Vinsamlegast athugið að þetta efni er eldra en 2 ára.
Allt er af moldu komið og allt hverfur aftur til moldar.
Allt er af moldu komið og allt hverfur aftur til moldar.
Fréttir 4. júní 2019

Mannslík til moltugerðar

Höfundur: Vilmundur Hansen
Það hljóta að teljast góðar fréttir fyrir grænhausa að stjórnvöld í Washingtonríki í Bandaríkjum Norður-Ameríku íhuga að leyfa jarðgerð úr mannslíkum í staðinn fyrir hefðbundna greftrun.
 
Stjórnvöld í Washingtonríki samþykktu fyrir skömmu reglur þess efnis að leyfilegt yrði að nota mannslíkama eða mannslík til moltugerðar. Það eina sem vantar upp á að reglurnar, sem kallast recomposition á ensku en endurmyndun á íslensku í lauslegri þýðingu, taki gildi er að ríkisstjóri Washington skrifi undir þær. 
 
Þriðji kosturinn
 
Í umræðum vegna nýju reglnanna kom fram að til þessa væru í raun einungis tveir kostir í boði á Vesturlöndum þegar kæmi að förgun mannslíkama eftir andlátið. Annars vegar greftrun og hins vegar brennsla. Báðar þessar leiðir eru plássfrekar og óhagkvæmar. 
 
Með því að bjóða upp á þriðja kostinn, moltun, er komið til móts við óskir fjölda fólks um að snúa aftur til náttúrunnar og verða þannig hluti af hringrás hennar og næring fyrir gróður jarðar. 
 
Bent er á að til sé fjöldi rannsókna sem sýna hvernig má nýta dýr til moltugerðar og nota þau sem áburð og að ekkert sé því til fyrirstöðu að gera slíkt hið sama við mannsskrokka. 
 
Aðstaða til mannmoltu­gerð­arinnar er tilbúin og sex manns hafa þegar ánafnað líkama sínum til moltugerðarinnar.
 
Umhverfisvæn aðferð
 
Moltun notar einungis einn áttunda af þeirri orku sem þarf til að brenna mannslíkama og dregur þannig úr myndun og losun koltvísýrings út í andrúmsloftið og aðferðin því mun umhverfisvænni. Auk þess sem moltun skilar lífrænum næringarefnum til náttúrunnar en brennsla einungis steinefnum.
 
Eins og besta safnhaugamold
 
Við moltugerðina er líkami hinna látnu þakinn lífrænu efni eins og heyi eða viðarspæni og við rétt hitastig tekur í mesta lagi sjö vikur fyrir stærstan hluta líkamans að brotna niður í bestu safnhaugamold. 
 
Á meðan á moltugerðinni stendur verður aðstandendum gert kleift að heimsækja ástvininn og að moltugerðinni lokinni fá þeir moltuna afhenta óski þeir þess og frjálst að nota hana að vild. 
 
Molta fyrir tómata
 
Ein áhugasöm manneskja um moltugerð af þessu tagi segir að aðferðin sé frábær leið til að sameinast náttúrunni og verða að gagni eftir andlátið. „Ég get ekki ímyndað mér neitt fallegra en að fjölskylda mín noti moltuna mína til að rækta í kartöflur eða tómata.“ 
 
Soylent Green orðið að veruleika
 
Árið 1966 sendi vísinda­skáldsagna­höfundurinn Harry Harrison frá sér bók sem heitir Make Room! Make Room! Árið 1973 var sagan kvikmynduð og fékk myndin nafnið Soylent Green og var með Charlton Heston í aðalhlutverki. 
 
Í sögunni er fjallað um endurvinnslu mannslíkamans vegna offjölgunar og plássleysis í heiminum, ekki eins en á svipuðum nótum og í moltugerðar­hugmyndinni.
Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...

Rúlluplast í plastgrindur í göngu­stígum og bílaplönum slær í gegn
Fréttir 24. nóvember 2021

Rúlluplast í plastgrindur í göngu­stígum og bílaplönum slær í gegn

Fyrirtækið Ver lausnir í Garðabæ hefur verið að vinna að athyglisverðu verkefni ...

Leiðbeiningar um hvernig hámarka megi gæði nautakjöts
Fréttir 24. nóvember 2021

Leiðbeiningar um hvernig hámarka megi gæði nautakjöts

Nýr upplýsingabæklingur hefur verið gefinn út undir merkjum Íslensks gæðanauts. ...

Lindarbrekka í Berufirði komin með sláturleyfi  en ætlar ekki að nýta það í ár
Fréttir 24. nóvember 2021

Lindarbrekka í Berufirði komin með sláturleyfi en ætlar ekki að nýta það í ár

Á tveimur sauðfjárbúum hefur nú í haust verið slátrað samkvæmt nýlegri reglugerð...