Vinsamlegast athugið að þetta efni er eldra en 9 ára.
LH bannar tungubogamél en FEIF ekki
Fréttir 5. júní 2014

LH bannar tungubogamél en FEIF ekki

Höfundur: Freyr Rögnvaldsson

Landssamband hestamannafélaga (LH) hefur bannað notkun á tungubogamélum með vogarafli í íþrótta- og gæðingakeppnum á vegum sambandsins. Ástæðan er að notkun mélanna er talin afgerandi áhættuþáttur fyrir áverka á kjálkabeini hrossa og jafnvel stangast á við lög um dýravelferð. FEIF, Alþjóðasamtök eigenda íslenska hestins, styðja hins vegar ekki bannið.

Ákvörðun LH er í samræmi við áskorun yfirdýralæknis um bann við notkun mélanna og er byggð á rannsóknum Sigríðar Björnsdóttur, dýralæknis hrossasjúkdóma, og Þorvaldar Kristjánssonar, kennara við Landbúnaðarháskóla Íslands. Rannsóknir þeirra hafa sýnt að notkun slíkra méla eru afgerandi áhættuþáttur fyrir áverka á kjálkabeini hjá keppnishestum.

75-faldar líkur

Í rannsókninni var farið yfir heilbrigðisskoðun keppnishesta á Landsmóti hestamanna og Íslandsmóti í hestaíþróttum árið 2012. Samkvæmt niðurstöðunum er gríðarleg fylgni milli notkunar stangaméla með tunguboga og áverka á kjálkabeini hrossa, eða um 75-falt meiri líkur en við notkun annara méla. Í erindi sem Sigríður hélt á Landsýn, vísindaþingi landbúnaðarins, í mars síðastliðnum fór hún yfir rannsóknina. Meðal þess sem kom þar fram var að í sumum tilfellum væru meiðslin svo alvarleg að hross sem þau hlytu myndu aldrei jafna sig og ná fullum bata. Gögn úr nýlegri sænskri rannsókn staðfesta sams konar áverka við notkun tunguboga.

Stjórn Landssambandsins leitaði aðstoðar lögfræðings sem komst að þeirri niðurstöðu að heimilt væri að banna mélin í keppnum á vegum LH og FEIF, Alþjóðasamtökum eigenda íslenska hestsins. Mél teljast vera með tunguboga þegar hæðarmunur frá neðri kanti endastykkis mélanna upp í neðri kant á efsta hluta er meiri en hálfur sentimetri. Öll mél með stöngum og/eða keðju teljast mél með vogarafli.

Bannið hefur þegar tekið gildi og mun stjórn LH leggja niðurstöðu sína ásamt nýjum upplýsingum sem fram kunna að koma fyrir landsþing sem haldið verður í október.

Tamningamenn og hrossabændur skora á FEIF

Bæði Félag tamningamanna og Félag hrossabænda sendu í kjölfarið á ákvörðun LH áskorun til FEIF um að banna þegar notkun á einbrotnum mélum með tunguboga, vogarafli og keðju og einjárnungum með tunguboga, vogarafli og keðju. FEIF hefur hins vegar sent frá sér yfirlýsingu þar sem kemur fram að samtökin styðji ekki bannið.

Í yfirlýsingu FEIF kemur fram að þrátt fyrir áhyggjur manna varðandi ákveðnar gerðir méla hafi FEIF „ekki borist ábendingar það sem af er þessu ári um vandamál vegna þeirra“. Samtökin hyggjast nota yfirstandandi keppnistímabil til að fylgjast betur með notkun mélanna og hugsanlegt tjón sem þau geta valdið. Þá er lögð áhersla á nýjar reglur sem tóku gildi 1. apríl um hert eftirlit og áherslubreytingar til að bæta reiðmennsku og samband manns og hests. Dómarar eru hins vegar minntir á mikilvægi þess að vísa öllum hrossum úr keppni, séu þau sár, óháð þeim búnaði sem notaður er.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...