Vinsamlegast athugið að þetta efni er eldra en 2 ára.
Íslenskt staðfest – Upprunamerki fyrir íslensk matvæli og blóm
Fréttir 14. mars 2022

Íslenskt staðfest – Upprunamerki fyrir íslensk matvæli og blóm

Höfundur: Vilmundur Hansen

Svandís Svavarsdóttir, matvælaráðherra, afhjúpaði í dag nýtt íslenskt upprunamerki fyrir matvörur og blóm við hátíðlega athöfn á veitingastaðnum Hnoss í Hörpu.

 

Tilgangur merkisins er að auka sýnileika og markaðshlutdeild íslenskra afurða, tengja neytendur betur við frumframleiðendur og fræða þá um kosti íslenskra matvæla og verslunar.

 

Hafliði Halldórsson, sérfræðingur BÍ, Vigdís Häsler, framkvæmdastjóri BÍ, Svandís Svavarsdóttir, matvælaráðherra, og Gunnar Þorgeirsson, formaður BÍ við afhjúpum merkisins

Upprunamerki fyrir matvæli og blóm

Íslenskt staðfest er nýtt upprunamerki fyrir matvörur og blóm sem eru framleiddar og pakkað á Íslandi. Merkið mun auðvelda neytendum að velja íslenskt, en til að mega nota merkið þurfa framleiðendur að ábyrgjast að hráefni sé íslenskt og framleiðsla hafi farið fram á Íslandi. Kjöt, egg, sjávarafurðir og mjólk skal í öllum tilfellum vera 100% íslenskt. Allt að 25% innihalds í blönduðum/unnum matvörum má vera innflutt. 

 

Svar við óskum neytenda

Könnun sem Gallup gerði fyrir fyrir Icelandic Lamb fyrir nokkrum árum kom skýrt fram að neytendur vilja skýrar upplýsingar um uppruna matvöru og betri upprunamerkingar og að yfirgnæfandi meirihluti vill velja íslenskt,

  • Tæp 90% svarenda telja upprunamerkingar mikilvægar.
  • Um 20% svarenda hafa upplifað að hafaverið blekkt við innkaup hvað varðar uppruna matvöru.
  • Rúm 70% neytenda segjast óánægðir með að erlendar kjötafurðir séu seldar undir íslenskum vörumerkjum.
  • 63% svarenda óska þess að innlendar matvörur verði upprunamerktar.
  • Ríflega 80% neytenda kjósa íslenskar vörur í verslunum sé þess kostur.

 

BÍ á og rekur merkið

Bændasamtök Íslands eiga og reka merkið sem byggir á áratugareynslu af notkun sambærilegra merkja á Norðurlöndunum. Stofnun merkisins er afrakstur áralangs samtals hagaðila og opinberra aðila á innlendum matvörumarkaði. Til hamingju með daginn neytendur.

Vottunarstofan Sýni sér um úttektir hjá þeim fyrirtækjum sem kjósa að nota merkið. Enginn má nota merkið nema hafa til þess leyfi sem sótt er um sérstaklega, gangast undir staðal merkisins og uppfylla opinberar kröfur til sinnar starfsemi. 

 

Markmið merkisins

  • Auka sýnileika og markaðshlutdeild íslenskra afurða.
  • Stuðla að því að íslenskar vörur rati á borð neytenda.
  • Tengja neytendur betur við frumframleiðendur og auka verðmæti innlendra afurða.
  • Fræða neytendur um kosti íslenskra matvæla og verslunar.
  • Festa merkið í sessi sem óumdeilt gæðamerki sem má treysta.

 

Nánari upplýsingar um merkið má finna á stadfest.is 

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...