Vinsamlegast athugið að þetta efni er eldra en 9 ára.
Mest flutt inn af síðum, en heilir og hálfir skrokkar fluttir út
Mynd / Tjörvi Bjarnason
Fréttir 10. október 2014

Mest flutt inn af síðum, en heilir og hálfir skrokkar fluttir út

Höfundur: Vilmundur Hansen

Það sem af er þessu ári er búið að flytja inn hátt í 300 tonn af svínakjöti en á sama tíma eru íslenskir svínakjötsframleiðendur að leita að markaði erlendis fyrir innlent kjöt.

Megnið af innflutta kjötinu kemur frá Spáni og öðrum löndum Evrópusambandsins en íslenskir svínakjötsframleiðendur mega ekki flytja kjöt inn í lönd innan ESB.

Hörður Harðarson, formaður Svínaræktarfélags Íslands, segir að vegna þess að íslenskir svínakjötsframleiðendur megi ekki flytja kjöt inn á Evrópusambandið hafi þeir ekki um annað að velja en að leita markaða annars staðar og líklegt að útflutningur til Rússlands hefjist fljótlega.

Verð lækkar á haustin

„Staðan er gjarnan þannig á haustin, þegar fer að draga úr mesta ferðamannastraumnum, þá standa margir birgjar, sem hafa flutt inn svínakjöt, frammi fyrir því að vera með birgðir. Til að losna við birgðirnar lækka þeir verð og um leið skapast hætta á því að verð á innlendri framleiðslu falli niður fyrir kostnaðarverð. Reynslan sýnir að verðmyndun í kjölfarið ræðst þá ekki nema að óverulegu leyti af framboði og eftirspurn. Þannig getur misræmi í starfsumhverfinu haft mjög neikvæð áhrif á afkomu búgreinarinnar. Eðlilegast væri að svínabændur hefðu heimild til útflutnings til ESB og á sömu kjörum og eru á því svínakjöti sem heimilt er að að flytja til landsins samkvæmt tollkvótum, eða um 200 tonn á ári samkvæmt reglugerð,“ segir Hörður.

Innflutningur afurðaflokka er mismunandi og allt eftir því í hvers konar vinnslu kjötið á að fara. Hörður segir að búið sé að flytja inn hátt í 300 tonn af svínakjöti það sem af er þessu ári. „Langmest er flutt inn af síðum og beikon unnið úr þeim. Innlendir aðilar eru aftur á móti að framleiða talsvert af beikoni úr öðrum skrokkhlutum eins og til dæmis hryggnum sem gefur af sér afbragðsvöru.“

Rík hefð fyrir svínakjötsneyslu í Rússlandi

Hvað útflutninginn varðar þá fékk ég fyrir skömmu hringingu frá aðila í Moskvu sem hefur áhuga á að kaupa talsvert magn af hálfum skrokkum í ákveðinn tíma sem helgast af ástandinu á markaði þar um þessar mundir.

Í Rússlandi og löndum Austur-Evrópu er rík hefð fyrir neyslu svínakjöts og þar nýta þeir alla hluta dýrsins hvort sem það er kjöt eða innmatur. Ég á því von á að ef útflutningur hefjist þangað þá verði það mest á heilum og hálfum skrokkum en ekki ákveðnir hlutar skrokksins. 

Styrkir til vatnsveitna á lögbýlum
Fréttir 5. mars 2024

Styrkir til vatnsveitna á lögbýlum

Enn er opið fyrir umsóknir um framlög vegna vatnsveitna á lögbýlum sbr. regluger...

Tilboðsmarkaður opinn
Fréttir 4. mars 2024

Tilboðsmarkaður opinn

Markaður fyrir greiðslumark mjólkur verður haldinn þann 1. apríl næstkomandi.

Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...