Vinsamlegast athugið að þetta efni er eldra en 5 ára.
Kröflulína 4, horft yfir Leirhnjúkshraun til austurs. Slóðir að möstrum teiknaðar frá núverandi slóð gegnum hraunið.
Kröflulína 4, horft yfir Leirhnjúkshraun til austurs. Slóðir að möstrum teiknaðar frá núverandi slóð gegnum hraunið.
Mynd / Landsnet
Fréttir 11. október 2016

Kröflulínu hafnað

Höfundur: smh

Með úrskurði sem birtur var í gær hefur úrskurðarnefnd um umhverfis- og auðlindamál (ÚUA) fellt úr gildi framkvæmdaleyfi sem Skútustaðahreppur veitti Landsneti fyrir lagningu Kröflulínu 4.

Fyrirhuguð Kröflulína 4 átti, ásamt Þeystareykjalínu 1, að sjá fyrirhugaðri kísilmálmverksmiðju á Bakka við Húsavík fyrir rafmagni frá Kröfluvirkjun.

Lagasetning, sem átti að heimila lagningu línanna þrátt fyrir stöðvun ÚUA í ágúst síðastliðnum, er nú í ákveðinni óvissu. Jón Gunnarsson, formaður atvinnuveganefndar Alþingis, sagði í viðtali við Ríkisútvarpið að hann teldi samt sem áður að menn myndu ná saman um frumvarpið í þinginu. „Þeir flokkar sem nú séu í minnihluta hafi haft frumkvæði að því að setja þetta mál í gang á sínum tíma. Frumvarpið nái til heildarmálsins en úrskurðurinn nái til ákvörðunar eins sveitarfélags og framkvæmd á skipulagslögum á þeim vettvangi,“ var haft eftir Jóni. 

Kröflulína 4 er 32,7 km löng og liggur frá Kröflu í Þeistareyki um Hólasand, þar sem framtíðaráform Landsnets gera ráð fyrir að reist verði tengivirki. Þeistareykjalína 1 er 28,2 km löng og liggur frá Þeistareykjum að Bakka við Húsavík.  Mynd / Landsnet

Taka átti tillit til nýrra náttúruverndarlaga

Í úrskurðinum kemur fram að sveitarstjórn Skútustaðahrepps hafi við undirbúning og málsmeðferð framkvæmdaleyfisins ekki í öllu gætt ákvæða skipulags- og náttúruverndarlaga, auk þess sem farið var á svig við stjórnsýslulög. Þá hafi sveitarfélagið ekki birt auglýsingu um framkvæmdaleyfið og almenningur því ekki verið upplýstur um ákvörðunina, svo hann gæti kynnt sér forsendur hans og fengið upplýsingar um kæruheimild og kærufresti.

Sveitarstjórn hafi átt að taka tillit til nýrra náttúruverndarlaga, þrátt fyrir að framkvæmdin hafi farið í umhverfismat á þeim tíma þegar eldri náttúruverndarlög voru í gildi. Þá hafi sveitarstjórn ekki tekið rökstudda afstöðu til álits Skipulagsstofnunar um framkvæmdina og það hafi verið næg ástæða, að mati nefndarinnar, til að fella framkvæmdaleyfið úr gildi.

Í Bændablaðinu þann 22. september síðastliðinn sagði Steinunn Þorsteinsdóttir, upplýsingafulltrúi Landsnets, að ef Landneti yrði gert að leggja línurnar aðra leið en áætlanir gerðu ráð fyrir þyrfti að byrja ferlið að nýju. Gera yrði ráð fyrir að verkið myndi tefjast um allt að tvö ár og kostnaður við lagningu í jörð, miðað við hámarkslengd, gæti orðið rúmlega einn milljarður króna. Kostnaður við loftlínu á sama kafla væri hins vegar áætlaður á milli 400 og 500 milljónir króna.

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...