Vinsamlegast athugið að þetta efni er eldra en 7 ára.
Nýja John Deere rafknúna dráttarvélin  er sannarlega enginn kettlingur og dugar vel til flestra verka.
Nýja John Deere rafknúna dráttarvélin er sannarlega enginn kettlingur og dugar vel til flestra verka.
Fréttir 21. mars 2017

John Deere hristir upp í heimi dráttarvélanna

Höfundur: Hörður Kristjánsson
Mikil eftirvænting var vegna kynningar á nýrri rafdrifinni dráttarvél frá John Deere á SIMA-landbúnaðarsýningunni Paris International Agribusiness Show sem fram fór 26. febrúar til 2. mars. 
 
Um er að ræða stóra vél með 150 kW afli sem samsvarar um 200 hestöflum. 
 
Í vélinni eru tveir rafmótorar, annar til að knýja drifrás dráttarvélarinnar og hinn til að knýja aftanívagna og vökvabúnað. 
 
Nokkuð hefur verið fjallað um þessa vél í erlendum fjölmiðlum síðan í desember. Dráttarvélin frá John Deere er með það sem menn kalla sjálfbært orkuframboð fyrir landbúnaðartæki, eða „Sustainable Energy Supply for Agricultural Machinery“, skammstafað „SESAM“. Vélin er svipuð og 6R týpurnar frá John Deere.
 
Fram kom að geymslugeta í raforku í þessum nýja John Deere traktor sé 30% meiri en í dýrustu útgáfunni af Tesla-rafbílnum. Sagt er að aðeins taki 3 klukkustundir að hlaða rafgeymana í þessari John Deere dráttarvél, en orkan er sögð duga til að keyra vélina í fjórar klukkustundir á 55 kílómetra meðalhraða. Áætlað er að rafgeymarnir dugi fyrir 2.100 hleðslur sem dugar þá til að vinna á vélinni í 8.400 klukkustundir við bestu aðstæður. Kuldi dregur þar talsvert úr vinnslugetunni. Það að skipta um svo öfluga geyma mun svo trúlega koma nokkuð við pyngjuna, en á móti á að koma minni viðhaldskostnaður. 
Í umfjöllunum um vélina þykir mörgum þetta töluverður galli, þar sem ekki taki mörg ár að klára 8.400 tíma. Þá er bent á að akstur á milli vinnslusvæða eða túna sé fljótur að éta upp orkuna. Þá voru sumir líka að láta hljóðið í vélinni fara í taugarnar á sér. 
 
Ýtir undir frekari þróun
 
Það verður ekki af John Deere skafið að þarna er um að ræða fyrstu stóru hreinræktuðu rafmagns-dráttarvélina. Það hljóta að teljast góð tíðindi á tímum umræðu og krafna um aukna umhverfisvitund.
Þarna er sannarlega um gott innlegg að ræða í baráttunni fyrir að gera landbúnaðinn vistvænni. Fyrir lífræna framleiðslu hlýtur slíkt t.d. að skipta töluverðu máli. Það þýðir þó ekki að vélin sé að öðru leyti eitthvað betri en hefðbundin dísilknúin dráttarvél. Fyrir bændur sem eru með eigin rafstöð er rafknúin dráttarvél þó augljós kostur. Spurningin er þá bara um hvort rafgeymarnir séu með ásættanlegri orkurýmd.  
Án efa mun þessi nýja John Deere dráttarvél ýta við öðrum framleiðendum að reyna að gera betur í framleiðslu vistvænna dráttarvéla. Þar hafa nokkrir verið að skoða rafknúnar vélar af svipuðum toga og John Deere, en aðrir eins og New Holland hafa verið að kynna vélar  með vetnisknúnum efnahverfli til raforkuframleiðslu. 
 
Rafgeymarnir eiga að duga í 2.100 hleðslur, eða fyrir allt að 8.400 klukku­stunda akstur á 55 km meðalhraða.  
Nokkrir bændur meðal styrkhafa
Fréttir 14. júní 2024

Nokkrir bændur meðal styrkhafa

Matvælaráðherra úthlutaði tæpum 500 milljónum króna úr Matvælasjóði þann 5. júní...

Ekkert hægt að gera
Fréttir 14. júní 2024

Ekkert hægt að gera

Æðarbændur fóru ekki varhluta af kulda og úrkomu á Norður- og Austurlandi í byrj...

Hretið seinkar vorverkum
Fréttir 13. júní 2024

Hretið seinkar vorverkum

Óveðrið sem gekk yfir Norður- og Norðausturland á dögunum hafði aðallega þau áhr...

ESA spyr um óvissuatriði breytinga á búvörulögum
Fréttir 13. júní 2024

ESA spyr um óvissuatriði breytinga á búvörulögum

Í byrjun maí sendi ESA, Eftirlitsstofnun EFTA, erindi til matvælaráðuneytisins þ...

Viðbragðshópur vegna kuldatíðar
Fréttir 13. júní 2024

Viðbragðshópur vegna kuldatíðar

Matvælaráðherra hefur sett á laggirnar viðbragðshóp vegna þeirra erfiðleika sem ...

Bein og langvinn áhrif á búgreinar
Fréttir 13. júní 2024

Bein og langvinn áhrif á búgreinar

Matvælaráðherra stofnaði þann 7. júní sérstakan viðbragðshóp vegna ótíðarinnar á...

Sjálfbærninám á háskólastigi
Fréttir 12. júní 2024

Sjálfbærninám á háskólastigi

Fulltrúar Háskóla Íslands (HÍ) og Hallormsstaðaskóla hafa staðfest samstarfssamn...

Ætla að virkja sólargeisla og senda til jarðarinnar
Fréttir 11. júní 2024

Ætla að virkja sólargeisla og senda til jarðarinnar

Íslenska loftslagsfyrirtækið Transition Labs er komið í samstarf við breska fyri...