Vinsamlegast athugið að þetta efni er eldra en 3 ára.
Karrí-núðlusúpa og grilluð ferskja
Mynd / BGK
Matarkrókurinn 23. ágúst 2018

Karrí-núðlusúpa og grilluð ferskja

Höfundur: Bjarni Gunnar Kristinsson
Curry Laksa (Curry Mee) er dýrindis sterk karrí-núðlusúpa með ýmsum bragðtegundum. 
 
Það eru ýmsar kenningar til um uppruna þessa réttar. Í Indónesíu er talið að hann hafi komið frá  kínverskum strandsvæðum og blöndu tveggja menningarheima; kínverskra kaupmanna og staðbundinna matreiðsluaðferða. 
 
Rétturinn er kunnur í Malasíu, Indónesíu og Singapúr og innheldur oftast Laksa-núðlur – eða hrísgrjóna vermicelli-núðlur – kókosmjólk og karrí.
 
Curry Laksa (Curry Mee) 
  • 1/3 bolli jurtaolía (80 ml)
  • 2 beinlausar kjúklingabringur (skinnið tekið af)
  • 120 g bauna pírur
  • 170g hrírgrjónanúðlur eða þurrkaðar gular núðlur (225g)
  • 225  hráar tígrisrækjur (hreinsaðar og skelflettar)
  • 1 dós kókosmjólk (400 ml)
  • 100 g tófu (má sleppa)
  • Salt eftir smekk.
 
Laksa kryddmauk (hægt að kaupa tilbúið í Asíubúðum)
  • 5 litlir laukar skrældir og skornir til helminga)
  • 3 rif hvítlaukur (skræld og skorin til helminga)
  • 3 þurrkaðir chili (með eða án fræja, þeir eru látnir liggja í bleyti í heitu vatni til að mýkjast)
  • 1 sítrónugras (lemmongras) (skorið í þunnar sneiðar eða hringi)
  • 1½ biti engifer (skrælt og skorið í þykkar sneiðar)
  • ½ bolli karríduft (50 g)
 
Skreyting fyrir framreiðslu
  • ½ agúrka (skorin í fína strimla)
  • 3 til 4 greinar myntulauf (stönglarnir fjarlægðir)
  • 1 lime (sem búið er að skera  í báta)
  • chili-mauk eftir smekk
Leiðbeiningar:
Blandið öllu kryddmaukshráefninu saman með ¼ bolla (60 ml) af vatni og sjóðið þar til hægt er að vinna það saman í mjúkt mauk. Hellið blöndunni í skál. Blandið með karrídufti til að mynda þykkt mauk.
 
Svo fyrir súpuna, setjið græn­metisolíu í potti yfir miðlungs hita. Steikið kryddið þangað til það er ilmandi – eða í um fimm mínútur. Bætið við kjúklingabringum í sneiðum og eldið þar til þær eru ekki lengur glærar í miðjunni, í um þrjár mínútur.
 
Hellið sex bollum (1,4 lítrum) af vatni saman við. Ef einhver á pandan-lauf úr asískum búðum má bæta því hér við, en það er ekki nauðsynlegt. Setjið lok á og látið súpuna sjóða. Lækkið hitann og látið malla í 20 mínútur.
 
Í öðrum potti undirbúið þið meðlætið.
 
Kryddið vatn með salti og snöggsjóðið baunaspírur í 20 sekúndur. Takið úr með sigti eða gataspaða.
 
Snöggsjóðið núðlur (eða þurrkuð vermicelli-hrísgrjón) í 2 mínútur. Takið úr með sigti eða gataspaða.
 
Takið kjúklingabringur úr súpunni með töng eða gataspaða. Þegar þær hafa aðeins kólnað, rífið kjötið niður í bita.
 
Setjið rækjurnar í súpuna, eldið í um þrjár til fjórar mínútur þar til rækjurnar krullast upp og verða bleikar. Fjarlægið úr súpunni og setjið til hliðar.
 
Hellið kókosmjólk í súpuna. Bætið tófu við og kryddið með salti. Bætið meðlætinu út í skálina, núðlum, baunaspírum, rifnum kjúklingi og rækjum. Hellið súpunni yfir núðlurnar. Skreytið með gúrku og myntulaufum.
 
Berið strax fram með steiktu chili-mauki og lime-bátum.
 
 
Grillað ferskju-melba með íslenskum hindberjum 
Peach Melba (franska: Pêche Melba, er frægur eftirréttur og samanstendur af grillaðri eða bakaðri ferskju með hindberjasósu og vanilluís. Diskurinn var fundinn upp árið 1892 af franska kokkinum Auguste Escoffier á Savoy-hótelinu í London til að heiðra sópransöngvarann Nellie Melba. 
 
Þessi eftirréttur – sem hægt er að gera á nokkrum mínútum – er fullkominn þau sumarkvöld þegar sólin lætur sjá sig.
 
Til að búa til hindberjasósuna skaltu setja hindber, sykur og sítrónusafa í skál eða matvinnsluvél. Þú getur líka marið þetta í skál með spaða. 
 
Setjið sigti yfir hreina skál og nuddið maukinu í gegnum sigtið svo að hindberjasteinarnir fari ekki með, en þeir eru ekki hættulegir þannig að það er allt í lagi þó þeir fari með. Smakkið til og bætið við meiri sykri ef þörf krefur. Geymið í kæli.
 
Fyrir ferskjurnar: Hitið grillið eins mikið og hægt er. Setjið álpappír yfir grillplötuna svo ferskjurnar festist ekki við. Skerið ferskjurnar í tvennt og fjarlægið steinana.
 
Raðið ferskjuhelmingunum á grillflötinn, opnu hliðina upp. Stráið sykri eða hunangi yfir ferskjuhelmingana.
 
Grillið þar til sykurinn er orðinn að karamellu.
 
Færið upp á disk, bætið við ís og miklu af hindberjamauki. Skreytið með fersku hindberjunum.
 
Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...