Vinsamlegast athugið að þetta efni er eldra en 5 ára.
Guðný Rósa Þorvarðardóttir framkvæmdastjóri hjá N1 og Svavar Halldórsson framkvæmdastjóri Icelandic Lamb undirrituðu samninginn á Nestisstöð N1 í Borgarnesi.
Guðný Rósa Þorvarðardóttir framkvæmdastjóri hjá N1 og Svavar Halldórsson framkvæmdastjóri Icelandic Lamb undirrituðu samninginn á Nestisstöð N1 í Borgarnesi.
Fréttir 26. janúar 2018

Kjötsúpa verði skyndibiti ferðamanna

Höfundur: Vilmundur Hansen

N1 og markaðsstofan Icelandic Lamb undirrituðu í dag samstarfssamning sem innsiglar víðtækt samstarf, vöruþróun og sameiginlegar markaðsaðgerðir til að auka sölu lambakjöts á Nestisstöðvum N1 um allt land. Undirbúningur hefur staðið frá því haustið 2017. Samningurinn var undirritaður í þjónustumiðstöð N1 við Brúartröð í Borgarnesi.

Það voru þau Guðný Rósa Þorvarðardóttir, framkvæmdastjóri hjá N1, og Svavar Halldórsson, framkvæmdastjóri Icelandic Lamb, sem undirrituðu samninginn á Nestisstöð N1 í Borgarnesi.

Fjölbreytt flóra skyndirétta úr lambakjöti
Í fréttatilkynning vegna samningsins segir að í upphafi sé sérstök áhersla á að kynna íslenska kjötsúpu sem hollan og aðgengilegan íslenskan skyndibita fyrir ferðamenn. Bæði verður hægt að borða hana á staðnum eða taka með. Á næstu vikum og mánuðum bætast við fleiri skyndiréttir úr lambakjöti, m.a. steikarsamloka, lambasnitsel, lamb bearnaise og lamba-hamborgari. Þetta er afrakstur vöruþróunar undanfarinna mánaða þar sem lambakjötið er í aðalhlutverki. Með skírskotun til íslenskra hefða verður einnig boðið upp á hægeldaða lambaskanka með kartöflumús, sósu, rauðkáli og grænum baunum á sunnudögum.

Lágmarks umhverfisfótspor og afstaða með bændum
Fjölgun erlendra ferðamanna síðustu ár hefur sett svip sinn á íslenskan skyndibitamarkað. Með samstarfinu er ætlunin að bjóða ferðamönnunum að kynnast íslenska lambakjötinu eins og við Íslendingar þekkjum það best.  Um leið á að festa kjötsúpuna í sessi sem ekta íslenskan skyndibita og ómissandi hluta af því að upplifa íslenska matargerð og hefðir. Með því að setja íslenskt lambakjöt í öndvegi sem skyndibita við þjóðveginn vill N1 lágmarka umhverfisfótspor, uppfylla óskir viðskiptavina um hágæða skyndibita, kynna íslenska matarmenningu og taka afstöðu með íslenskum bændum.

Um N1 og Nesti
N1 rekur vel staðsettar þjónustustöðvar og verslanir um land allt undir merkjum N1 og Nestis. Undanfarin misseri hefur aukin áhersla verið lögð á ferskan og hollan skyndibita úr úrvals hráefni. Íslenskt lambakjöt fellur einkar vel að kröfum N1 vegna sérstöðu sinnar, gæða og hreinleika. N1 og Icelandic Lamb munu sameiginlega vinna að því að markaðssetja íslenska lambið sem hreina náttúruafurð og tilvalin skyndibita fyrir fólk á ferðinni.

Um Icelandic Lamb 
Markaðsstofan Icelandic Lamb er í eigu Markaðsráðs kindakjöts sem er samstarfsvettvangur Landssamtaka sauðfjárbænda, Landssamtaka sláturleyfishafa og Bændasamtaka íslands. Markaðsstofan rekur öfluga verðlaunaherferð gagnvart erlendum ferðamönnum undir sérstöku merki og er í samvinnu við um 150 aðila í veitingarekstri, smásölu, framleiðslu og hönnun sem setja lambakjöt og aðrar íslenskar sauðfjárafurðir í öndvegi.

Framleiðsla á náttúrulegum plöntuvarnarefnum
Fréttir 28. september 2023

Framleiðsla á náttúrulegum plöntuvarnarefnum

Algalíf, íslenska líftæknifyrirtækið, stefnir á að hasla sér völl í framleiðslu ...

Innviðauppbygging til 2025
Fréttir 28. september 2023

Innviðauppbygging til 2025

Fara á í 127 verkefni fram til ársins 2025 við uppbyggingu innviða til að mæta á...

Samfélagsleg ábyrgð í forgrunni
Fréttir 28. september 2023

Samfélagsleg ábyrgð í forgrunni

Sjávarútvegsráðstefnan 2023 verður haldin 2.–3. nóvember í Hörpu. Áhersluatriði ...

Heilt sumar eyðilagt hjá geitabóndanum Höllu
Fréttir 27. september 2023

Heilt sumar eyðilagt hjá geitabóndanum Höllu

Í síðasta tölublaði Bændablaðsins greindum við frá því að Halla Sigríður Steinól...

Vex fiskur um hrygg í rannsóknum, tilraunum og erlendu samstarfi
Fréttir 26. september 2023

Vex fiskur um hrygg í rannsóknum, tilraunum og erlendu samstarfi

Nemendur Landbúnaðarháskóla Íslands vinna fjölbreyttar rannsóknir og tilraunaver...

2.500 tonna kornþurrkstöð borgi sig frekar
Fréttir 26. september 2023

2.500 tonna kornþurrkstöð borgi sig frekar

25 af 33 eyfirskum bændum sem spurðir voru, sögðu að þeir myndu myndu nýta sér k...

Lífræni dagurinn haldinn hátíðlegur í Kaffi Flóru
Fréttir 25. september 2023

Lífræni dagurinn haldinn hátíðlegur í Kaffi Flóru

Lífræni dagurinn var haldinn hátíðlegur víðs vegar um landið laugardaginn 16. se...

Ágúst verður forstöðumaður
Fréttir 25. september 2023

Ágúst verður forstöðumaður

Ágúst Sigurðsson hefur verið skipaður forstöðumaður Lands og skógar, nýrrar stof...