Vinsamlegast athugið að þetta efni er eldra en 3 ára.
Serana Brown, framkvæmdastjóri verkefnis um sjálfbæra þróun hjá KPMG á alþjóðavísu, hélt erindi á ráðstefnu Matvælalandsins Íslands um ábyrga matvælaframleiðslu og heimsmarkmið SÞ fyrir skömmu.
Serana Brown, framkvæmdastjóri verkefnis um sjálfbæra þróun hjá KPMG á alþjóðavísu, hélt erindi á ráðstefnu Matvælalandsins Íslands um ábyrga matvælaframleiðslu og heimsmarkmið SÞ fyrir skömmu.
Mynd / TB
Fréttir 8. júní 2018

Matvælaframleiðsla á Íslandi og sjálfbærnimarkmið Sameinuðu þjóðanna

Höfundur: Vilmundur Hansen

Markmið Sameinuðu þjóðanna um sjálfbæra þróun sem samþykkt voru á allsherjarþingi Sameinuðu þjóðanna 2015 boða fjölbreyttar framfarir á heimsvísu.

Markmiðin, sem eru sautján, snúa að samfélaginu í víðasta skilningi, má þar nefna framleiðsluhætti, notkun á orku, samvinnu, útrýmingu á fátækt og hungri, og eiga að tryggja góða heilsu og vellíðan. Samstarfsvettvangur um Matvæla­landið Ísland efndi til ráðstefnu um ábyrga matvælaframleiðslu og heimsmarkmið SÞ fyrir skömmu.

Meðal gesta á ráðstefnunni var Serana Brown, framkvæmdastjóri verkefnis um sjálfbæra þróun hjá KPMG á alþjóðavísu. Erindi hennar kallaðist The Sustainable Development Goals: Opportunities for the Icelandic Food Industry.

Bakgrunnur í endurskoðun og þróunaraðstoð

Serena Brown vann sem endurskoðandi á alþjóðasviði hjá KPMG í tíu ár og starfaði meðal annars á Bretlandseyjum, Hong Kong og Ástralíu áður en hún hóf að vinna að hjálpar- og þróunarstörfum í löndunum sunnan Sahara. Í Kenía, Suður-Súdan, Tansaníu og Fílabeinsströndinni starfaði hún að hluta til með bændum við þróun landbúnaðar.

„Reynsla mín af þróunarstarfi í Afríku samfærði mig um að þrátt fyrir að hjálparsamtök séu víða að vinna frábært grasrótarstarf þarf meira til að hægt sé að leysa þau vandamál sem mannkynið stendur frammi fyrir. Ég tel að nauðsynlegt sé að virkja viðskiptaheiminn í auknum mæli til góðs og sem jákvætt afl í heiminum til að leysa þessi aðsteðjandi vandamál. Ég sneri því aftur til KPMG til að nýta reynslu mína af viðskiptum og þróunarstarfi.

Vinna við gerð sjálfbærni markmiða Sameinuðu þjóðanna og að auka vitund fólks og fyrirtækja á málefnunum og tækifærunum sem þeim tengjast hefur verið stórkostleg,“ segir Serena.

Væntingar um samfélagslega ábyrgð fyrirtækja

Serana segir að væntingar stjórn­valda, fjárfesta og neytenda um að fyrirtæki, bæði stór og smá, leggi sitt af mörkum til að auka sjálfbærni í heiminum séu miklar. „Það er ekki nóg fyrir fyrirtæki að segjast ætla að vinna að sjálfbærnimarkmiðum Sameinuðu þjóðanna heldur er ætlast til að starf þeirra sé gagnsætt og að hægt sé að fylgjast með því að þau standi við sitt.

Kannanir sýna að einungis 62% neytenda treystir matvæla­fyrirtækjum, 56% telja að tekjur fyrirtækja sem eingöngu hagnaðardrifin eigi eftir að dragast saman og 60% neytenda telur að stjórnarmenn fyrirtækja séu fremur drifnir áfram af græðgi en samfélagslegri ábyrgð.

Í dag er það þannig að upplýsingar berast hratt og því nánast ómögulegt að hlaupa í felur með það sem er gert. Fyrirtækin vita þetta og þau vita einnig að illt umtal kemur sér mjög illa fyrir þau. Stjórnendur fyrirtækja vita einnig að það er þeim í hag að standa við markmiðin og helst að fá á sig orð um að vera í forustu þegar kemur að sjálfbærri þróun.“

Breytingar og landbúnaður á Íslandi

„KPMG á Íslandi er að skoða á hvaða hátt loftslagsbreytingar, fólksflutningar og fleiri þættir munu hafa áhrif á landbúnað á Íslandi. Starfsmenn fyrirtækisins hafa meðal annars ferðast um landið og tekið bændur tali og skoðað ólíkar sviðsmyndir sem tengjast landbúnaði á Íslandi og þeim breytingum sem eru í vændum á heimsvísu.

Ísland er í forustu þegar kemur að upprunamerkingum og ábyrgum fiskveiðum í heiminum og landið ætti að leggja metnað sinn í að vera það áfram. Íslendingar eru einnig framarlega þegar kemur að notkun endurnýjanlegra orkugjafa. Jafnrétti á Íslandi er einnig mikið en í sumum tilfellum má gera meira til að virkja konur á landsbyggðinni og gera störf þeirra verðmætari.

Mér skilst að neysla á unnum matvælum á Íslandi sé minni en víða annars staðar og það er kostur og eitthvað sem ætti að viðhalda. Reyndar er það svo að víða í heiminum eru neytendur farnir að gera kröfur um að matvæli séu minna unnin og að minna sé af íblöndunarefnum í þeim.

Eftirspurn í fisk, óunnið kjöt og grænmeti hefur aukist og kannanir benda til að aukningin eigi eftir að verða meiri í framtíðinni.“

Selena segir að lokum mikilvægt að fólk líti á sjálfbærnimarkmið SÞ út frá nærumhverfi sínu og vinni út frá því. „Einstaklingar og fyrirtæki eiga að skoða hvað hægt er að gera til að leggja sitt á vogarskálarnar til að bæta heiminn og gera hann betri til framtíðar og fyrir komandi kynslóð.“

Erindi Serenu Brown af ráðstefnunni er aðgengilegt hér.

Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...