Vinsamlegast athugið að þetta efni er eldra en 2 ára.
Kjalvegur hefur oft verið nefndur sem ákjósanleg leið til að útvíkka möguleika ferðaþjónustunnar með tengingu á milli Suðurlands og Norðurlands. Til að svo megi verða er talið nauðsynlegt að endurbæta veginn svo hann verði sæmilega ökufær rútum og fólksbí
Kjalvegur hefur oft verið nefndur sem ákjósanleg leið til að útvíkka möguleika ferðaþjónustunnar með tengingu á milli Suðurlands og Norðurlands. Til að svo megi verða er talið nauðsynlegt að endurbæta veginn svo hann verði sæmilega ökufær rútum og fólksbí
Mynd / HKr.
Fréttir 11. febrúar 2020

Kjalvegur þarf að fara í umhverfismat

Höfundur: Magnús Hlynur Hreiðarsson
Sveitarstjórn Bláskógabyggðar fjallaði á síðasta fundi sínum meðal annars um efnistöku og lagningu Kjalvegar frá Árbúðum að afleggjara til Kerlingarfjalla. Ásta Stefánsdóttir sveitarstjóri  Bláskógabyggðar, gerði grein fyrir niðurstöðu fundar með Vegagerðinni vegna málsins en í máli hennar kom fram að það sé útlit fyrir að Vegagerðin láti ekki verða af framkvæmdinni þar sem ráðast þurfi í umhverfismat. 
 
Það er sveitarstjórn ekki sátt með enda segir hún að framkvæmdin muni draga úr utanvegaakstri og öðrum neikvæðum umhverfisáhrifum, auka umferðaröryggi og bæta aðgengi þeirra sem um veginn fara. 
 
Góður vegur yfir Kjöl, jafnvel með bundnu slitlagi, gæti skapað skemmtilega viðbót og nýja hringleið fyrir ferðamenn.
 
Vegagerðin heldur ekki áfram
 
Svanur Bjarnason  hjá Vegagerðinni Mynd / MHH
„Skipulagsstofnun telur umfang framkvæmdarinnar vera það mikið að rétt sé að hún fari í mat á umhverfisáhrifum. Það þýðir að við höldum alla vega ekki áfram með þessar lagfæringar sem við höfum verið að vinna að í smáskömmtum á löngum tíma. Það er ekki búið að ákveða hvort við förum í umhverfismat vegna þessa en slíkt tekur alltaf allnokkurn tíma.
 
Þessi aðgerð felur alls ekki í sér að leggja neinn heilsársveg yfir Kjöl. Við vorum bara að reyna að koma slóðanum rétt upp fyrir landhæð. Í dag er hann niðurgrafinn og virkar í raun eins og árfarvegur sem mjög erfitt er að halda í sæmilegu horfi og veldur m.a. utanvegaakstri,“ segir Svanur Bjarnason, svæðisstjóri Vegagerðarinnar á Suðursvæði.
 
Eins og Kjalvegur er nú skapast af umferð um hann mikil rykmengun sem er hvorki náttúruvæn né æskileg fyrir þá sem vilja njóta útsýnisins. Sveitarstjórn Bláskógabyggðar telur að með endurbótum á veginum sé hægt að auka öryggi vegfarenda auk þess að draga úr utanvegakeyrslu. Mynd / HKr. 
 
Uppbygging vegarins er afar brýn
 
Ásta Stefánsdóttir, sveitarstjóri Bláskógabyggðar. Mynd / MHH
„Sveitarstjórn hefur áhyggjur af stöðu mála vegna viðhalds á Kjalvegi. Vegagerðin áformaði að ráðast í uppbyggingu vegarins á 17 km kafla frá Árbúðum að Kerlingarfjallavegi. Vegurinn er afar slæmur malarvegur, nánast slóði á köflum, niðurgrafinn og yfirborð afar gróft. Lagfæringar vegarins miða fyrst og fremst að því að hækka vegyfirborð þannig að vegurinn virki ekki sem árfarvegur og er það m.a. gert til að minnka líkur á utanvegaakstri. Talsvert er um að ekið sé utan vegar til að komast hjá því að lenda í djúpum hvörfum og til að forðast svæði þar sem vatn safnast,“ segir Ásta Stefánsdóttir, sveitarstjóri Bláskógabyggðar, og bætir við: 
 
„Uppbygging vegarins er afar brýn samgöngubót á svæði sem er fjölsótt allt sumarið. Skipulagsstofnun hefur hins vegar komist að þeirri niðurstöðu að framkvæmdin skuli fara í umhverfismat. Athygli er vakin á því að hér er alls ekki um nýja framkvæmd að ræða, vegur liggur um Kjöl og hefur svo verið um áratuga skeið. Niðurstöðu sína byggir Skipulagsstofnun á landsskipulagsstefnu, en horfir nánast algerlega framhjá aðal­skipulagi Bláskógabyggðar, sem þó fékk staðfestingu Skipulags­stofnunar á sínum tíma, og sem gerir ráð fyrir endurbótum á Kjalvegi og efnistökusvæðum vegna þeirra. 
 

Skylt efni: Kjalvegur | umhverfismat | Kjölur

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...