Vinsamlegast athugið að þetta efni er eldra en 7 ára.
Sigurður Ævarsson mótsstjóri lofar úrvalsveðri og frábærum hestakosti á Landsmóti á Gaddstaðaflötum annað kvöld.
Sigurður Ævarsson mótsstjóri lofar úrvalsveðri og frábærum hestakosti á Landsmóti á Gaddstaðaflötum annað kvöld.
Mynd / HKr.
Fréttir 3. júlí 2014

Lofar blíðskaparveðri og veislu aldarinnar klukkan hálftíu á laugardagskvöldið

Höfundur: Hörður Kristjánsson

Landsmót hestamanna var formlega sett á Gaddstaðaflötum við Hellu í gærkvöldi. Sigurður Ævarsson mótsstjóri segir mótssvæðið vel til þess fallið að taka við svo umfangsmiklu móti sem stendur nú í átta daga, eða degi lengur en verið hefur. „Það verður blíðuveður hér klukkan hálftíu á laugardagskvöldið. Þá verður veisla aldarinnar og mikið fjör með fjölda hesta og að lágmarki um tíu til tólf þúsund manns í brekkunum.“

Telur ekki þörf á að stytta mótið sem nú stendur í átta daga

Nokkur umræða hefur verið um hvort umfang Landsmótsins sé ekki að verða of mikið og kostnaðarsamt og vangaveltur um hvort ekki þurfi að breyta forminu og stytta mótstímann niður í fjóra daga eða svo. Ljóst er að mikill tími fer í hrossadóma sem sumir vilja meina að eigi að klárast á félagsmótum í héraði. Um þetta eru þó mjög skiptar skoðanir.

„Mér finnst ekki rétt að stytta þetta. Sjö dagar er bara fín veisla og reyndar átta dagar núna af því að það bættust við kynbótahross,“ segir Sigurður.

„Það hefur margoft komið til tals að stytta mótshaldið en það eru ekki mörg mót síðan við bættum við einum degi og nú erum við búin að bæta við enn einum degi frá því sem var síðast. Þetta er í stanslausri þróun og það er ekkert mót alveg eins og mótið á undan. Samt er ekkert heilagt í þessu í sjálfum sér og fullkomlega eðlilegt að ræða þessa hluti.

Á þessu eru þó tvær hliðar. Það væri hægt að fækka hrossum og stytta þetta, en á móti kemur að það er gríðarleg veisla að vera hér með upp undir þúsund hross. Hér er öll flóran í hestamennsku og mjög þroskandi fyrir þá sem eru að byrja nýir í greininni. Þeir eru að keppa við þessa stóru og reyndari, sem er mjög gaman. Þá er þetta bara haldið á tveggja ára fresti og fyrstu dagar mótsins eru úrvinnsludagar. Frá fimmtudeginum er þetta bara hörð keppni bestu hesta í heimi. Fólk getur svo bara skammtað sér þann tíma sem það vill vera hérna.

Hér er mikið af úrvalshrossum sem koma með toppeinkunnir inn á mótið. Það eru hestar heimsmet í kynbótahrossum og A-flokkurinn er með mikinn fjölda úrvalshesta. Úrvalið er því gríðarlegt.“

Fyrst og fremst nýliðunarhvetjandi

– Skiptir þetta mót þá ekki talsverðu máli upp á sölu á hrossum?
„Auðvitað skiptir það máli, en það stendur þó hvorki né fellur með því hvort einhver selji hesta á hærra eða lægra verði. Þetta er fyrst og fremst hestamannasamkoma. Engin einn viðburður er eins sterkur í að hvetja nýliða til þátttöku og þetta mót. Þó ekki séu allir í hæsta flokki í einkunnum, þá fá menn þarna viðmið og þetta er mjög nýliðunarhvetjandi. Ekki má heldur gleyma því að þetta mót er mikil innspýting fyrir sveitarfélagið og samfélagið allt, en hér er sett upp tíu til tólf þúsund manna þorp sem starfrækt er í rúma viku.“

Sigurður segir að mótsvæðið á Hellu sé mjög gott á margan hátt þó öll mótsvæði á landinu hafi hvert sinn sjarma. „Hér er hægt að fylgjast með öllu með stuttum fyrrvara þar sem mjög stutt er á milli valla.“
Sigurður segir að Landsmótið sé klárlega alþjóðlegur viðburður og af þeim ástæðum sé ekkert að því að það standi í sjö eða átta daga. Þá sé líka allt tekið upp og sent út á netið í beinni útsendingu af tveim völlum framan af mótinu og af einum velli í restina. Óvenju mikið sé nú um að útlendingar séu að streyma sjónvarpsefni af mótinu sem hljóti að vera til góðs.

Nauðsynlegt að allir standi saman

Í gegnum tíðina hafa iðulega komið fréttir af ágreiningi um hvar eigi að halda næstu mót. Þar hafa jafnvel komið upp hugmyndir um að binda mótshaldið við tvo til þrjá staði og aðrar um að halda fleiri stöðum inni í myndinni. Sigurður segir það mjög jákvætt að slegist sé um að fá að halda mótið og það sýni best stöðu þessa viðburðar. Sárindi sem verði oft til upp úr slíkum slag séu þó ekki góð. Segir hann því nauðsynlegt að allir beri gæfu til að standa saman eftir að ákvörðun er tekin um næsta mótsstað.

5 myndir:

Ísteka riftir samningum við bændur
Fréttir 8. desember 2021

Ísteka riftir samningum við bændur

Líftæknifyrirtækið Ísteka hefur rift samningum við þá bændur sem sjást beita hry...

New Holland T6 Metan, sjálfbærasta dráttarvélin 2022
Fréttir 8. desember 2021

New Holland T6 Metan, sjálfbærasta dráttarvélin 2022

New Holland dráttar­véla­framleiðandinn heldur áfram að sópa að sér verðlaunum o...

Konur borða meira af laufabrauði en karlar
Fréttir 8. desember 2021

Konur borða meira af laufabrauði en karlar

Um 90% þjóðarinnar borða laufabrauð um jólin samkvæmt könnun sem Gallup gerði fy...

Skortur á yfirsýn í úrgangs- og loftslagsmálum
Fréttir 8. desember 2021

Skortur á yfirsýn í úrgangs- og loftslagsmálum

Niðurstöður könnunar benda til skorts á yfirsýn í úrgangs- og loftslagsmálum. Sa...

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...