Lífland lækkar kjarnfóðurverð um þrjú prósent
Lífland hf hefur sent frá sér tilkynningu þar sem fram kemur að frá og með 1. október verði verðlækkun á kjarnfóðri fyrir nautgripi um þrjú prósent.
Einnig lækkar verð á hráefni, en mismikið eftir tegundum. Þessi verðlækkun er vegna lækkandi heimsmarkaðsverðs á hráefnum.
Í tilkynningunni kemur fram að það sé stefna Líflands að viðskiptavinir fyrirtækisins njóti jákvæðrar verðþróunar hráefna á heimsmarkaði.