Vinsamlegast athugið að þetta efni er eldra en 2 ára.
Markmiðið að fullnýta afurðirnar
Fréttir 22. apríl 2020

Markmiðið að fullnýta afurðirnar

Höfundur: Vilmundur Hansen
Heilbrigðisráðherra hefur með breytingu á reglugerð veitt Lyfjastofnun undanþáguheimild með stoð í lögum um ávana- og fíkniefni sem gerir innflutning, meðferð og vörslu fræja til ræktunar iðnaðarhamps mögulega. 
 
Hjónin Pálmi Einarsson og Oddný Anna Björnsdóttir, bændur á Gautavík í Berufirði, hófu ræktun á iðnaðarhampi síðastliðið sumar með leyfi frá Matvælastofnun og hafa unnið sleitulaust að því að fá ræktunina gerða löglega hér á landi eftir að Lyfjastofnun sagði hana ólöglega. Ræktun á iðnarhampi fer vaxandi í heiminum og velta tengd honum gríðarleg. 
 
 
Oddný Anna Björnsdóttir.
 
 
Lagaumgerðin skýrari
 
„Við fögnum því að sú vegferð sem við hófum síðastliðið vor sem hafði það markmið að vekja athygli á notagildi hamps og möguleikum hans til að stórauka sjálfbærni á fjölmörgum sviðum hafi skilað árangri,“ segir Oddný. „Með því að rækta sjálf hamp á okkar jörð og greina frá því opinberlega,  stuðluðum við að því að lagaumgjörð í kringum iðnaðarhampinn er orðin skýrari.
 
Þessi tímabundna ráðstöfun á að tryggja að þeir sem hafa áhuga á að rækta hamp í sumar eigi að geta flutt inn fræ vandræðalaust, fylgi þeim tilskilin vottorð. Þar sem reglugerðin tók gildi á elleftu stundu er tíminn þó naumur því fræin þurfa að komast ofan í jörð í maí, en á meðan beðið er eftir fræjunum er mikilvægt að byrja að undirbúa jarðveginn.“
 
Nýjar lausnir
 
„Við viljum nota tækifærið og þakka þeim Svandísi, Þórdísi Kolbrúnu og Kristjáni Þór og þeirra fólki fyrir að láta þetta verða að veruleika og að ætla að gera ráðstafanir til að stuðla að ræktun iðnaðarhamps hér á landi. Samskiptin við þau í þessu ferli hafa verið bæði jákvæð og uppbyggileg.
 
„Um leið vonum við að lærdómurinn af þessu máli og öðrum sambærilegum verði sá að stofnanir hætti að siga lögreglunni á frumkvöðla sem eru að reyna að stuðla að framþróun í samfélaginu og benda á nýjar lausnir. Þær viðhafi frekar góða stjórnsýsluhætti, fari eftir meðalhófsreglunni og leysi málin á faglegan og lausnamiðaðan hátt.“ 
 
Fullnýting á afurðunum
 
Oddný segir að tilgangur ræktunarinnar til þessa hafi verið að athuga hvort hún væri möguleg og hvort íslenskur hampur væri nothæfur til iðnframleiðslu. „Við höfum ekki skoðað markaðsmöguleika fyrir hampinn enda markmiðið að fullnýta okkar framleiðslu sjálf.“
Nesbú með nýtt lífrænt hænsnahús í Flóanum fyrir 18 þúsund fugla
Fréttir 16. maí 2022

Nesbú með nýtt lífrænt hænsnahús í Flóanum fyrir 18 þúsund fugla

Nesbú á Vatnsleysuströnd er þessa dagana að taka í notkun nýtt og glæsilegt lífr...

Kolvetnasnauðu Queen Anne kartöflurnar fá góðar viðtökur
Fréttir 16. maí 2022

Kolvetnasnauðu Queen Anne kartöflurnar fá góðar viðtökur

Nýverið kom á markað kartaflan Queen Anne frá Þórustaða Kartöflum sem hefur mun ...

Arfgerðin T137 finnst á Botnum og reynist útbreidd á Árskógsströndinni
Fréttir 16. maí 2022

Arfgerðin T137 finnst á Botnum og reynist útbreidd á Árskógsströndinni

Arfgerðar­greiningar á príon­próteini (PrP) kinda eru nú í fullum gangi. Að sögn...

„Ég hef lagt niður vopnin“
Fréttir 13. maí 2022

„Ég hef lagt niður vopnin“

Sigríður Jónsdóttir bóndi og fjölskyldan í Arnarholti í Biskups­tungum ætla að h...

Kúabændur misvel í stakk búnir til að bregðast við versnandi rekstrarhorfum
Fréttir 13. maí 2022

Kúabændur misvel í stakk búnir til að bregðast við versnandi rekstrarhorfum

Herdís Magna Gunnarsdóttir, bóndi á Egilsstöðum á Fljóts­dalshéraði, var kjörin ...

Verndandi arfgerðir gegn riðu nokkuð algengar í íslensku fé á Grænlandi
Fréttir 13. maí 2022

Verndandi arfgerðir gegn riðu nokkuð algengar í íslensku fé á Grænlandi

Sandkoli og hryggleysingjar
Fréttir 13. maí 2022

Sandkoli og hryggleysingjar

Atvinnuveganefnd hefur til umfjöllunar frumvarp þar sem fjallað er um veiðistjór...

Tryggir félagslegan stuðning við bændur
Fréttir 12. maí 2022

Tryggir félagslegan stuðning við bændur

Tryggir félagslegan stuðning við bændur Guðmundur Ingi Guðbrandsson, félags- og ...