Vinsamlegast athugið að þetta efni er eldra en 8 ára.
Kínverjar reisa risabú í svínarækt
Fréttir 19. júní 2015

Kínverjar reisa risabú í svínarækt

Höfundur: Hörður Kristjánsson

Fulltrúar alþjóðlega fyrirtækisins Alltech undirrituðu þann 21. maí viljayfirlýsingu (memor­andum of understanding) við fulltrúa kínverska landbúnaðar­þróunarfyrirtækisins Jiangsu Guo Ming um samvinnu við að koma á fót nýju risastóru svínabúi í Kína.

Í fréttatilkynningu Alltech segir að til að byrja með sé ráðgert að í svínabúinu verði 5.000 gyltur. Í öðrum áfanga er ráðgert að stækka búið enn frekar og vera þar einnig með sláturhús. Markmiðið er einnig að búið verði laust við notkun fúkkalyfja sem nú tröllríða kjötframleiðslu víða um heim. Einnig að búið verði umhverfisvænna en þekkist víða í risabúum í svínarækt og að það verði eins tæknilega fullkomið og hagkvæmt og mögulegt er.

Samstarf sex fyrirtækja

Að þróun þessa verkefnis Jiangsu Guo Ming Agricultural Development Company hafa komið fimm önnur fyrirtæki. Alltech mun leggja til lausnir er varða næringu svínanna, Big Dutchman og Betco munu sjá um hönnun, byggingar og tækjabúnað, PIC mun sjá um erfðafræðihlutann og Pipestone mun bjóða fram stjórnunarteymi.

Ætlað að verða fyrirmynd

Í frétt um málið segir að svínaræktin í Kína sé nú óðum að hverfa frá litlum og dreifðum smábúum yfir í samsteypur og risabú. Sagt er að mikil tækifæri séu í aukinni svínarækt í Kína.  Þá er greint frá því að Jiangsu Guo Ming-búið stefni að því að vera eins vistvænt og sjálfbært og mögulegt er og með háan gæðastaðal hvað varðar dýravelferð. Einnig er gert ráð fyrir að öll vinnslan verði rekjanleg allt frá fóðri dýranna til lokaframleiðslu. Reiknað er með að þetta bú geti orðið fyrirmynd að endurnýjun í landbúnaði í Kína.

Skylt efni: Svínarækt | Kína

Styrkir til vatnsveitna á lögbýlum
Fréttir 5. mars 2024

Styrkir til vatnsveitna á lögbýlum

Enn er opið fyrir umsóknir um framlög vegna vatnsveitna á lögbýlum sbr. regluger...

Tilboðsmarkaður opinn
Fréttir 4. mars 2024

Tilboðsmarkaður opinn

Markaður fyrir greiðslumark mjólkur verður haldinn þann 1. apríl næstkomandi.

Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...