Vinsamlegast athugið að þetta efni er eldra en 9 ára.
Jaguar F-Pace.
Jaguar F-Pace.
Mynd / HLJ
Á faglegum nótum 28. mars 2017

Jaguar F-Pace jepplingur á góðu verði

Höfundur: Hjörtur L. Jónsson
Þegar nýtt merki í bílum er í boði er það fyrir flestum þeim sem á annað borð hafa áhuga á bílum eitthvað nýtt og spennandi sem þarf að skoða. 
 
Fyrir um mánuði síðan byrjaði BL að selja Jaguar bíla. Til að byrja með býður BL upp á fimm tegundir af Jaguar bílum, en mig langaði mest að prófa fjórhjóladrifna jepplinginn hjá þeim. Jepplingurinn, sem heitir Jaguar F-Pace, er í boði í sautján útfærslum, en sá sem ég prófaði var með stærstu dísilvélinni sem í boði er.
 
Sennilega skemmtilegasta og kraftmesta vél sem ég hef prófað
 
Bíllinn sem ég prófaði heitir Jaguar F-Pace R-Sport og er með sex strokka 3,0 dísilvél sem skilar 300 hestöflum og togkrafturinn er 700 Newtonmetrar (Nm). Bíllinn er með aldrifi, átta þrepa sjálfskiptingu og á viðbragðið úr 0 í 100 km hraða að vera um 6,2 sek. (hámarkshraði sagður vera 241 km, en ég prófaði það ekki). Uppgefin eyðsla í blönduðum akstri er 6,0 lítrar af dísil á hundraðið.
 
Prufubíll er í dýrari kantinum og kostar 10.590.000, hlaðinn þægindum og aukabúnaði s.s. hita í stýri, aukafjarstýringu til að kveikja á hitara í bílnum sem er fljótur að hita upp bílinn. 
 
Hægt er að fá fjórar mismunandi gerðir af Jaguar F-Pace R-Sport með vélar frá 180 hestöflum upp í 340 hestafla bíl og er verðið frá 8.690.000 upp í 13.090.000.
 
Þægilegur í akstri og rúmgóður, með litla eyðslu miðað við kraft
 
F-Pace er þægilegur að keyra, sæti góð og hægt að stilla á alla vegu með rafmagni. Fótarými mjög mikið bæði í fram- og aftursætum. Farangursrými er mjög stórt (650 lítrar). Bíllinn er fljótur að hitna að innan án þess að setja forhitamiðstöðina á með aukafjarstýringunni, en ef hún er notuð er bíllinn heitur þegar komið er að honum. 
 
Það eina sem var að trufla mig við bílinn var að í framrúðunni eru hitaþræðir sem sjást of mikið þegar mjög bjart er, en í staðinn kemur þetta sér vel á morgnana þegar aðrir þurfa að skafa af framrúðunni.
 
Ég keyrði bílinn um 220 km og fyrst var tekinn góður hringur innanbæjar og eftir 90 km akstur innanbæjar á meðalhraðanum 42 km var ég að eyða 9,4 lítrum á hundraðið. Næst var það langkeyrsla upp á 60 km. Þar sem meðalhraðinn var 71 km var eyðslan hjá mér 7,0 lítrar á hundraðið.
 
Fjöðrun og aksturseiginleikar
 
Sé maður á 80 km hraða er kraftur vélarinnar svo mikill að þegar tekið er fram úr öðrum bílum á malbikuðum vegum og gjöfin er sett í botn, er maður fljótt kominn á sviptingarhraða. Á malbiki liggur bíllinn vel, svo vel að maður finnur varla fyrir hraðanum á bílnum. Margoft stóð ég sjálfan mig að því að hraðamælirinn sýndi tölu sem var hægra megin við 100 þegar ég hélt mig vera á mun minni hraða. 
 
Á malarvegi fann maður hvað fjöðrunin er góð og venjulegar holur og mishæðir voru hreinlega étnar af fjöðrunarkerfinu. Dekkin undir bílnum sem ég prófaði voru á 19 tommu felgum og prófíll dekkjanna ekki mikill. Góð fjöðrunin setur dekkin í hættu upp á að höggva gat á hliðar dekkjanna. Hægt er að setja 18 tommu felgur undir bílinn og minnka þar með örlítið hættuna á að höggva í sundur dekk.
 
Lokaniðurstaða er að krafturinn er hættulegur gagnvart ökuskírteininu
 
Mínusarnir eru ekki margir, en það sem var mest að trufla mig voru vírarákirnar í framrúðunni og varadekkið er það sem ég kalla aumingi. 
 
Plúsarnir eru fjölmargir, etil dæmis akreinavarinn sem les málaðar línur á veginum (ef þær eru til staðar). Þetta virkar svipað og þegar maður keyrir út í kant þar sem búið er að fræsa ójöfnur í slitlagi.
 
Dráttarkrókurinn er undir bílnum og kemur niður ef ýtt er á takka í farangursrýminu. Það þarf þó að kaupa millistykki til að geta tengt rafmagn í flestar gerðir af kerrum sem hér eru í notkun. Fjarstýringin fyrir hitann inni í bílnum er toppurinn, eitthvað sem ætti að vera í öllum bílum á Íslandi.
 
Eftir að hafa keyrt þennan bíl væri ég alveg til í að eiga svona bíl, en miðað við hversu þungan hægri fót ég hef, held ég að ég yrði fljótur að tapa ökuskírteininu á 300 hestafla bíl.
 
Helstu mál og upplýsingar:
 
Þyngd (frá) 1.775  kg
Hæð 1.652 mm
Breidd 2.175 mm
Lengd 4.731 mm
 

 

11 myndir:

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...

Matarmót Austurlands á laugardaginn
Fréttir 12. nóvember 2026

Matarmót Austurlands á laugardaginn

Matarmót Austurlands verður haldið í sjötta sinn í Sláturhúsinu á Egilsstöðum la...

Miðdalur fyrirmyndarbú
Fréttir 11. nóvember 2026

Miðdalur fyrirmyndarbú

Ábúendur í Miðdal í Kjósarhreppi fengu viðurkenningu sem fyrirmyndarbú deildar n...

Grænbók um landgræðslu og skógrækt í Samráðsgátt
Fréttir 11. nóvember 2026

Grænbók um landgræðslu og skógrækt í Samráðsgátt

Grænbók um landsáætlun í landgræðslu og skógrækt var nýlega sett í Samráðsgátt s...

Blásið til sóknar í lífrænum landbúnaði
Fréttir 10. nóvember 2026

Blásið til sóknar í lífrænum landbúnaði

Fagráð í lífrænum landbúnaði stendur fyrir málþinginu „Tíföldum lífræna framleið...

Fleiri fluttu til en frá öllum sveitarfélögum Vesturlands
Fréttir 10. nóvember 2026

Fleiri fluttu til en frá öllum sveitarfélögum Vesturlands

Búferlaflutningar hafa verið hagfelldir á Vesturlandi undan-arin fimm ár. Fleiri...

Heildarlög um loftslagsmál
Fréttir 10. nóvember 2026

Heildarlög um loftslagsmál

Jóhann Páll Jóhannsson umhverfis-, orku- og loftslags- ráðherra mælti fyrir frum...

Aðgerðir til verndar líffræðilegri fjölbreytni
Fréttir 10. nóvember 2026

Aðgerðir til verndar líffræðilegri fjölbreytni

Út er komin aðgerðaáætlun um líffræðilega fjölbreytni. Meðal forgangsaðgerða er ...

https://bestun.airserve.net/banner_bundles/de3e87e0d8dde67f98882b3ac12f8b2f