Vinsamlegast athugið að þetta efni er eldra en 4 ára.
Litagleði
Hannyrðahornið 8. apríl 2019

Litagleði

Höfundur: Handverkskúnst
Prjónuð peysa með laskaúrtöku, skemmtileg hreyfing kemur út með því að prjóna með 1 þræði af Drops Fabel og 1 þræði af Drops Delight.  
 
Veldu þína litasamsetningu en garn í peysuna er á 30% afslætti í mars og kostar því garn í þessa peysu frá 2.583 til 4.305 kr hjá Handverkskúnst – www.garn.is.
 
Stærðir:  
3/4 (5/6) 7/8 (9/10) ára
 
Yfirvídd: 64 (68) 72 (76) cm
Garn: Drops Fabel:
Litur nr 522p túrkis/blár: 150 (200) 200 (250) g og Drops Delight:
Litur nr 04, ljósblár: 150 (200) 200 (250) g 
 
Prjónar: Sokkar- og hringprjónn 60 cm nr 3,5 og 4,5 – eða sú stærð sem þarf til að 18L geri 10 cm með einum þræði af hvoru garni á prjóna nr 4,5.
 
Úrtaka:
Takið úr á réttu þannig: prjónið þar til það eru 5L að prjónamerki, prjónið 2 slétt saman, 2 br, 2 sl (prjónamerki er á milli þessar tveggja lykkja), 2 br, takið 1 lykkju óprjónaða eins og prjóna eigi hana slétt, 1 sl, lyftið óprjónuðu lykkjunni yfir.
 
Bak- og framstykki
Fitjið upp með einum þræði af hvorri tegund 128 (136) 144 (152) lykkjur á hringprjón nr 3,5. Tengið í hring, setjið prjónamerki og prjónið stroff, 2 sl, 2 br alls 5 cm. Skiftið yfir á prjón nr 4,5. Næsta umferð er prjónuð þannig: Prjónið 50 (54) 58 (62) lykkjur slétt en fækkið lykkjum um 6 (6) 8 (8) lykkjur jafnt yfir um leið (= 44 (48) 50 (54) L slétt), prjónið næstu 14L stroff eins og áður, síðan 50 (54) 58 (62) lykkjur slétt en fækkið lykkjum um 6 (6) 8 (8) lykkjur jafnt yfir um leið (= 44 (48) 50 (54) L slétt), að lokum 14L stroff eins og áður. Það eru nú 116 (124) 128 (136) lykkjur á prjóninum. Haldið áfram að prjóna slétt prjón og stroff þar til stykkið mælist 10 (11) 12 (13) cm. Aukið nú út um 1L sitt hvoru megin við strofflykkjurnar 14 í hvorri hlið = aukið út um 4L, þessar nýju lykkjur eru prjónaðar slétt, endurtakið útaukninguna þegar stykkið mælist 18 (20) 22 (24) cm. Prjónið áfram þar til stykkið mælist 26 (29) 32 (35) cm, fellið nú af 8L í miðju á strofflykkjunum í hvorri hlið fyrir handvegi (þ.e. 1 sl, 2 br, 2 sl, 2 br, 1 sl) = 108 (116) 120 (128) lykkjur á prjóninum. Geymið stykkið og prjónið ermar. 
 
Ermar:
Fitjið upp 32 (36) 36 (40) lykkjur á sokkaprjóna nr 3,5 með 1 þræði af hvorri tegund. Tengið í hring og prjónið stroff, 2 sl, 2 br, alls 5 cm. Skiftið yfir á sokkaprjóna nr 4,5 og prjónið þannig: 18 (22) 22 (26) lykkjur slétt, og stroff eins og áður yfir næstu 14 lykkjur. Þegar ermin mælist 10 cm, er aukið út um 1L sitt hvoru megin við strofflykkjurnar, þessar nýju lykkjur eru prjónaðar slétt. Endurtakið útaukninguna með 3 (3½) 3 (3½) cm millibili alls 7 (7) 9 (9) sinnum = 46 (50) 54 (58) lykkjur. Þegar ermin mælist 30 (34) 37 (41) cm er felldar af 8L mitt undir ermi, í miðju á strofflykkjunum (þ.e.1 sl, 2 br, 2 sl, 2 br, 1 sl) = 38 (42) 46 (50) lykkjur á prjóninum. Leggið ermina til hliðar og prjónið aðra eins. 
 
Berustykki: Setjið ermarnar inn á sama hringprjón og fram- og bakstykki þar sem fellt var af fyrir handvegi = 184 (200) 212 (228) lykkjur. Setjið prjónamerki við öll samskeyti erma og bols = 4 merki. Haldið áfram að prjóna 2 br, 2 sl, 2 br á milli erma og bak- og framstykkis en slétt þar á milli. Prjónið 3 (1) 1 (1) umf og hefjið þá úrtöku fyrir laskalínu – sjá úrtaka. Endurtakið úrtöku í annarri hverri umferð alls 13 (15) 16 (18) sinnum. 
 
Jafnframt þegar stykkið mælist 36 (39) 42 (45) cm mælt frá miðju að framan, eru miðlykkjurnar 14 (14) 14 (14) settár á þráð/nælu. Prjónið áfram fram og til baka – samtímis er fellt af í byrjun hverrar umferðar: 1L tvisvar sinnum. Þegar öllum úrtökum er lokið eru 62 (62) 66 (66) lykkjur á prjóninum. Skiptið yfir á prjóna nr 3,5 og takið upp um 20-22 lykkjur meðfram hálsmáli að framan (lykkjur á nælu meðtaldar) = 82 til 92 lykkjur. Prjónið 1 umf slétt yfir sléttar lykkjur og stroff yfir strofflykkjur – og jafnið lykkjufjölda þannig að það verði 6L slétt á hvorri ermi, 26 (26) 30 (30) lykkjur á framstykki og 18 (18) 22 (22) lykkjur á bakstykki sem og 6 lykkjur í laskaúrtöku eins og áður. Það eru nú 80 (80) 88 (88) lykkjur á prjóninum. Prjónið stroff 2 sl, 2 br yfir allar lykkjur – lykkjur á laska eru áfram 2 br, 2 sl, 2 br, teljið út frá þeim hvernig prjóna á yfir sléttu lykkjurnar svo þær falli inn í stroffið. Prjónið um 5 (6) 7 (8) cm, fellið af í sléttum og brugðnum lykkjum. 
 
Saumið saman undir ermum, gangið frá endum. Þvoið flíkina og leggið til þerris.
 
Prjónakveðja,
mæðgurnar í Handverkskúnst
 
Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...