Vinsamlegast athugið að þetta efni er eldra en 6 ára.
Þessir tveir voru búnir að koma sér vel fyrir á 30 cm þykkum ísnum á Hafravatni á fyrstu helgi nýja ársins.
Þessir tveir voru búnir að koma sér vel fyrir á 30 cm þykkum ísnum á Hafravatni á fyrstu helgi nýja ársins.
Fréttir 19. janúar 2018

Leikur á svelli er skemmtilegur en að sama skapi hættulegur

Höfundur: Hjörtur Leonard Jónsson
Þegar James Bond-myndin var tekin upp á ísilögðu Jökulsárlóni var ísinn ekki mjög þykkur, en nógu þykkur til að hægt var að mynda og yfir 40 manns fengu vinnu við að gera skemmtilega hluti.  
 
Í frásögn Sigurjóns Rist af vatnamælingaferð að vetri, sem gekk brösótt var tæpt teflt og mistök urðu líka. Var notuð þessi regla að þykkt íssins í sentímetrum í þriðja veldi gaf burðarþol hans í kílógrömmum, t.d. er burðarþol á 10 sentímetra þykkum ís 1000 kg samkvæmt þessari reglu. Þetta á við sléttan og sprungulausan ís en sé hann sprunginn helmingast burðarþolið. 
 
Ef passað er upp á að kanna þykktina á ísnum þá á að vera auðvelt að meta samkvæmt teikningunni hversu mikinn þunga hann þolir. 
 
Of oft sér maður fréttir af óhöppum út af veikum ís
 
Aldrei hef ég verið mikill hestamaður, en mér hefur verið sagt af hestamanni að að ríða út á ísilögðu vatni sé með því skemmtilegasta í hestasportinu. Enda finnst mér alltaf flottustu myndir sem ég hef séð af hestum myndir sem teknar eru af reiðmönnum á ís.
 
Það eina sem maður þarf að passa vel upp á er að ísinn þoli þann þunga sem á honum er. Oft hefur verið vitnað í óhapp þegar nokkrir hestar fóru niður um ís á Reykjavíkurtjörn þegar ísinn brast undan þunga hestanna. Í því tilfelli var ísinn ekki nema um 10 cm þykkur og þegar svo margir hestar voru saman hlið við hlið fór sem fór. Hefði verið nægilegt burðarþol fyrir 2–3 hesta hlið við hlið. Í þessu tilfelli varð engum meint af, en of oft hefur veikur ís verið orsök harmleiks. Til að vera viss um að ísinn þoli þungann sem á hann er lagður er gott að bora í hann á nokkrum stöðum og á meðfylgjandi mynd er ágætis viðmiðunartafla um styrk í mismunandi þykkum ís. 
 
Á að vera sjálfsagður hlutur að vara við hættum
 
Á mörgum vötnum eru þekktir staðir þar sem ísinn er þynnri en annars staðar eða jafnvel vakir. Viti menn af svoleiðis á að vera sjálfsagður hlutur að vara við veikum ís til þeirra sem hyggjast fara út á ísinn.
 
Förum varlega á ísnum og látum ekki óvarfærni skemma þá miklu skemmtun sem ísilögð vötn geta veitt manni. Góða veiði og skemmtun.
Stækka ræktarland og fjölga vörutegundum
Fréttir 20. júní 2024

Stækka ræktarland og fjölga vörutegundum

Hvítlauksbændurnir í Neðri-Brekku í Dölum fengu nýlega tvo styrki úr Matvælasjóð...

Verðlaunuðu góðan árangur
Fréttir 20. júní 2024

Verðlaunuðu góðan árangur

Tabea Elisabeth Schneider hlaut verðlaun fyrir besta árangur á B.S. prófi þegar ...

Fuglum fækkar vegna óveðurs
Fréttir 20. júní 2024

Fuglum fækkar vegna óveðurs

Samkvæmt fuglatalningu varð algjört hrun í fjölda fugla á Norðausturlandi þegar ...

Óhrædd að takast á við áskoranir
Fréttir 19. júní 2024

Óhrædd að takast á við áskoranir

Tilkynnt var um ráðningu Margrétar Ágústu Sigurðardóttur í starf framkvæmdastjór...

Halla færir út kvíarnar
Fréttir 19. júní 2024

Halla færir út kvíarnar

Halla Sif Svansdóttir Hölludóttir, garðyrkjuframleiðandi og eigandi garðyrkjustö...

Sala Búvís stöðvuð
Fréttir 19. júní 2024

Sala Búvís stöðvuð

Samkeppniseftirlitið hefur komið í veg fyrir að Skeljungur kaupi Búvís ehf. þar ...

Heitt vatn óskast
Fréttir 19. júní 2024

Heitt vatn óskast

Bláskógaveita, sem er í eigu sveitarfélagsins Bláskógabyggð, hefur óskað eftir t...

Minni innflutningur og meiri framleiðsla
Fréttir 19. júní 2024

Minni innflutningur og meiri framleiðsla

Um 300 tonn af nautakjöti voru flutt inn á fyrstu fjórum mánuðum ársins 2024.