Vinsamlegast athugið að þetta efni er eldra en 5 ára.
Erna Skúladóttir myndlistarmaður í Birtingarholti og Bjarki Þór Sólmundsson hjá Góðgresi standa fyrir ostagerðarnámskeiðinu.
Erna Skúladóttir myndlistarmaður í Birtingarholti og Bjarki Þór Sólmundsson hjá Góðgresi standa fyrir ostagerðarnámskeiðinu.
Fréttir 10. ágúst 2017

Leyndardómar náttúrulegrar ostagerðar

Höfundur: Guðrún Hulda Pálsdóttir
Í október mun kanadískur ostagerðarmaður og bóndi, David Asher, veita innsýn inn í leyndardóm ostagerðar á fimm daga löngu námskeiði sem haldið verður í Bragganum í Birtingarholti. Það er parið Erna Skúladóttir og Bjarki Þór Sólmundsson hjá Góðgresi sem standa fyrir námskeiðinu.
 
Á námskeiðinu munu þátttakendur láta reyna á gerð ýmissa tegunda osta og mjólkurvara. Farið verður í tengsl á milli osta og mismunandi vinnsluaðferðum. Erna segir námskeiðið nýtast öllum þeim sem hafa áhuga á ostum og ostaframleiðslu. 
 
„Mér finnst best að vera sem tengdastur því sem maður lætur ofan í sig. Auk þess að hafa stjórn á því hvað maður er að nota í ostana sína þá er ostagerð er mikið handverk,“ segir Erna.
 
Sjálf hefur hún verið að prófa sig áfram í ostagerð en hafði áhuga á að læra meira. Hún átti bók eftir David.
 
 
„David vinnur ostagerð á gamlan náttúrulegan hátt. Vinnslan er svolítið eins og súrdeig er í brauðgerð. Þannig eru náttúrulegu gerlarnir í mjólkinni notaðir til að búa til ostanna en engir tilbúnir gerlar. Ég hafði samband við David því mig langaði að fara á námskeið hjá honum. Við fóru aðeins að spjalla og það endaði með að við buðum honum hingað að halda námskeið.“
 
Rekur lífrænt bú í Kanada
 
David Asher rekur lífrænt bú og osta­gerð í Bresku Kólumbíu í ­Kanada og er höfundur bókarinnar The Art of Natural Cheesemaking. Hann rekur ferðaskólann The Black Sheep School of Cheesemaking og ber út boðskap náttúrlegrar ostagerðar víða um heim.
 
„Á námskeiðinu fer hann yfir alla helstu þætti ostagerðar á fimm dögum. Hann byrjar á að sýna hvernig maður býr til jógúrt og skyr og grunnosta á borð við rjómaost. Svo færir hann sig yfir í mozarella og mjúkosta. Þaðan í hvítmyglu og blámygluosta og harða osta. Síðasta daginn fer hann líka í gerð ricotta og notkun á afgangsafurðum í ostagerð,“ segir Erna.
 
Jóga og hugleiðsla í upphafi hvers námskeiðsdags
 
Námskeiðið er haldið í Braggan­um, en þar var rekið kaffihús og leirvinnustofa. Þátttakendum býðst að gista á gistiheimilinu á Syðra-Langholti. Allt uppihald er innifalið í námskeiðinu ásamt jóga- og hug­leiðslutímum í upphaf hvers dags. Námskeiðið er ætlað um 20 ­þátttakendum og nánari upplýs­ing­ar má finna á vefsíðu Braggans, bragginnstudio.is.
Nýir pistlahöfundar
Fréttir 29. maí 2023

Nýir pistlahöfundar

Lesendur Bændablaðsins munu rekast á nýja pistlahöfunda í 10 tölublaði Bændablað...

Arfgreining nautgripa gengur vel
Fréttir 29. maí 2023

Arfgreining nautgripa gengur vel

Búið er að lesa næstum 20 þúsund niðurstöður arfgreininga í gagnagrunn nautgripa...

Áskoranir og tækifæri
Fréttir 26. maí 2023

Áskoranir og tækifæri

Framtíð íslensks landbúnaðar – tækifæri og áskoranir var yfirskrift ársfundar La...

Geta endurnýtt eyrnamerki til ársins 2024
Fréttir 26. maí 2023

Geta endurnýtt eyrnamerki til ársins 2024

Matvælastofnun hefur áréttað að ekki sé heimilt að endurnýta eyrnamerki í eyru á...

LL42 ehf. fær stærstan hluta kinda- og geitakjöts
Fréttir 25. maí 2023

LL42 ehf. fær stærstan hluta kinda- og geitakjöts

LL42 ehf., sem er að fullu í eigu Stjörnugríss hf., fær langstærstan hluta af WT...

Tollkvótum útdeilt
Fréttir 25. maí 2023

Tollkvótum útdeilt

Tilkynnt var um samþykkt tilboð á tollkvótum fyrir innflutning af hinum ýmsu lan...

Vantar hvata til að halda áfram
Fréttir 25. maí 2023

Vantar hvata til að halda áfram

Bændur á bæjunum Bergsstöðum og Syðri-Urriðaá í Miðfirði standa nú í samningavið...

Nauðbeygður til að verjast
Fréttir 25. maí 2023

Nauðbeygður til að verjast

Bændur gætu verið í vanda telji þeir vindmyllur sem reisa á mögulega í nágrenni ...