Vinsamlegast athugið að þetta efni er eldra en 5 ára.
Litskrúðug hænsni á sýningu hjá ERL
Skoðun 25. október 2016

Litskrúðug hænsni á sýningu hjá ERL

Höfundur: Ólafur R. Dýrmundsson
Alltaf vekur athygli þegar Eigenda- og ræktendafélag landnámshænsna heldur sýningar, nú síðast í Kópavogi, nánar tiltekið á Dalvegi 30 þar sem Gróðrarstöðin Storð er til húsa.
 
Sýningin, sem var haldin sunnudaginn 25. september sl., var að þessu sinni sett upp utandyra í góðu veðri. Við blasti mikil fjölbreytni í litum og öðrum eiginleikum landnámshænsna í samræmi við nýendurskoðaðar sýningarreglur félagsins. Þær falla vel að ræktunarreglum ERL en nú hafa 28 ræktendur hlotið vottun þess, þar af tveir í Bandaríkjunum. Öll voru sýningarhænsnin falleg og vel hirt, mest hænur á ýmsum aldri en einnig tveir roggnir hanar og nokkrir litlir ungar með móður sinni.
 
Auk þekktra ræktenda kom töluvert af áhugafólki af höfuðborgarsvæðinu á sýninguna en áhugi á minni háttar hænsnahaldi hefur farið vaxandi á seinni árum og nokkrir hafa fengið leyfi til þess hjá sveitarfélögunum. Þó er ekki heimilt að halda hana í þéttbýli af tillitssemi við nágrannana.
 
Oftar en ekki verða landnámshænsni fyrir valinu og þar með er verið að stuðla að verndun þessa merka stofns sem á liðnu ári hlaut viðurkenningu Slow Food samtakanna. Þau stuðla m.a. að aukinni fjölbreytni í framleiðslu, vinnslu og dreifingu afurða lítilla búfjárstofna sem margir hverjir eru í útrýmingarhættu. Varðveisla erfðaauðlinda er því ofarlega á dagskránni og markvisst er unnið gegn verksmiðjuvæðingu landbúnaðar. Slow Food starfar um heim, en hafa aðsetur á Ítalíu þar sem samtökin voru stofnuð 1989.
Á sýningunni voru kynnt veggspjald af íslensku landnámshænunni, sem er fáanlegt í tveim stærðum hjá Bændasamtökum Íslands í Bændahöllinni, og  nýlega útgefið 2016-hefti af  Landnámshænunni, félagsriti ERL. Ritstjóri  og ábyrgðarmaður þess var Magnús Ingimarsson búvísindamaður, ritari félagsins, en Jóhanna Harðardóttir, fyrrv. formaður ERL, veitti honum aðstoð við útgáfuna. Með Magnúsi sitja í aðalstjórn ERL bændurnir Hugi Ármannsson (form.) og Valgerður Auðunsdóttir (gjaldk.).
 
Vel hefur tekist til við útgáfuna, frábært lesefni með upplýsingum og fróðleik af ýmsu tagi og myndskreytingar eru með miklum ágætum. Þar með eru teikningar og myndir af litlum hænsnakofum, skrá yfir vottaða ræktendur sem flestir hafa unga til sölu, auk fróðlegra greina, lærðra sem leikra, um ýmis efni er tengjast hænsnahaldinu hér á landi og erlendis, að ógleymdum ræktunarreglum og sýningareglum ERL.  Allt er þetta til fyrirmyndar og eru lesendur Bændablaðsins hvattir til að kynna sér blaðið og hið merka verndunarstarf sem ERL sinnir af alúð og framsýni.
 
Höf. , dr. Ólafur R. Dýrmundsson,
er sjálfstætt starfandi búvísindamaður, stofnfélagi í ERL og félagi í Slow Food samtökunum.
Ísteka riftir samningum við bændur
Fréttir 8. desember 2021

Ísteka riftir samningum við bændur

Líftæknifyrirtækið Ísteka hefur rift samningum við þá bændur sem sjást beita hry...

New Holland T6 Metan, sjálfbærasta dráttarvélin 2022
Fréttir 8. desember 2021

New Holland T6 Metan, sjálfbærasta dráttarvélin 2022

New Holland dráttar­véla­framleiðandinn heldur áfram að sópa að sér verðlaunum o...

Konur borða meira af laufabrauði en karlar
Fréttir 8. desember 2021

Konur borða meira af laufabrauði en karlar

Um 90% þjóðarinnar borða laufabrauð um jólin samkvæmt könnun sem Gallup gerði fy...

Skortur á yfirsýn í úrgangs- og loftslagsmálum
Fréttir 8. desember 2021

Skortur á yfirsýn í úrgangs- og loftslagsmálum

Niðurstöður könnunar benda til skorts á yfirsýn í úrgangs- og loftslagsmálum. Sa...

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...