu skinnin á heimsvísu og þar rétt á eftir Dönum. Þar hafi íslensku skinnin heldur verið að sækja á þau dönsku frá síðasta uppboði. 
 
„Við erum allavega enn þá að tryggja okkur nokkuð vel gagnvart Norðmönnum og höldum þeim vel fyrir aftan okkur,“ segir Björn.
 
„Verðið á íslensku skinnunum var að meðaltali 213 danskar krónur að þessu sinni á móti um 214 krónum á síðasta uppboði í janúar. Niðurstaðan var allavega mun skárri en hún hefði getað verið.“
Björn segir að staðan á heimsmarkaði með loðskinn sé mjög erfið um þessar mundir. Rússar, sem voru stórkaupendur á loðskinnum um árabil, séu nær alveg horfnir úr kaupendahópnum. Þótt margir framleiðendur hafi dottið úr skaftinu vegna mikillar verðlækkunar á skinnum, þá sé viðbúið að skinnaverð haldist lágt út þetta ár og jafnvel fram á árið 2017. Því sé þetta spurning um velvilja lánveitenda meðan þetta ástand varir. 
 
Blóðsjúkdómur vekur ugg
 
Það er þó annað mál sem vekur ekki síður ugg meðal minkabænda. Í Danmörku berjast minkabændur nú við alvarlegan blóðsjúkdóm í dýrunum sem breiðst hefur um allt landið. Gert er ráð fyrir að samtök danskra minkabænda leggi sem svarar um tveimur milljörðum íslenskra króna í baráttuna við sjúkdóminn á þessu ári. Búið er að lóga öllum dýrum á um 280 búum af þeim 1.500 sem þar eru starfrækt. Ekki sér fyrir endann á þeim vanda. Talið er að smit hafi borist með fóðri en ekkert er þó vitað um upprunann.
Lokað fyrir lífdýrainnflutning
 
Íslenskir minkabændur hafa flutt inn fjölda lífdýra árlega frá Danmörku til að viðhalda sínum stofni, en hafa nú alveg lokað fyrir það.
 
„Það verður ekki farið til Danmerkur eftir mink næstu árin, allavega ekki meðan ég er í forsvari fyrir íslenska minkabændur. Það verður ekki tekinn neinn séns í þessum efnum því sjúkdómsleysið hér á landi eru einhver mestu verðmætin sem fólgin eru í okkar dýrum,“ segir Björn.  
Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...