Vinsamlegast athugið að þetta efni er eldra en 2 ára.
Lambahryggur og kjötbollur með sumargrænmeti
Mynd / BGK
Matarkrókurinn 16. ágúst 2019

Lambahryggur og kjötbollur með sumargrænmeti

Höfundur: Bjarni Gunnar Kristinsson
Ég er alltaf til í að elda með fersku hráefni. Nú er hægt að fara á bændamarkaði nokkrum klukku­stundum fyrir kvöld­matinn og finna grænmeti sem er nýbúið að uppskera. 
 
Hægt er að undirbúa kvöldverð og bjóða öllum sem eru til í grillmat að koma og taka þátt í undirbúningnum; grænmetisskurði og eldamennsku.
 
Lambahryggur
 
Lamahryggur virðist eftir allt saman ekki vera af skornum skammti í verslunum og nú styttist líka í sláturtíð. 
 
Því er aldrei slæm hugmynd  að elda hrygg, hvort sem það er hálfur hryggur með lund sem hentar vel á grillið eða stóran hrygg fyrir fjölskylduna. Þá ætti að hafa hann í álpappír hluta eldunartímans svo fitan brenni ekki – og brúna svo kjötið fallega fyrir framreiðslu.
  • Einn lambahryggur
  • 10 g olía
  • 1 hvítlauksrif
  • 1 rósmaríngrein
  • Salt og pipar
  • 40 ml olía

Hryggurinn
 
Saltið og piprið. Hann er svo  steiktur í ofni, á pönnu eða grillaður og brúnaður á öllum hliðum. 
 
Setjið hrygginn í ofnskúffu með olíu, rósmarín og mörðum hvítlauk. Setjið inn í ofn við 160 gráður og eldið eftir smekk. Notið kjarnhitamæli. Flestir vilja hrygginn stökkan með kjarnhita nálægt 65 gráðum – svona að „ömmu stíl“.
 
Grænmetismeðlæti
  • 1 rauðlaukur
  • 1 kúrbítur
  • ½ stilkur sellerí
  • 1 paprika
  • 3 tómatar (vel þroskaðir)
  • 1 msk. tómatmauk
 
Allt skorið í jafnstóra teninga. Steikt á pönnu hvert í sínu lagi í tvær mínútur. Öllu blandað saman og kryddað til.
 
Sýrð rjóma-dressing
  • 1 búnt kóríander, saxað
  • 250 ml sýrður rjómi
  • 30 ml vatn
  • 1 lime (börkur og safi)
  • 1 msk. hunang
  • 1/5 búnt saxað kóríander
Öllu blandað saman og smakkað til með salti, pipar og hunangi.
 
Borið fram með fersku salati.
 
Ferskt sumarsalat
  • 2 pokar salat (til dæmis klettasalat)
  • 1 agúrka
  • 3 stilkar sellerí
  • 2 msk. balsamedik
  • 3 msk. ólífuolía
  • salt og ferskur malaður svartur pipar
Setjið salatið í skál eða á disk. Blandið saman ólífuolíu og balsamic-ediki.
Kryddið með salti og pipar.
 
Skerið kjötið í sneiðar. Leggið þær ofan á salatið og setjið agúrkur og sellerí með balsamic-dressingu þar yfir.
 
Gott er að nota grænmetisflysjara til að skera grænmetið í strimla.
 
Það er hægt að bæta við stökku beikoni eða brauðteningum til að fá stökka áferð í salatið.
 
 
Kjötbollur með sumargrænmeti og nýjum kartöflum
  • 500 g nautahakk
  • 4 laukar
  • 1 egg
  • 250 ml rjómi
  • 100 ml rauðvín
  • 30 g hveiti
  • 50 ml mjólk
  • 400 ml kjúklingasoð (eða vatn 
  • og kjúklingakraftur)
  • olía
  • salt og pipar
Bollurnar eru gerðar þannig að tveir laukar eru saxaðir fínt og settir saman við hakk, egg, mjólk, hveiti, salt og pipar. Gott er að setja ostbita inn í hverja bollu. 
 
Steikt á pönnu og skotið inn í ofn í tvær mínútur við 160 gráður.
 
Við sósugerðina eru hinir tveir laukarnir afhýddir og skornir fínt niður, olía hituð í potti og laukur svitaður.
 
Þá er rauðvín sett saman við og soðið niður þangað til það verður karamellukennt. Soðinu er bætt saman við og soðið niður um helming.
 
Loks er rjóma bætt saman við og soðið niður um helming, smakkað til með salti og nýmöluðum pipar.
 
Það er gott að nota líka smá hvítlauk með lauknum, bæði í bollur og sósu.
 
Sjóðið nýjar kartöflur og framreiðið með sumargrænmetinu.
 
Sumarlegt heitt salat með grænmeti og villtum kerfli
 
  • Sumargrænmeti að vali hvers og eins (til dæmis brokkólí, rófur og hnúðkál).
  • Smátt saxað grænmeti að vali hvers og eins (gulrætur, vorlaukur, aspas)
  • íslensk repjuolía
  • salt
  • sítrónusafi
Íslenskt grænmeti  er hollt og gott og ekki skemmir að það er oftast ræktað án allra aukaefna.
 
Aðferð
 
Sjóðið stærra grænmetið örstutt, ætti að vera með smá biti í. 
 
Hellið öllu auka vatni af og setjið smátt saxað grænmetið saman við. Fáið góðan hita í grænmetið og kryddið með salti og sítrónusafa. 
 
Hitið heila grænmetið í öðrum potti, kryddið með salti og gljáið með repjuolíunni. Raðið öllu á disk og skreytið með villtum íslenskum garðakerfli.
 
Ísteka riftir samningum við bændur
Fréttir 8. desember 2021

Ísteka riftir samningum við bændur

Líftæknifyrirtækið Ísteka hefur rift samningum við þá bændur sem sjást beita hry...

New Holland T6 Metan, sjálfbærasta dráttarvélin 2022
Fréttir 8. desember 2021

New Holland T6 Metan, sjálfbærasta dráttarvélin 2022

New Holland dráttar­véla­framleiðandinn heldur áfram að sópa að sér verðlaunum o...

Konur borða meira af laufabrauði en karlar
Fréttir 8. desember 2021

Konur borða meira af laufabrauði en karlar

Um 90% þjóðarinnar borða laufabrauð um jólin samkvæmt könnun sem Gallup gerði fy...

Skortur á yfirsýn í úrgangs- og loftslagsmálum
Fréttir 8. desember 2021

Skortur á yfirsýn í úrgangs- og loftslagsmálum

Niðurstöður könnunar benda til skorts á yfirsýn í úrgangs- og loftslagsmálum. Sa...

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...