Vinsamlegast athugið að þetta efni er eldra en 6 ára.
Matarmarkaður á Facebook
Mynd / TB
Fréttir 16. maí 2017

Matarmarkaður á Facebook

Höfundur: Tjörvi Bjarnason

Búið er að stofna Matarmarkað á Facebook sem hefur það markmið að efla milliliðalaus viðskipti á milli framleiðenda og viðskiptavina. Framleiðendur geta auglýst vörur sínar og viðskiptavinir geta pantað vörurnar í ummælum undir auglýsingunni.

Fyrirkomulagið er að norrænni fyrirmynd en t.d. hefur þessi viðskiptaleið breiðst hratt út í Finnlandi undir nafninu REKO. Reko gengur út á að búa til tengslanet á Facebook þar sem seljendur og kaupendur hafa milliliðalaus viðskipti. Smáframleiðendur, matarfrumkvöðlar, veitingahús og bændur sem selja beint frá býli eru áberandi á Reko.

Af hverju matarmarkaður á Facebook?

Þann 20. mars síðastliðinn stóðu matarfrumkvöðlar og Matarauður Íslands fyrir opnum fundi þar sem framleiðendur, veitingamenn, heildsalar og aðrir sem tengjast matvælageiranum komu saman. Í umræðum kom fram að það þyrfti að efla milliliðalaus viðskipti og auka yfirsýn um framboð bænda og annarra framleiðenda á vörum beint frá býli eða smáframleiðslu. Einnig þyrfti að vera vettvangur fyrir veitingamenn, verslanir og neytendur til að ná í þessar vörur.

Ekki er víst að milliliðalaus viðskipti henti öllum en með því að nýta sér Facebook þá geta framleiðendur mögulega lækkað viðskiptakostnað og tekið á móti pöntunum fyrirfram. Það auðveldar skipulagningu í framleiðslunni.  

Hvernig virkar matarmarkaðurinn?

Matarmarkaðurinn virkar líkt og hefðbundinn matarmarkaður, nema að viðskiptavinir panta og ganga frá viðskiptum í gegnum Facebook-hóp. Þegar viðskiptin eru komin á þá sammælast aðilar um afhendingarmáta og afhendingarstað. Til þess að einfalda afhendingarferlið þá býður hópurinn upp á afhendingar í Sjávarklasanum í Reykjavík á milli 14:00 og 16:00 á föstudögum. Í staðinn fyrir að framleiðendur þurfi að koma aðföngum á hefðbundinn matarmarkað upp von og óvon um að allt seljist þá mæta seljendur einungis með þær vörur sem búið er að panta. Þannig verður minna um rýrnun og viðskiptakostnaðurinn í lágmarki.

Hópurinn var stofnaður af frumkvöðlinum Inga Birni Sigurðssyni og verkefninu Matarauður Íslands. Markmiðið er að sögn þeirra að efla íslenska framleiðslu með því koma á milliliðalausum samskiptum við viðskiptavini. Allir Facebook-notendur geta selt sínar vörur endurgjaldslaust og hópurinn er öllum opinn.  

Slóðin á Matarmarkað á Facebook

Auknar fjárveitingar til viðhalds varnarlína í Miðfjarðarhólfi
Fréttir 8. júní 2023

Auknar fjárveitingar til viðhalds varnarlína í Miðfjarðarhólfi

Fjárveitingar til viðhalds á tveimur varnarlínum sauðfjársjúkdóma milli Miðfjarð...

Nýr lausapenni
Fréttir 8. júní 2023

Nýr lausapenni

Umfangsmeira Bændablað kallar á mannafla og er Þórdís Anna Gylfadóttir nýr liðsf...

Dregur úr innlendri framleiðslu nautakjöts
Fréttir 8. júní 2023

Dregur úr innlendri framleiðslu nautakjöts

Samdráttur í nautakjötsframleiðslu nú er afleiðing lægra afurðaverðs árið 2021 a...

Eitt sýni jákvætt á Urriðaá
Fréttir 8. júní 2023

Eitt sýni jákvætt á Urriðaá

Nú er ljóst að eina staðfesta riðuveikitilfellið á Urriðaá í Miðfirði var í kind...

Ályktað um innflutning og upprunamerkingar
Fréttir 8. júní 2023

Ályktað um innflutning og upprunamerkingar

Aðalfundur Kaupfélags Skagfirðinga, sem haldinn var á Sauðárkróki þann 6. júní s...

Eftirmál riðuveiki
Fréttir 8. júní 2023

Eftirmál riðuveiki

Sauðfjárbændurnir á Urriðaá og Bergsstöðum í Miðfirði standa saman í erfiðum sam...

Óvissa um starfsemi BÍL
Fréttir 7. júní 2023

Óvissa um starfsemi BÍL

Aðalfundur Bandalags íslenskra leikfélaga (BÍL) lýsir yfir vonbrigðum með drátt ...

Vilja flytja út færeysk hross
Fréttir 6. júní 2023

Vilja flytja út færeysk hross

Til þess að bjarga færeyska hrossastofninum frá aldauða hefur komið til skoðunar...